ဈေးချပြီးပြိုင်တာက အကျိုးမရှိဘူး။ အပြစ်ပဲ ရှိပါတယ်။ Marketing မှာ လုံးဝမတတ်နိုင်တဲ့အခါကျမှ Price ကို သွားထိသင့်ပါတယ်။ Price မှာ Sensitivity ရှိပါတယ်။ ဈေးချလိုက်တဲ့အခါမှာ ပိုရောင်းကောင်းလာနိုင်တာ မှန်ပေမဲ့ ဈေးကိုပြန်ဆွဲတင်တဲ့အခါကျရင် မဝယ်ကြတော့ဘူး။ Marketing သမားနဲ့ Sales သမားအတော်များများက Promotion လုပ်ကြတယ်။ Promotion မှာ Offer တွေပေးကြတယ်။ ဒီလိုလုပ်တာက ဈေးချတယ်ဆိုတာ မပြောချင်တဲ့အတွက်ကြောင့်ပါ။ ကမ္ဘောဒီးယားမှာ ဖြစ်စဉ်တစ်ခုရှိပါတယ်။ Angkor Beer ဆိုတာရှိတယ်။ သူက ABC ကို ပြိုင်ချင်တော့ အစကတည်းက ဈေးလျော့ရောင်းတယ်။ အဲဒီလိုမျိုး တစ်နှစ်ကျော် နှစ်နှစ်ကြာ ဈေးလျော့ရောင်းလိုက်တဲ့အခါမှာ ဈေးကွက်ရသွားပေမဲ့ သူဈေးဆွဲတင်တဲ့အခါ ဘယ်သူမှမဝယ်တော့ဘဲ ဈေးကွက်က တခြားသူဆီ ရောက်သွားရော။ ဒါကြောင့်ဈေးဆွဲချပြီး ယှဉ်ပြိုင်တာက ရေရှည်မှာ အကျိုးမရှိဘူးလို့ ယူဆပါတယ်။ ဒါပေမဲ့ Pricing Strategy နဲ့ ဈေးဆွဲချတာဆိုရင်တော့ တစ်မျိုးဖြစ်ပါမယ်။ Pricing Strategy နဲ့ဆိုရင် ကိုယ့်မှာ Objective ရှိရမယ်။ ဈေးချတဲ့အတွက် Consumer Awareness ရပြီး ကိုယ့်ကုန်ပစ္စည်းရဲ့ Taste ကို ကြိုက်သွားမယ်၊ စွဲသွားမယ်ဆိုရင်တော့၊ ဈေးပြန်ဆွဲတင်လို့ ရမယ်ဆိုတဲ့ Sense ရှိတယ်ဆိုရင်တော့ ဈေးချပြီး ပြိုင်ပါလို့ ဆိုချင်ပါတယ်။
နောက်ပြီး ဈေးချမယ့်အစား Promotion တွေ၊ Incentive တွေ၊ ဘယ်လောက်ဝယ်ရင် ဘယ်လောက်ပေးမယ် ဆိုတာမျိုးတွေ လုပ်သင့်ပါတယ်။ ဈေးချပြီးပြိုင်တဲ့အခါမှာ များသောအားဖြင့် သူပြိုင်၊ ကိုယ်ပြိုင်နဲ့ ဈေးလျော့ပြီးပြိုင်ကြတာပဲ။ ဒီတော့ များများအရှုံးခံနိုင်တဲ့ သူက နိုင်တာပဲ။ ဒီဈေးကွက်မှာ နိုင်သွားပေမဲ့ နောက်ထပ်ယှဉ်ပြိုင်ဖို့ရာမှာတော့ သူက အင်အားမရှိတော့ဘူး။
ဒါကြောင့် ကိုယ်ပိုင်အမြင်အရဆိုရင်တော့ ဈေးဆွဲချပြီး ပြိုင်တာကို နောက်ဆုံးမှလုပ်စေချင်ပါတယ်။
ဦးမြင့်ဇော် - CEO, Ground Solution Co Ltd
