မန္တလေးမြို့ရဲ့ တစ်နေ့တာမှာ ဘယ်အချိန်ပဲသွားသွား အစားအသောက် စုံစုံလင်လင်ရတဲ့ ၊ ဆိုင်အပြင်အဆင်သေသပ်လှပတဲ့ Koffee korner ဆိုတဲ့ ဆိုင်လေးအကြောင်းကို ဆိုင်ပိုင်ရှင် ကိုသူရအောင်နဲ့ တွေ့ဆုံမေးမြန်းပြီး ဖော်ပြလိုက်ပါတယ်။
ဆိုင်တည်နေရာနဲ့ ဆက်သွယ်နိုင်မယ့် ဖုန်းနံပါတ် . . .
၂၇ လမ်းနဲ့ လမ်း ၇၀ ထောင့် ၊ မန္တလေးမြို့မှာတည်ရှိပြီး ဖုန်းနံပါတ် - ၀၂-၆၈၆၄၈၊ ၀၉-၂၀၃၄၃၄၇ ကို ဆက်သွယ်နိုင်ပါတယ်။ အီးမေးလ်ကတော့ koffee [email protected] ဖြစ်ပါတယ်။
ဆိုင်ဖွင့်ဖြစ်ခဲ့ပုံ . . .
ဒီလိုစားသောက်ဆိုင်ဖွင့်ဖို့ အစကတည်းက ဝါသနာပါပါတယ်။ ဒီလိုဆိုင်မျိုးတွေ ထိုင်ရတာကြိုက်တယ်။ Cafe ဆိုရင် မှန်လုံခန်းတွေနဲ့များတဲ့အတွက် အခုလိုအတွင်းရော၊ အပြင်မှာပါ ထိုင်လို့ရမယ့်ဆိုင်လေး လုပ်ဖြစ်ခဲ့တယ်။ အဓိကကတော့ ဒီနေ့ခေတ်မှာ လူတွေက ဆိုင်တွေတစ်ဆိုင်ပြီးတစ်ဆိုင်လှည့်ပြီး မြည်းစမ်းစားကြည့်ဖို့ စဉ်းစားကြတယ်။ အဲဒီလိုစဉ်းစားတဲ့အခါ ကိုယ့်ဆိုင်လေးလည်း သူတို့ခေါင်းထဲပေါ်လာရင် ရပါပြီလို့ ဆိုင်ဖွင့်ရတဲ့ ရည်ရွယ်ချက်ကို ကိုသူရအောင်က ရှင်းပြပါတယ်။
ဆိုင်ဖွင့်ချိန် . . .
မနက် ၉ နာရီကနေ ည ၁၀ နာရီခွဲ အထိ ဖွင့်ပါတယ်။
ရရှိနိုင်တဲ့ဟင်းပွဲအမျိုးအစားတွေနဲ့ Drinks တွေ . . .
မှိုနဲ့ ပုစွန်ချိစ်မီးကင်၊ စပိန်စတိုင်လ်ကြက်တောင်ပံကြော် စတဲ့ Appetizer တွေ၊ အရှေ့တိုင်းအမဲသားသုပ်၊ ရုရှားစတိုင်လ် ကြက်ဥသုပ်၊ ပြင်သစ်စတိုင်လ် ချဉ်ဆိမ့်အသုပ် (Salad Mimosa)၊ အီတလီစတိုင်လ် ငါးသေတ္တာနဲ့ မာကရိုနီသုပ်စတဲ့ သူ့နိုင်ငံ၊ သူ့စတိုင်လ်အလိုက် Salad အမျိုးမျိုး၊ ဆာတေး၊ Barbeque ၊ Sandwich နဲ့ Burger တွေ၊ ရွေးချယ်စရာ Pizza ကိုးမျိုးနဲ့ Pasta ခုနစ်မျိုး၊ Soup ခုနစ်မျိုး၊ ထမင်းကြော် ရှစ်မျိုး၊ ကြက်သား၊ ဆိတ်သား၊ အမဲသား၊ ငါး၊ ပုစွန်စတဲ့ ဟင်းပွဲအမျိုးမျိုး ရနိုင်ပါတယ်။
Drinks ပိုင်းမှာဆိုရင် ကော်ဖီနဲ့ လက်ဖက်ရည် အမျိုးမျိုး၊ Fresh Juice and Milk Shake ၊ Smoothies ၊ Italian Soda ၊ Icecream ၊ Cocktail တို့ ရနိုင်ပါတယ်။ ဘီယာတွေကတော့ Heineiken ၊ Kirin ၊ Myanmar Premium တို့ကို Draught Beer အဖြစ် ရနိုင်ပါတယ်။ တခြား Alcohoal တွေလည်း တော်တော်များများ ရနိုင်ပါတယ်။
ဈေးနှုန်းပိုင်း . . .
ဟင်းပွဲဈေးနှုန်းတွေက ၄,၅၀၀ ကျပ်ဝန်းကျင်ကနေ ခုနစ်ထောင်ကျပ် ဝန်းကျင်အထိ ရှိပါတယ်။ Sandwich နဲ့ Burger က သုံးထောင်ကျပ်ဝန်းကျင်၊ Pizza တွေက ကိုးထောင်ကျပ်ကနေ ၁၃,၀၀၀ ကျပ်အတွင်းရှိပြီး Pasta ကတော့ ခုနစ်ထောင်ကျပ်ဝန်းကျင်ဖြစ်ပါတယ်။ Drinks တွေကတော့ ၂,၅၀၀ ကျပ်ဝန်းကျင် ရှိပါတယ်။
လူကြိုက်များတဲ့ အစားအစာဆိုရင် . . .
Pasta Seafood နဲ့ Chesse Pizza ဆိုရင် လူကြိုက်များတယ်။ ဟင်းပွဲတွေထဲမှာ ဟန်ဂေရီယန်စတိုင်လ် ဆိတ်သားအာလူးဟင်းနဲ့ ထမင်းဆိုရင် ကြိုက်ကြပါတယ်။
လာလေ့ရှိတဲ့ဧည်သည်တွေ . . .
လူငယ်ပိုင်းနဲ့ မိသားစုတွေ လာတာများပါတယ်။
တခြားဝန်ဆောင်မှုတွေ . . .
ဒီမှာလာထိုင်တဲ့ဧည့်သည်တွေကို သက်သောင့်သက်သာရှိဖို့ ဦးစားပေးပြီး ဝန်ဆောင်မှုပေးပါတယ်။ Wifi Free ရှိတယ်။ ဖုန်းတွေအားသွင်းဖို့လည်း အားသွင်းကြိုးတွေ၊ Power Bank တွေကို ဝိုင်းတိုင်းမှာ ချပေးထားတယ်။
နန္ဒာ
