UMG Myanmar Company Ltd ရဲ့ လက်အောက်မှာရှိတဲ့ UMG College နဲ့ Pearson Education တို့ရဲ့ MOU ရေးထိုးပွဲကို ၂၀၁၅ ခုနှစ် ဇူလိုင် ၈ ရက်က ရန်ကုန်မြို့၊ လှိုင်သာယာမြို့နယ်မှာရှိတဲ့ UMG ရုံးမှာ ပြုလုပ်ခဲ့ပါတယ်။ MOU ရေးထိုးခဲ့တဲ့အကြောင်းနဲ့ ပတ်သက်ပြီး UMG College ရဲ့ Director U Thein Htay က “UMG College ကို ၂၀၁၃ခုနှစ်ကတည်းက တည်ထောင်ခဲ့တာပါ။ UK က BTEC အင်ဂျင်နီယာနဲ့ နည်းပညာအဖွဲ့၊ Edexcel တို့က အသိအမှတ်ပြု Civil ၊ Mechanical ၊ Electrical စတဲ့ Engineering အတန်းတွေဖွင့်လှစ်ခဲ့ပြီး၂၀၁၅ ခုနှစ်ကစပြီး IT,Business Management ကိုလည်း သင်ကြားပေးပါတယ်။ ဆရာအရေအတွက်က အယောက် ၃၀ လောက်ရှိပါတယ်။ GTC,GTU တက္ကသိုလ်တွေက အငြိမ်းစားယူခဲ့တဲ့ ကထိကတွေ၊ ပါမောက္ခဆရာတွေ၊ PhD နဲ့ နိုင်ငံခြားက ဘွဲ့ရခဲ့တဲ့သူတွေကို ခေါ်ယူအားဖြည့်ထားပါတယ်။ Pearson ဆိုတာက UK မှာရှိတဲ့ ပညာရေးအဖွဲ့အစည်းဖြစ်ပါတယ်။ UMG College ဟာ Pearson က အသိအမှတ်ပြုပြီး သူတို့ပြဌာန်းထားတဲ့ သင်ရိုးညွှန်းတန်းတွေကိုသာ သင်ကြားပေးပါတယ်။ HND ပြီးသွားသူတွေက Bachelor Degree ထိ ဆက်လက်သင်ယူနိုင်သလို အလုပ်အကိုင် အခွင့်အလမ်းတွေ ရရှိဖို့ရည်ရွယ်ပါတယ်။” လို့ ပြောခဲ့ပါတယ်။ 
