ခြေထောက်မကြွသောရိုက်ချက်
အထက်ပုံပါ တစ်ကွက်ပြီးတစ်ကွက် ပြသထားသော အ ဆင့်ဆင့်ရိုက်သွားပုံများအားကြည့်ပါ။ ကျွန်ုပ်၏ နောက်ခြေ (ညာခြေ) သည် ဆွင်းတောက်လျောက် သဲထဲမှ ကြွမတက် ဘဲရှိနေပါသည်။ ဤသို့လုပ်ခြင်းကြောင့် ခြေထောက် ချော် ထွက်ခြင်း၊ လျောထွက်ခြင်း မဖြစ်ပေါ်ပါ။
နာက်တစ်ချက်မှာ ကိုယ်ခန္ဓာအောက်ပိုင်းတင်း ထားလေ ကိုယ်ခန္ဓာအပေါ်ပိုင်းက အလှည့်တွင် အမြန်နှုန်း ပိုရလေ ဖြစ်လာခြင်းပါ။ 
ဤနည်းအား သင်စမ်းကြည့်ပါ။ သင့်ကိုယ်အလေး ချိန်အား ပုံမှန်သဘာဝအတိုင်း ရိုက်ချိန်၌ နောက်ခြေပေါ်မှာ ရှေ့ခြေပေါ်သို့ ရွှေ့ပြောင်းပေးပါ။ သတိပြုရန်မှာ ခြေနှစ်ဖက် စလုံးကြွတက်ခြင်းမဖြစ်စေရန်ကိုသာပါ။ ချက်ချင်းဆိုသလို ကိုယ်လုံးအပေါ်ပိုင်းအမြန်နှုန်း တိုးတက်ရရှိလာမှုကို သင် တွေ့ရပါလိမ့်မည်။ ကြွက်သားများကို မသုံးဘဲ အမြန်နှုန်းကို အသုံးချပါ
သဲထဲ၌ ကျင်းတူးသလိုမျိုး မရိုက်ပါနှင့်။ သဲထဲမှ ရိုက်ချက်ကောင်းကောင်းဖြင့် ထွက်သွားစေရန်ကိစ္စတွင် ကြွက်သားများ အင်အားဖြင့် ဇောက်နက်စွာ နှိုက်ထုတ် ရန်ကြိုးစားလေ၊ ဂေါက်သီးကမထွက်သွားဘဲ နောက်တစ်ကြိမ်ထပ်ရိုက်ရလေဖြစ် တတ်ပါသည်။ သော့ချက်မှာ အင်အားကိုမသုံးဘဲ အမြန်နှုန်းကိုသုံးရန်ပါ။ သဲထဲသို့ အတင်းနှိုက်ထုတ်သောရိုက်ပုံနှင့် ဆန့်ကျင်လျက် တုတ်ခေါင်းအမြန်နှုန်းများများ သုံး၍ ရိုက်မည်ဟု စဉ်းစားခြင်းဖြင့် ပိုမိုပြည့်စုံသောဆွင်းကို သင်လွှဲနိုင်ပါလိမ့်မည်။ အမြန်နှုန်းဟုဆိုပါလျင် ဖော်ပြခဲ့သောကဏ္ဍ၌ ပါရှိခဲ့သည့်အတိုင်း ကိုယ်ခန္ဓာ တစ်ခုလုံး လိုက်ပါလှုပ်ရှား လှည့်ထုတ်မှု လိုအပ်သည်ဆိုခြင်းကိုသတိရပါ။ ကိုယ် လုံးလှည့်ထုတ်အားပိုများလေ၊ ခေါက်ချိုးကာရိုက်သည့် လက်လှုပ်ရှားမှုကို လျော့ နိုင်လေဖြစ်ပါသည်။ လက်များချိုးခေါက်မှုနည်းပါးလေ၊ တုတ်မျက်နှာပြင် အပွင့် အနေအထားကို ထိန်းထားရန် ပိုလွယ်လေဖြစ်ပြီး ပိုမိုကောင်းမွန်သော ဘန်ကာ ရိုက်ချက်ကို ရရှိပါလိမ့်မည်။ ထို့ကြောင့် အင်အားအစား အမြန်နှုန်းကိုသာ စဉ်း စားပါ။ ဤခံယူချက်မျိုးဖြင့် သဲထဲစိုက်ဝင်သွားသောအဖြစ်မျိုးကို တားဆီးနိုင် ပြီး သဲအားကောင်းစွာ ဖြတ်သန်း ရိုက် ထုတ်သွားနိုင်ပါလိမ့်မည်။Sand Wedge အလုပ်လုပ်ပုံကို သဘောပေါက်ခြင်း
