ရက်သတ္တပတ် ခြောက်ပတ်ကြာ ယှဉ်ပြိုင် ကစားတဲ့ မြန်မာနိုင်ငံ ဘောလုံး အဖွဲ့ချုပ် ၏ ၂၀၁၄ ဖူဆယ် Ooredoo တံခွန်စိုက် ဖလား ပွဲစဉ်တွေ ဇွန်လ ၂၄ ရက်နေ့က ပြီးဆုံးသွားပြီဖြစ်ပါတယ်။ ပွဲစဉ်တွေ အစမှာ ဖူဆယ် အသင်းပေါင်း ၄၂ သင်း ပါဝင် ယှဉ်ပြိုင်ကြကာ ၊ ဗိုလ်လုပွဲမှာတော့ Nay Pyi Taw FC နဲ့ MIC FC နှစ်သင်း ယှဉ်ပြိုင်ခဲ့ကြတာဖြစ်ပြီး MIC FC အသင်း က NPT FC အသင်းကို လေးဂိုး နှစ်ဂိုးနဲ့ အနိုင်ရပြီး တံခွန်စိုက် ဖလားရရှိသွားပါတယ်။ လူမူ ဆက်ဆံရေး နှင့် ပြန်ကြားရေး မန်နေဂျာ ဒေါ်သီရိကြာညို က ဆုပေးပွဲတွင်
“အခုလို အားကစား စိတ်ဓါတ် တွေ ကျွမ်းကျင်မှုတွေ အပြည့် နဲ့ သန့်သန့် ရှင်းရှင်း ကစား သွားကြတာ ဒီ တံခွန်စိုက်ပြိုင်ပွဲရဲ့ အနှစ်သာရပဲဖြစ်ပါတယ်။ ရှေ့နှစ်တွေ မှာလည်း Ooredoo မြန်မာ အနေနဲ့ ဖူဆယ် ပြိုင်ပွဲကို မြန်မာနိုင်ငံ ဘောလုံး အဖွဲ့ချုပ်နဲ့ အတူတူ လက်တွဲပြီး အခုလို ပါဝင်ကူညီဖို့ မျှော်လင့်ပါတယ်။
” ဟု ပြောကြားခဲ့ပါတယ်။
