TOYOTA ကား model အသစ် မိတ်ဆက်ခြင်းအခမ်းအနား

Aye and Sons Services LTD နှင့် TTAS CO LTD တို့ကပြုလုပ်တဲ့ Toyota  ကား model အသစ်မိတ်ဆက်ပွဲအခမ်းအနားကို ၂၀၁၄ ခုနှစ်၊ စက်တင်ဘာလ ၁၆ ရက်က ရန်ကုန်မြို့ ဆီဒိုးနားဟိုတယ်မှာ ကျင်းပခဲ့ပါတယ်။ အခမ်းအနားမှာ Toyota Land Cruiser ၊ Prado ၊ Hilux ၊ Camry နဲ့ Corolla တို့ကို ပြသမိတ်ဆက်ခဲ့တာပါ။ အခုပြသခဲ့တဲ့ ကား model အသစ်တွေနဲ့ပတ်သက်ပြီး TTAs Co Ltd ဟာ နောက်ဆုံးပေါ်နည်းပညာတွေ အသုံးပြုထားတဲ့ စက်ကိရိယာတွေနဲ့ Toyota မှ လေ့ကျင့်ပေးထားတဲ့ နည်းပညာရှင်တွေနဲ့ ဝန်ဆောင်မှုပေးသွားမယ်လို့ သိရပါတယ်။ မြန်မာနိုင်ငံအတွင်း ကားအသုံးပြုသူများပြားလာတာနဲ့အမျှ Aye and Sons Services LTD အနေနဲ့ TTAS CO LTD နှင့်ပူးပေါင်းကာ ရန်ကုန်နဲ့ နေပြည်တော်မှာ မကြာခင်ကာလအတွင်း တိုးချဲ့လုပ်ကိုင်သွားရန်ကြိုးစားသွားမယ်လို့လည်း သိရပါတယ်။ ပွဲမှာ မိတ်ဆက်ခဲ့တဲ့ ကားမော်ဒယ်အသစ်တွေထဲက Toyota Corolla ဟာ ၂၀၁၄ ကားဒီဇိုင်းအသစ်ဖြစ်ပါတယ်။ ဈေးနှုန်းတွေကတော့ Land Cruiser က အမေရိကန်ဒေါ်လာ ၁၉၉,၃၀၀ ၊ Prado က အမေရိကန်ဒေါ်လာ ၁၁၄,၉၀၀ ၊ Hilux Duble အမေရိကန်ဒေါ်လာ ၄,၃၈၀၊ Hiace က အမေရိကန်ဒေါ်လာ ၃၇,၅၀၀၊ Camry က အမေရိကန်ဒေါ်လာ ၁၁၇,၇၀၀ နဲ့ Corolla ကတော့ အမေရိကန်ဒေါ်လာ ၃၅,၃၀၀ တို့ ဖြစ်ပါတယ်။ အသေးစိတ်သိချင်ရင်တော့ ဖုန်း ၀၁ ၄၀၀၉၅၀ နဲ့ ၀၁ ၅၀၂၂၀၆ တို့ကို ဆက်သွယ်စုံစမ်း မေးမြန်းနိုင်ပါတယ်။