SCG ကုမ္ပဏီမှ ပြုလုပ်တဲ့ SCG Sharing the Dream အစီအစဉ်ရဲ့ တတိယအကြိမ်မြောက် အထက်တန်း ကျောင်းသား/ကျောင်းသူ အယောက်တစ်ရာအား ပညာသင်ထောက်ပံ့ကြေးကျပ် နှစ်သိန်းတစ်သောင်း၊ အမေရိကန်ဒေါ်လာ ၂၂သ ခန့် ပေးအပ်ပွဲအခမ်းအနားကို ၂၀၁၄ ခုနှစ်၊ စက်တင်ဘာလ၊ ၁၀ ရက်က ရန်ကုန်မြို့ International Business Centre (IBC) တွင် ကျင်းပခဲ့ပါတယ်။ ပညာသင်ဆုများကို ရန်ကုန်တိုင်းဒေသကြီးအစိုးရ ဘဏ္ဍာရေးဝန်ကြီး ဒေါ်စန်းစန်းနွယ်၊ မြန်မာနိုင်ငံဆိုင်ရာတော်ဝင်ထိုင်းသံရုံး၏ Minister and Deputy Chief of Mission ဖြစ်သူ Mr. Chainarong Keratiyutwong ၊ SCG Cement Building Materials (Regional Business) ရဲ့ ဒုဥက္ကဋ္ဌ Mr. Aree Chavalitcheewingul နဲ့ MBE ဥက္ကဋ္ဌ ဦးမြင့်မောင်ထွန်းတို့က ပေးအပ်ချီးမြှင့်ခဲ့ပါတယ်။ ယခုနှစ် SCG Sharing the Dream အစီအစဉ်အတွက် SCG က ရန်ကုန်တိုင်းဒေသကြီးမှ (လှိုင်သာယာ၊ ရွှေပြည်သာ၊ မြော်က်ဒဂုံ၊ တောင်ဒဂုံ၊ မင်္ဂလာဒုံ၊ မှော်ဘီ၊ ကွမ်းခြံကုန်း၊ တွံတေး၊ ဆိပ်ကြီးခနောင်တို နဲ့ ကော့မှူးမြို့နယ်) ကျောင်းသားအယောက် ၁၀၀ ကိုပေးအပ်ချီးမြှင့်ခဲ့ပြီး မွန်ပြည်နယ် (မောင်လမြိုင်၊ ကျိုက်မရော၊ မုဒုံ၊ ပေါင်၊ ချောင်းဆုံမြို့နယ်) ကျောင်းသားအယောက် ၁၀၀ တို့အား ၂၀၁၄ ခုနှစ်၊ စက်တင်ဘာလ ၁၃ ရက် (စနေနေ့တွင်) Strand Hotel Mawlamyaing တွင်ပေးအပ်ချီးမြှင့်သွားမှာ ဖြစ်ပါတယ်။ ပွဲမှာ ၂၀၁၃ ခုနှစ်တွင် ပညာသင်ဆုရရှိခဲ့ပြီး ၂၀၁၄ ခုနှစ်တွင်ပါထူးထူးချွန်ချွန်ဆက်လက်ကြိုးစားအားထုတ်ခဲ့ကြတဲ့ ကျောင်းသား/သူ ၆ ဦးကိုလည်း ကျပ် ၁၄ သိန်း ၅ သောင်းထပ်တိုးချီးမြှင့်ခဲ့ပါတယ်။ SCG Sharing the Dream အစီအစဉ်ကနေ မြန်မာ၊ အင်ဒိုနီးရှား၊ ထိုင်း၊ ဗီယက်နမ်၊ ဖိလစ်ပိုင်နဲ့ လာအိုအပါအဝင် အာဆီယံနိုင်ငံများမှ ကျောင်းသားကျောင်းသူ ၅၀၀၀ ကျော်အားလည်း ပညာသင်ဆုများပေးအပ်ခဲ့ပြီးဖြစ်ကြောင်း သိရပါတယ်။ 
