Indian Women Association Yangon က ကြီးမှူးစီစဉ်တဲ့ Indian Bazaar for Charity

ဇန်နဝါရီလ ၂၄ ရက်နေ့က ရန်ကုန်မြို့၊ ဒဂုံမြို့နယ်၊ သံတမန်လမ်း၊ အမှတ် ၃၅ မှာရှိတဲ့ Indian House ရဲ့ မြက်ခင်းပြင်မှာ Indian Bazaar for Charity ကို ပြုလုပ်ခဲ့ပါတယ်။ ဒီဈေးရောင်းပွဲကို ရန်ကုန်ရှိ အိန္ဒိယအမျိုးသမီးများအသင်းမှ ကြီးမှူးစီစဉ်ခဲ့တာဖြစ်ပါတယ်။ ဈေးရောင်းပွဲမှာ အိန္ဒိယရိုးရာ လက်မှုပစ္စည်းများ၊ အဝတ်အစားများ၊  အိန္ဒိယအစားအစာများ အပြင် တခြား ပစ္စည်းများကို ပြသရောင်းချခဲ့ကြတာဖြစ်ပါတယ်။  ဈေးရောင်းပွဲကနေရတဲ့ ငွေကြေးတွေကို မြန်မာနိုင်ငံမှာ အလှူအတန်းပြုလုပ်တဲ့နေရာမှာ အသုံးပြုသွားမှာဖြစ်တယ်လို့ သိရပါတယ်။ ဈေးရောင်းပွဲမှာ ကလေးများ ကစားနိုင်တဲ့ နေရာလည်း စီစဉ်ပေးထားပြီး ပျော်ပွဲရွှင်ပွဲအစီအစဉ်တွေကိုလည်း ထည့်သွင်းပြုလုပ်ခဲ့ပါတယ်။