မြန်မာနိုင်ငံလူငယ်စွန့်ဦးတီထွင်လုပ်ငန်းရှင်များအသင်းက ပြုလုပ်တဲ့ Myanmar Entrepreneurship Summit 2016 ပွဲကို ၂၀၁၆ ခုနှစ်၊ အောက်တိုဘာလ ၂၂ ရက်က နေပြည်တော်၊ MICC2 မှာ ကျင်းပပြုလုပ်ခဲ့ပါတယ်။ ပွဲမှာ နိုင်ငံတော်ရဲ့အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က အမှာစကားပြောကြားခဲ့ပြီး ယနေ့ခေတ်လူငယ်တွေရဲ့ စီးပွားရေးအခွင့်အလမ်းတွေကို ပြောကြားခဲ့တယ်လို့သိရပါတယ်။ ယင်းနောက်အမေရိကန်သံအမတ်ကြီး Mr Scot Marciel က နှုတ်ခွန်းဆက်စကားပြောကြားခဲ့ပါတယ်။
ဆွေးနွေးပွဲပထမပိုင်းကို State of Myanmar Entrepreneurship White Paper ခေါင်းစဉ်နဲ့ ကျင်းပခဲ့ပြီး ဒုတိယပိုင်းခေါင်းစဉ်ဖြစ်တဲ့ Importance of Entrepreneurship in Nation Building ကို တာဝန်ရှိသူများက ဆွေးနွေးခဲ့ကြတယ်လို့ သိရပါတယ်။ ဒါပြင် Break Out Sessioin သုံးခုဖြစ်တဲ့ ခေါင်းစဉ်အသီးသီးနဲ့ ဆွေးဆွေးသွားရာ Financing for a Vibrant Entrepreneur Ecosystem ကို ဦးဘိုဘိုဝေမောင်၊ ဦးသူရကိုကို၊ ဒေါ်ခင်သက်မော်နဲ့ ဒေါ်စန္ဒာမင်း တို့က ပါဝင်ဆွေးနွေးခဲ့ပြီး ဒေါ်သီရိသန့်မွန်က Moderator အဖြစ်လည်းကောင်း၊ Never Give Up: The Mind of and Entrepreneur ကို ဦးမိုးကျော်၊ ဒေါက်တာထက်ဇံလင်း၊ ဒေါ်လင်းလင်းတင်ထွန်းနဲ့ ဦးထွန်းထွန်းနိုင် တို့က ပါဝင်ဆွေးနွေးခဲ့ပြီး ဦးအောင်ချစ်ခင်က Moderator အဖြစ်လည်းကောင်း၊ The Digital Economy: Connectivity As and Enabler of Entrepreneurship ကို ဒေါက်တာထွန်းသူရသက်၊ ဦးဝေလင်းဦး၊ ဦးရဲမြတ်မင်းနဲ့ ဦးကောင်းကြည်သူ တို့က ပါဝင်ဆွေးနွေးခဲ့ပြီး ဦးခိုင်ဝင်းက Moderator အဖြစ်လည်းကောင်း ပါဝင်ခဲ့ကြတယ်လို့ သိရပါတယ်။
