Gamers မဂ္ဂဇင်း Founder ကိုထက်မင်းလွင်[/caption] Gamers မဂ္ဂဇင်းကနေ စီစဉ်ကျင်းပတဲ့ Dota 2 Tournament အကြောင်း စာနယ်ဇင်းရှင်းပွဲကို ၂၀၁၄ ခုနှစ်၊ ဧပြီလ ၂၆ ရက်က ရန်ကုန်မြို့ရှိ Dagon Centre II မှာ ပြုလုပ်ခဲ့ပါတယ်။ အဆိုပါအခမ်းအနားမှာ Gamers မဂ္ဂဇင်းရဲ့ စီနီယာအယ်ဒီတာ စာရေးဆရာ ညိုရင့်က မုဒိတာစကား ပြောကြားခဲ့ပြီး Gamers မဂ္ဂဇင်းရဲ့ Founder ကိုထက်မင်းလွင်က ပွဲပြုလုပ်ရခြင်းအကြောင်းကို ရှင်းပြခဲ့ပါတယ်။ အခုအကြိမ် Dota 2 Tournament ကို ကျင်းပတာဟာဆိုရင် ဒုတိယအကြိမ်မြောက်ဖြစ်ပြီး ရန်ကုန်မြို့မှာ သုံးလတစ်ကြိမ် ဒီလိုမျိုး Game ပြိုင်ပွဲတွေကို Gamers မဂ္ဂဇင်း အနေနဲ့ စီစဉ်ပြုလုပ်သွားဖို့ ရှိတယ်လို့ သိရပါတယ်။ ဒုတိယအကြိမ် Dota 2 Tournament ပြိုင်ပွဲကို Dagon Center II မှာ ၂၀၁၄ ခုနှစ်၊ ဧပြီလ ၂၆ ရက်နဲ့ ၂၇ ရက် နှစ်ရက်တိုင်တိုင် ကျင်းပသွားမှာ ဖြစ်ပြီး အဲဒီ ပြိုင်ပွဲမှာ ပါဝင်ယှဉ်ပြိုင်တဲ့အဖွဲ့ပေါင်း ၁၆ ဖွဲ့ရှိပါတယ်။ အခုကျင်းပတဲ့ Dota 2 ဂိမ်းပြိုင်ပွဲကြီးရဲ့ ဆုတွေကတော့ ပထမဆု ငွေကျပ် ငါးသိန်း၊ ဒုတိယဆု ငွေကျပ် သုံးသိန်းနဲ့ တတိယဆု ငွေကျပ် တစ်သိန်းတို့ ပဲ ဖြစ်ပါတယ်။ Gamers မဂ္ဂဇင်းက ကြီးမှုးကျင်းပတဲ့ Dota 2 Tournament ကို Main Sponsor အနေနဲ့ Good Day Coffee က ပံ့ပိုးပေးထားပြီး Hardware Sponsor အနေနဲ့ Acer ၊ Rig Sponsor အနေနဲ့ Armaggeddon တို့က ကူညီပံ့ပိုးပေးထားပါတယ်။ ပြိုင်ပွဲမှာ Gseven က ပထမဆု၊ Valonica က ဒုတိယဆု နဲ့ Ultimate က တတိယဆု အသီးသီး ရရှိခဲ့ပါတယ်။ 