Sand Wedge ဂေါက်တုတ်တိုင်းအား အနည်းဆုံးနည်းလမ်းနှစ်ခုဖြင့် ကစား နိုင်ပါသည်။ ဂေါက်တုတ်ရှိ တုတ်ခေါင်း၏ အောက်ခံအနားစောင်းခြေဖဝါးကို ကြည့်လိုက်ပါ။ ထိုခြေဖဝါး၏ တုတ်ခေါင်းထိပ်ဖက်မှ အရင်းဘက်အထိ ကြည့် ပါလျင် အလယ်၌ အနားစောင်းထားသည်ကို တွေ့ပါလိမ့်မည်။ ထိုအစောင်းအား သြကညခန ဗညါူန ဟု ခေါ်ပါသည်။ ခုန်ထွက်ထောင့်ပါ။ အဆိုပါအောက်ခြေရှိ ရှေ့နောက်အနား စောင်းထားသည့် တုတ်ခြေဖဝါးကျယ်လေ ခုန်ထွက်ထောင့် များလေဖြစ်ပါသည်။ ဆိုလိုသည်က တုတ်ခေါင်းသည် သဲထဲသို့စိုက်ဝင်သွားရန် ဖြစ်နိုင်ခြေနည်းသွားပြီး သဲထဲမှခုန်ထွက်လာရန် ပိုမိုလွယ်ကူလာခြင်းပါ။ ခုန်ထွက်ထောင့်နည်းသော ဂေါက်တုတ်များက သဲထဲစိုက်ဝင်သွားခြင်း ပိုမိုဖြစ်ပေါ်ပါသည်။ တုတ်ခေါင်းအား ဖွင့်၍ကိုင်ခြင်းဖြင့် ခုန်ထွက်ထောင့်အား ပို၍ပင်ကြီးသွားစေပါသည်။ ယင်းသို့ လုပ်ခြင်းကြောင့် ဦးထောင်အနားကမော့တက်သွားပြီး တုတ်ခေါင်း အောက်ခံ သဲထဲစိုက်ဝင်ခြေလျော့နည်းသွားကာ ဂေါက်သီးကို မြန်ဆန်စွာမြောက်တက်စေပါသည်။ တုတ်ခေါင်းအား မဖွင့်ဘဲ ဖဲဝေးရှော့များရိုက်သလို ဘန်ကာထဲ၌ ကျင်တွယ်ကိုက်ရိုက်မည်ဆိုပါက တုတ်ခေါင်း၏ ဦးဆောင်အနားက သဲထဲသို့ ဓားသွားဝင် သွားသလို စိုက်ဝင်သွားပါလိမ့်မည်။ တုတ်ခေါင်း ဖွင့်ရိုက်သလိုမျိုး အောက်ခံအနားစောင်းတုတ်ခြေဖဝါးက ခုန်ထွက်လာတော့ မည်မဟုတ်ပါ။ တုတ်ခေါင်းဖွင့်ကာရိုက်ရမည့်အနေအထား
ဂေါက်သီးသည် သဲထဲသို့ မြုပ်နေခြင်းမရှိဘဲ သဲပြင် ပေါ်၌ အနေအထားကောင်းစွာ ရှိနေပါလျင် တုတ် ခေါင်းဖွင့်၍ ကိုင်သောပုံစံဖြင့် ရိုက်ခြင်းက အကောင်း ဆုံးဖြစ်ပါသည်။ ဂေါက်သီးအောက်က သဲဆီသို့ရိုက် ရာတွင် ဤအနေအထားအရ သဲပမာဏ အသင့်အတင့် သာ တုတ်ခေါင်းနှင့် ဂေါက်သီးကြား၌ ရှိနေမည်ဖြစ်သဖြင့် တုတ်ခေါင်းက သဲထဲလျောဝင်သွား ပြီးနောက် ခုန် ထွက်လာပါလိမ့်မည်။ ဂေါက်သီးသည်လည်း မြောက် တက်သွားပြီး ဂရင်းပေါ်ကျသည့်အခါ လျင်မြန်စွာ ရပ်သွားပါလိမ့်မည်။ တုတ်ခေါင်းမဖွင့်ဘဲ ကျင်တွယ်ကိုက်ထားကာ ရိုက်ရမည့်အနေအထား
