Steakhouse ဆိုတဲ့အတိုင်း Steak အမျိုးအစားအစုံကို အရသာရှိရှိ သုံးဆောင်နိုင်ပြီး အဖျော်ယမကာ စုံစုံလင်လင်ရနိုင်တဲ့၊ Business Lunch အတွက်လည်း ရွေးချယ်နိုင်တဲ့ The West Steakhouse နဲ့ မိတ်ဆက်ပေးချင်ပါတယ်။ ဒီဆိုင်လေးရဲ့ Menu ပိုင်းကို တာဝန်ယူထားပြီး Chef အတွေ့အကြုံ ဆယ်နှစ်ကျော်ရှိတဲ့ Chef ကိုရဲလင်းက အခုလိုပြောပြထားပါတယ်။
ဆိုင်တည်နေရာနဲ့ ဆက်သွယ်နိုင်မယ့် ဖုန်းနံပါတ် . . .
တိုက် D ၊ အမှတ် ၁၂၊ မြေညီထပ်၊ ပုလဲကွန်ဒို၊ ကမ္ဘာအေးဘုရားလမ်း၊ ဗဟန်းမြို့နယ်၊ ရန်ကုန်မြို့မှာတည်ရှိပြီး ဖုန်းနံပါတ် - ၀၉-၉၆၂၅၉၉၈၄၈ နဲ့ ၀၉-၉၇၆၁၁၅၅၆၁ တို့ကို ဆက်သွယ်နိုင်ပါတယ်။ အီးမေးလ်ကတော့ [email protected] ဖြစ်ပါတယ်။
ဆိုင်ဖွင့်ဖြစ်ခဲ့ပုံနဲ့ ဆိုင်နာမည်ပေးဖြစ်ပုံ . . .
ရန်ကုန်မှာ Bar တွေများတဲ့အတွက် သောက်စရာရော၊ စားစရာပါ ကောင်းကောင်းရနိုင်မယ့် Steakhouse ဖွင့်ဖြစ်ခဲ့ပါတယ်။ The West လို့ နာမည်ပေးဖြစ်တာက အနောက်တိုင်းအစားအစာ၊ အနောက်တိုင်းစတိုင်လ်ဆိုင် အပြင်အဆင်နဲ့ လိုက်ဖက်ညီညီ ပေးဖြစ်ခဲ့တာပါ။
ဆိုင်ဖွင့်ချိန် . . .
တနင်္ဂနွေနေ့ ကနေ ကြာသပတေးနေ့အထိ နေ့လယ် ၁၂ နာရီကနေ ည ၁၁ နာရီအထိဖွင့်ပြီး သောကြာနေ့နဲ့ စနေနေ့တွေမှာတော့ နေ့လယ် ၁၂ နာရီကနေ ည ၁ နာရီအထိဖွင့်ပါတယ်။ နေ့လယ်စာကို နေ့လယ် ၁၂ နာရီ ကနေ ညနေ ၃ နာရီအထိ သုံးဆောင်နိုင်ပါတယ်။
ရရှိနိုင်တဲ့ Menu တွေနဲ့ Drinks . . .
Dinner Menu ကတော့ Starters & Salads ၊ Soups ၊ Grill ၊ Pasta & Pizza ၊ Burger ၊ Beer Bites ၊ Desserts ဆိုပြီး စုံစုံလင်လင်ရနိုင်ပါတယ်။ Drinks တွေဆိုရင် ပြင်သစ်၊ အီတလီ၊ သြစတြေးလျ၊ နယူးဇီလန်နဲ့ အမေရိကန်က Red Wine & White Wine မျိုးစုံ၊ Moet & Chandon တံဆိပ် Champagne ၊ ယမကာမျိုးစုံ၊ Beer နဲ့ Cocktail & Mocktail မျိုးစုံရနိုင်ပါတယ်။
ဆိုင်ကိုပထမဆုံးလာရင် မြည်းစမ်းစားကြည့်စေချင်တာ . . .
Steak ကိုတော့ မဖြစ်မနေ မြည်းစမ်းကြည့်စေချင်ပါတယ်။ Beef ဆိုရင် သြစတြေးလျကသွင်းတဲ့ Jack’s Creek (100 % Black Angus) ကိုပဲသုံးပါတယ်။ Jack’s Creek အမျိုးအစားက မွေးမြူရာမှာ ဟော်မုန်းဆေးတွေ လုံးဝမသုံးပါဘူး။ အဲဒီမှာမှ Rib Eye ၊ Striploin နဲ့ Prime Rib ဆိုပြီး Cut သုံးမျိုးရှိပါတယ်။ Grilled Pork Ribs တို့ ၊ Roasted Chicken တို့လည်း လူကြိုက်များပါတယ်။ နောက်ပြီး New Zealand Slow Braised Grilled Lamb Shank ၊ Duck Conflict နဲ့ Fish & Chips တို့လည်း Recommend လုပ်ချင်ပါတယ်။
ဈေးနှုန်းပိုင်း . . .
ဈေးနှုန်းပိုင်းကတော့ Starters & Salads ၊ Soups တို့က တစ်သောင်းကျပ်ဝန်းကျင်ပါ။ Steak တွေကတော့ နှစ်သောင်းကျပ်ကနေ ၃၅,၀၀၀ ကျပ်အတွင်းရှိပါတယ်။ Pasta & Pizza နဲ့ Burger တို့က ၁၅,၀၀၀ ကျပ်ဝန်းကျင် ဖြစ်ပါတယ်။
အပြင်ကနေ Bottle ယူလာမယ်ဆိုရင် Bottle Charges က တန်ဖိုးသုံးသောင်းကျပ်အောက် Bottle ဆိုရင် တစ်သောင်းကျပ်ယူပြီး သုံးသောင်းကျပ်အထက် Bottle ဆိုရင်တော့ သုံးသောင်းကျပ်ယူပါတယ်။
ဆိုင်ရဲ့ထူးခြားချက်များ . . .
ဒီမှာအသုံးပြုတဲ့အသားတွေက ဘဲသားကလွဲပြီး ကျန်တဲ့အသားအကုန်လုံးကို Import လုပ်ပါတယ်။ Hygiene ၊ Certificate ၊ Halal Certificate တွေ ရထားပါတယ်။ ရောဂါပိုးတွေကင်းရှင်းကြောင်းလည်း ထောက်ခံချက်တွေ အကုန်ပါပါတယ်။ ဒီတော့ Steak ကို Medium တို့ ၊ Medium Rare တို့ စားတဲ့အခါမှာလည်း စိတ်ချလက်ချ သုံးဆောင်နိုင်ပါတယ်။ လူမျိုးဘာသာမရွေးလည်း သုံးဆောင်နိုင်ပါတယ်။
အင်္ဂါ၊ သောကြာနဲ့ စနေနေ့ညတွေမှာ Live Music Band ရှိပါတယ်။
နန္ဒာ
