ထိုင်းနိုင်ငံဟာ အာဆီယံဒေသတွင်း 5G တပ်ဆင်မှုမှာ ရှေ့ပြေးအနေနဲ့ ဦးဆောင်နေတာဖြစ်ပြီး အာဆီယံရဲ့ဒစ်ဂျစ်တယ်ဆိုင်ရာပင်မရပ်ဝန်း (Digital Hub) အတွက်လည်း ICT အခြေခံအဆောက်အအုံနဲ့ ဂေဟစနစ်ကို အဆင့်မြှင့်တင်သွားမယ့် ရှေ့ပြေးစီမံကိန်းတစ်ခုအဖြစ် ၂၀၂၀ ပြည့်နှစ်၊ နိုဝင်ဘာလ ၁၁ ရက်ကနေ ၁၄ ရက်အတွင်းလေးရက်တာထိုင်းနိုင်ငံ၊ ဘန်ကောက်မြို့မှာကျင်းပတဲ့ "Powering Digital Thailand 2021: Huawei Cloud & Connect" အခမ်းအနားမှာ ထုတ်ဖော်မိတ်ဆက်ခဲ့ပါတယ်။
Huawei Technologies (Thailand) နဲ့ Bangkok Post Public Company Limited တို့ပူးပေါင်းကျင်းပခဲ့တဲ့ အဆိုပါ 'Powering Digital Thailand 2021; Huawei Cloud & Connect' အခမ်းအနားက ဒစ်ဂျစ်တယ်ခေတ်အတွင်းမှာရှိတဲ့ ဈေးကွက်နဲ့လုပ်ငန်းပုံစံငယ်တွေရဲ့ အလားအလာသစ်တွေကို ထုတ်ဖော်နိုင်ဖို့ Cloud ၊ AI ကဲ့သို့သော ချိတ်ဆက်နိုင်စွမ်းနည်းပညာသစ်တွေကို ဘယ်လိုအသုံးပြုလို့ ရနိုင်မလဲစတာတွေကိုလည်း မိတ်ဆက်ပေးခဲ့တာ ဖြစ်ပါတယ်။
အဆိုပါ 'Powering Digital Thailand 2021; Huawei Cloud & Connect ' အခမ်းအနားမှာ 5G ၊ Cloud နဲ့ AI စတဲ့နည်းပညာဆိုင်ရာပြသမှုတွေကို မိတ်ဆက်ပေးခဲ့ပြီး တန်ဖိုးသစ်များ ဆောင်ကြဉ်းပေးလာနိုင်ပုံ၊ ဒစ်ဂျစ်တယ်စီးပွားရေးကို တိုးတက်စေနိုင်ပုံစတဲ့အကျိုးကျေးဇူးတွေကိုလည်း မိတ်ဆက်ပေးခဲ့ပါတယ်။ ဒါအပြင် လုပ်ငန်းကဏ္ဍအသီးသီးအတွက် ကွဲပြားစုံလင်တဲ့ ပြသတင်ဆက်မှု၊ လက်တွေ့စမ်းသပ်ပြသမှုနဲ့ ပြိုင်ပွဲများလည်းပါဝင်ခဲ့ပါတယ်။
ပြိုင်ပွဲနဲ့ပတ်သက်ပြီး အသေးစိတ်သိရှိ လိုပါက -http://www.facebook.com/Huawei မှာ ဝင်ရောက်ကြည်ရှုနိုင်ပါတယ်။