ဂေါက်သီးသည် သဲထဲသို့ မြုပ်ဝင်နေသော အနေအထား ရှိနေပြီဆိုပါ လျင် တုတ်ခေါင်းအားမဖွင့်တော့ဘဲ ပစ်မှတ်ဆီ တည့်တည့်ကျင် တွယ်ကိုက်ထားကာရိုက်ခြင်းက အကောင်းဆုံဖြစ်ပါသည်။ (တုတ် ခေါင်းပိတ်သည့် ပုံစံဖြင့်တော့ မည်သည့်အခါတွင်မျ မရိုက်သင့်ပါ)။ ဦးဆောင်အနားက နိမ့်နေသည့်အလျောက် ဤပုံစံဖြင့်ရိုက်သည့် အခါတွင် တုတ်ခေါင်းက သဲထဲသို့နစ်ဝင်သွားပါလိမ့်မည်။ သို့မှလည်း ဂေါက်သီး၏အောက်ဘက်သို့ တုတ်ခေါင်းရောက်ရှိပါမည်။ ဤကဲ့သို့ မြုပ်နေသည့်အနေအထားရှိသော ဂေါက်သီးအားရိုက်ထုတ်ရာတွင် နိမ့်နိမ့်ထွက်သွားမည်ဖြစ်ပြီး ဂရင်းပေါ်ကျသည့်အခါတွင်လည်းချက် ချင်းရပ်မည်မဟုတ်ဘဲ လိမ့်သွားမည်ကို မျော်လင့်ထားပါ။ စောင်းနေသောသဲမျက်နှာပြင်နှင့်အညီ ဆွင်းလွှဲပါ
ဘန်ကာထဲက စောင်းနေသော သဲမျက်နှာပြင်များပေါ်တွင် ဂေါက်သီးရှိနေသည့်အခါ မျက်နှာပြင်အစောင်းနှင့် လိုက်ဖက် စွာဆွင်းလွှဲခြင်းက အကောင်းဆုံးနည်းလမ်းပါ။ ဤသို့ လွှဲနိုင် ရန်အတွက် သင့်ကိုယ်အလေးချိန်အထားအသိုနှင့် သင့်ကိုယ် နေဟန်ထားများကို အနည်းငယ်ပြင်ဆင်ရပါမည်။ ပုံ၌ပြ ထားသောအခြေအနေတွင် ပစ်မှတ်ဘက်ဆီဖြစ်သော ဘယ် ဘက်က မြင့်တက်နေပါသည်။ ကျွန်ုပ်၏ပခုံးများကို သဲပြင် အစောင်းနှင့်အပြိုင်ဖြစ်အောင် နေရာယူရပါမည်။ ကိုယ်ခန္ဓာ ကိုလည်း စောင်းနေသောသဲပြင်နှင့် ထောင့်မှန်ကျအောင် ထား ရပါသည်။ ထိုသို့ဖြစ်ရန်မှာ ကျွန်ုပ်၏ကိုယ်အလေးချိန်အား နောက်ခြေပေါ်သို့ ပိုမိုပို့ထားရပါသည်။ ဤပုံစံအရ တကယ် ရိုက်သည့်အခါ ကိုယ်အလေးချိန်အား ရှေ့ခြေပေါ်သို့ ရွှေ့ ပြောင်းရန် ခက်ခဲသွားသဖြင့် ကိုယ်အလေးချိန်ရွှေ့ပြောင်းမှုကို ပိုမိုလုပ်ရန် လိုအပ်လာပါသည်။ အခြား အသေးစိတ်အချက် အလက်များမှာမူ သဲပြင်ညီတွင်ရိုက်သည့်အတိုင်း ဆက်လက် လုပ်ဆောင်သွားရန်ပဲ ဖြစ်ပါသည်။ ဤအနေအထားအတွက် သော့ချက်၊ တစ်နည်းအားဖြင့် ဘန်ကာရိုက်ချက်အားလုံး အတွက် သော့ချက်မှာ အရာရာကို လွယ်ကူရှင်းလင်းအောင် လုပ်ခြင်းပါ။ သဲများအားလုံးသည် ထပ်တူမဟုတ်ကြပါ
