ဒေါက်တာ ဒေါ်ရီရီမြင့် (ပါမောက္ခ - ငြိမ်း - ရန်ကုန်စီးပွားရေးတက္ကသိုလ်)
ဝန်ထမ်းတွေကိုအုပ်ချုပ်စီမံရတဲ့ ခေါင်းဆောင်တွေရှောင်ရှားသင့်တာ တစ်နည်းအားဖြင့် လုပ်သင်တဲ့အချက်တချို့ ကိုဖြေပေးရမယ်ဆိုရင် ဝန်ထမ်းတွေအများကြီးကို ခေါင်းဆောင်အုပ်ချုပ်ရဖို့ဆိုတာ သင့်တင့်တဲ့အဆောက်အဦးအတွင်းမှာ လုပ်ငန်းကိုဖွဲ့စည်းဖို့ဌာန၊ ကြီးကြပ်သူ၊ တာဝန်ယူတဲ့သူတွေနဲ့ပါ စနစ်တကျဖွဲ့စည်းမှုရှိရပါတယ်။ ဝိုင်းလုပ်ဝိုင်းစားပုံစံမျိုးဆိုရင်တော့ ပြဿနာတွေပေါ်မယ်။
အလုပ်လည်းတွင်ကျယ်မှာမဟုတ်ဘဲ မှားတဲ့၊ မမှန်တဲ့လုပ်နည်းပုံစံလို့ ပြောရမှာဖြစ်ပါတယ်။နောက်ထပ် မဖြစ်မနေလုပ်ရမယ့်ကိစ္စတစ်ခု တစ်နည်းအားဖြင့် မလုပ်ရင်အမှားလို့ဆိုရမှာကတော့ စနစ်ဇယားရှိတဲ့လုပ်ငန်းစဉ်၊ အလုပ်ချိန်၊ အလုပ်ပြီးစီးမှုတွေကို စစ်ဆေးကြီးကြပ်ရပါမယ်။ ရှိနိုင်တဲ့အခက်အခဲ နဲ့ပြဿနာတွေကို ရှင်းပေးရပါမယ်။ ဝန်ထမ်းဆက်ဆံရေးပြေလည်မှုရှိဖို့လည်း လိုအပ်ပါတယ်။ ထိန်းချုပ်အုပ်ချုပ်မှုရှိတာလည်း လူအများကြီးနဲ့ဆို အမှားဖြစ်နိုင်ပါတယ်။
အခြေအနေတစ်ခုလုံးကို သုံးသပ်စဉ်းစားမယ်ဆိုရင် ဝန်ထမ်းတွေအများကြီးနဲ့ စီမံခန့်ခွဲအုပ်ချုပ်လုပ်ကိုင်မှုဟာ ဘယ်လောက်ကုန်ကျမှုရှိသလဲ၊ စက်မှုလုပ်ငန်းပုံစံ၊ ကွန်ပျူတာတွေ ဆက်သွယ်မှုကွန်ယက်နည်း ပညာတွေသုံးပြီး လုပ်ရတဲ့ E-processing တွေစဉ်းစားသင့်ပြီလား၊ လိုအပ်လာနိုင်တဲ့ကိစ္စရပ်အမျိုးမျိုးအတွက် စဉ်းစားပြင်ဆင်သင့်တာတွေကို မလုပ်ရင်တော့ ကိုယ့်အမှားပဲဖြစ်မလား တွေးကြည့်ပါ။
