UMFCCI နဲ့ GIZ (Germany) အဖွဲ့တို့ ပူးပေါင်းပြီး မြန်မာနိုင်ငံအတွင်းမှာရှိတဲ့ ဝန်ထမ်းတွေရဲ့ စီမံခန့်ခွဲမှုကဏ္ဍ ၊ စွမ်းရည်မြှင့်တင်နိုင်ရေး စတာတွေကို ပံ့ပိုးနိုင်ဖို့နဲ့ အသေးစားနဲ့ အလတ်စား စီးပွားရေးလုပ်ငန်းတွေ တိုးတက်စေဖို့ အတွက် မြန်မာလုပ်ငန်းအဖွဲ့အစည်းများ စီမံခန့်ခွဲမှုလက်စွဲ The Management handbook for Associations in Myanmar ထုတ်ဝေခြင်းနဲ့ မိတ်ဆက်ရှင်းလင်းပွဲကို ၂၀၁၄ ခုနှစ် နိုဝင်ဘာလ ၁၅ ရက်က ရန်ကုန်မြို့ မင်းရဲကျော်စွာလမ်းမှာရှိတဲ့ UMFCCI အသင်းချုပ်ရုံးမှာ ကျင်းပခဲ့ပါတယ်။ ပွဲမှာ UMFCCI ဥက္ကဋ္ဌ ဦးဝင်းအောင် နဲ့ အတူ GIZ မှ တာဝန်ရှိသူက အဖွင့်အမှာစကားပြောကြားခဲ့ပါတယ်။ 