ဂေါက်ကွင်းတစ်ကွင်းနှင့်တစ်ကွင်းသည် အသုံးပြုသည့်သဲချင်း မတူညီကြပါ။ ရံဖန်ရံခါတွင် တစ်ကွင်းတည်း၌ပင် ဘန်ကာတစ်ခု နှင့်တစ်ခု သဲချင်းမတူကြပါ။ တချို့၌ သဲထုများပြီး တချို့၌ သဲထုနည်းကြသည်။ တချို့သဲများက ရေစုပ်ထားတတ်ကြ ပြီး တချို့ကရေကိုလက်မခံကြပါ။ တချို့သဲများကပွပြီး တချို့က ကျစ်သည်။ ပြောရပါလျင် အမျိုးအစားများစွာရှိသည်။ သို့ဖြစ်လျင် သဲအပေါ် မည်သို့တွက်ဆပါမည်နည်း။ ပထမဆုံးက ဘန်ကာထဲခြေချလိုက်သည်နှင့် သင့်ခြေများ မည်သို့ခံစားရသည်ကို အကဲဖြတ်ပါ။ သဲများပျော့၍ စိုနေပါ လျင် ရိုက်ချက်၌ အနည်းငယ် ပို၍ပြင်းထန်ရန် လိုအပ်ပါ သည်။ ဂေါက်သီးလည်း မျော်မှန်းသည်ထက် ပို၍နိမ့်စွာ ထွက် သွားပါမည်။ သဲများက ပျော့၍ ပေါ့ပါးနေလျင် တုတ်ခေါင်း သဲထဲသို့ ပို၍လွယ်ကူစွာ လျောဝင်သွားစေနိုင်ပါသည်။ ထို့ ကြောင့် သဲအများကြီးပါအောင် ရိုက်ထုတ်မည်ဟု စိတ်ကူး ရန်မလိုအပ်ပါ။ သင်ထိုသို့များ စိတ်ကူး ၍ ရိုက်လိုက်ပါလျင် တုတ်ခေါင်းသည် သဲထဲသို့ မြန်ဆန်စွာ လျောဝင်သွားပြီး သဲအများကြီးပါသွားကာ အပြင်သို့မထွက်ဘဲ ရှေ့နားတွင်သာ ပြန်ကျသောရိုက်ချက် ဖြစ်ပေါ် တတ်ပါသည်။ အပြီးသတ်အ နေဖြင့် သင်ကစားနေသောဂေါက်ကွင်းက သဲအမျိုးအစားများ ကိုကြည့်ပါ။ သဲအလုံးကြီး၍ လေးလံသောသဲအမျိုးအစားဖြစ်ပါ လျင် ဘန်ကာ ထဲ၌ ဂေါက်သီးမြုပ်နေတတ်ပါသည်။ ရိုက် ထုတ်သည့်အခါ ပိုမိုအားထည့်ရန် လိုအပ်ပါသည်။ ပင်လယ် ကမ်းစပ်သဲကဲ့သို့ သဲပွင့်သေးပါလျင် သဲထဲသို့ တုတ်ခေါင်း လျောဝင်ရန် ပိုမိုလွယ်ကူပါသည်။ ထို့ကြောင့် အပိုအင်အား သုံးရန်မလိုအပ်ဘဲ ပြေတိမ်သောရိုက်သွင်းမှုသာ လိုအပ်ပါ သည်။ တုတ်ခေါင်းက သဲကို များစွာမထိဘဲ ရိုက်ရသော အခြေအနေများရှိပါသည်။ ကျစ်လျစ်၍ စိုစွတ်နေသော သဲပေါ် တွင် ဂေါက်သီးရှိနေသည့်အခါတွင်ပါ။ ဘန်ကာထဲတွင် ရိုက်ရအခက်ဆုံး ဂေါက်သီးအနေအ ထားပါ။ ထိုအနေအထား ကိုရိုက်ရာတွင် တုတ်ခေါင်းကို ပစ်မှတ်နှင့် ကျင်တွယ်ကိုက်ချိန် ရွယ်ပါ။ ထိုအခါ ဦးဆောင်အနားက တုတ်ခေါင်း၏အနိမ့် ဆုံးနေရာဖြစ်နေပါ လိမ့်မည်။ ကျစ်လျစ်၍ စိုစွတ်သောထို သဲပြင်အား ထိမိသည့်အခါ တုတ်ခေါင်းခုန်ထွက်မည်ဖြစ်၍ ယင်းသို့ဦးဆောင်အနားကိုသုံးကာ ဂေါက်သီးနှင့် တုတ်ခေါင်း တိုက်ရိုက်ထိခြင်းအား မကြောက်ရွံ့ပါနှင့်။ ဤရိုက်ချက်မျိုး၌ သဲကိုဦးစွာရိုက်မိရန် မလိုအပ်တော့ပါ။ဝင်းမြင့်သိန်း
