Better Burmese Health Care ရဲ့ ပုသိမ်ထီးပန်းချီပြပွဲ

Better Burmese Health (BBHC) အဖွဲ့နဲ့ ပန်းချီပညာရှင်များ ပူးပေါင်းတင်ဆက်တဲ့ "The Parasol Project" လို့ အမည်ရတဲ့ ပုသိမ်ထီးပန်းချီပြပွဲဖွင့်ပွဲကို ၂၀၁၄ ခုနှစ်၊ စက်တင်ဘာလ ၁၃ ရက်က အမှတ် ၁၄၄၊ဒုတိယထပ်၊ ပန်းဆိုးတန်းလမ်း (အလယ်ဘလောက်)၊ ရန်ကုန်မြို့ရှိ Pansodan Scene မှာ ကျင်းပခဲ့ပါတယ်။ အဆိုပါ ပုသိမ်ထီးပန်းချီပြပွဲဟာ မြန်မာနိုင်ငံမှာ ပထမဦးဆုံးအကြိမ် ကျင်းပတာဖြစ်ပြီး ၂၀၁၄ ခုနှစ်၊ စက်တင်ဘာလ ၁၉ ရက်အထိ မနက် ၁၀ နာရီကနေ ညနေ ၆ နာရီအထိ ဆက်လက် ပြသပေးသွားမှာ ဖြစ်ပါတယ်။ ပန်းချီဆွဲထားတဲ့ ပုသိမ်ထီးတစ်လက်ကို လေလံ ကြမ်းခင်းဈေး အမေရိကန် ဒေါ်လာ ၂၀၀ ကနေ စတင် လေလံတင်ထားပြီး လေလံအောင်သူတွေကို စက်တင်ဘာလ ၁၉ ရက် ည ၉ နာရီမှာ ကြေငြာသွားမယ်လို့ သိရပါတယ်။ မြန်မာပန်းချီဆရာ ၃၇ ဦးတို့ ရေးဆွဲထားတဲ့ ပုသိမ်ထီးပန်းချီကားပေါင်း ၁၀၀ ဝန်းကျင်ပြသထားပြီး အဆိုပါ ပန်းချီပြပွဲမှာ ပုသိမ်ထီးရောင်းချရာမှ ရရှိတဲ့ ငွေတွေကို BBHC ရဲ့ ကျန်းမာရေးလုပ်ငန်းတွေနဲ့ ပန်ချီအနုပညာရှင်တွေကို ဂုဏ်ပြုရာမှာ အသုံးပြုသွားမယ်လို့ သိရပါတယ်။