ဒီဇင်ဘာလ ၃ ရက်နေ့က ရန်ကုန်မြို့၊ လှိုင်နယ်မြေအတွင်းရှိ MICT park ထဲက MICT Conference Hall မှာ Microsoft ၊ ACE Data Systems နဲ့ Myanmar Golden Rock International တို့ရဲ့ Microsoft Licensing Launching Ceremony ကို ပြုလုပ်ခဲ့ပါတယ်။ ပွဲမှာ ACE Data Systems ရဲ့ Chairman ဦးသိန်းဦးက နှုတ်ခွန်းဆက်စကား ပြောကြားခဲ့ပါတယ်။ Mr Bharat Mirchandani - Senior Director, South East Asia, Microsoft မှ ''Reimagine your business with Microsoft'' ဆိုတဲ့ခေါင်းစဉ်ဖြင့် Microsoft ရဲ့ product များကို အသုံးပြုကာ မိမိရဲ့ စီးပွားရေးလုပ်ငန်းကို ပြန်လည်မွမ်းမံနိုင်မယ့် နည်းလမ်းတွေကို Case Study များနှင့် ရှင်းပြခဲ့ပါတယ်။ Mr Anton Canisious - Licensing Sales Specialist, SEA New Market, Microsoft ကတော့ Microsoft မှ Product တွေနဲ့ပတ်သက်ပြီး ဘယ်လို License အမျိုးအစားတွေရှိကာ၊ ဘယ်လို အကျိုးကျေးဇူးတွေကို ရရှိနိုင်မလဲ ဆိုတာတွေကို ရှင်းလင်း ပြသခဲ့ပါတယ်။ ပွဲမှာ နောက်ဆုံးအနေနဲ့ ACE Data Systems ရဲ့ Managing Director ဦးဇော်မိုးသန့်မှ ကျေးဇူးတင်စကားပြောကြားခဲ့ပါတယ်။ Microsoft ရဲ့ Product တွေဖြစ်တဲ့ Office ၊ Microsoft Visual Studio ၊ Microsoft Office 365 ၊ Microsoft Dynamics CRM ၊ Microsoft Dynamics ERP ၊ Windows 8 Pro ၊ Microsoft SharePoint Server ၊ Microsoft Exchange Server ၊ Microsoft SQL Server ၊ Microsoft Forefront ၊ Microsoft Lync ၊ Microsoft System Center ၊ Microsoft BizTalk Server စသဖြင့် အမျိုးမျိုးသော Product တွေကို Licensing ဝန်ဆောင်မှုတွေပေးသွားမှာဖြစ်တယ်လို့ သိရပါတယ်။ အသေးစိတ် သိချင်ရင်တော့ 09 5137388 ၊ 09 5409365 ၊ 01 652239 ၊ 01 652270 တို့ကို ဆက်သွယ်မေးမြန်းနိုင်သလို [email protected] ကိုလည်း ဆက်သွယ်မေးမြန်းနိုင်ပါတယ်။
