ဧည့်ကြိုဝန်ထမ်းတစ်ဦး လိုက်နာသင့်တဲ့ ကျင့်ဝတ် စည်းမျဉ်းတချို့ကို သိချင်ပါတယ်။
ဧည်ကြိုဝန်ထမ်းတစ်ဦးမှာ လုပ်ဆောင်ရမယ့် တာဝန်တွေ အများကြီးရှိပေမယ့် အခြေခံအားဖြင့် ဖောက်သည်တွေအတွက် အဆင်ပြေအောင် ဖန်တီးပေးရတဲ့တာဝန်ကို ကုမ္ပဏီကိုယ် စားပြုယူထားတာ ဖြစ်ပါတယ်။ ဖောက်သည်တွေနဲ့ပထမဆုံး တွေ့ဆုံဆက်ဆံရတဲ့ ဧည့်ကြိုဝန်ထမ်းတစ်ဦးဟာ ကောင်းမွန် ပြေပြစ်တဲ့ဆက်ဆံမှုမျိုး ရရှိဖို့ အမြဲကြိုးစားနေသင့်ပါ တယ်။
သဘောထားကိုဦးစွာပြပါ။
ဧည့်ကြိုဝန်ထမ်းတစ်ဦးဟာ ကုမ္ပဏီရဲ့မျက်နှာစာ ဖြစ်တာကြောင့် ဒီကုမ္ပဏီဟာ ဘယ်လောက်လုပ်နိုင်ပြီး စိတ်ချရသလဲဆိုတာ ကိုပြဖို့အတွက် လုပ်နိုင်တယ်ဆိုတဲ့ ပုံစံမျိုးဖြစ်အောင်နေရမှာ ဖြစ်ပါတယ်။ ဖောက်သည်တွေမေးလာတဲ့ မေးခွန်းတွေရဲ့ အဖြေ ကို မသိရင်တောင် မသိပါဘူးလို့ဝန်ခံမယ့်အစား 'ဒီမေးခွန်းကို ဘယ်သူများဖြေပေးနိုင်မလဲဆိုတာ မေးကြည့်ပါဦးမယ်' ဆို တာမျိုး ပြောသင့်ပါတယ်။
အပြုံးနဲ့ဆက်ဆံပါ။
အပြုံးတစ်ချက်ဟာ စီးပွားရေးလောကမှာ ရေရှည်ဆက်ဆံ ရေးဆီ ဦးတည်နေတာကြောင့် လူချင်းတွေ့တာပဲဖြစ်ဖြစ်၊ ဖုန်းပြောတာပဲဖြစ်ဖြစ် အပြုံးလေးနဲ့ပြောဆိုဆက်ဆံပါ။ ဖောက်သည်တွေကို ရင်းနှီးဖော်ရွေစွာဆက်ဆံတာကလည်း သူတို့ရဲ့စိတ်တွေကို နူးညံ့ပျော့ပျောင်းသွားစေမယ့် အပြုအမူ ကောင်းတွေပါပဲ။
တိကျမှန်ကန်ပါစေ။
တိကျမှန်ကန်ခြင်းဟာ ကျွမ်းကျင်တဲ့ဧည့်ကြိုဝန်ထမ်းတစ် ယောက်ရဲ့ အရေးကြီးဆုံးအရည်အချင်းတစ်ခုပါပဲ။ မှတ်စု စာအုပ်တစ်အုပ်နဲ့ဘောလ်ပင်ကို သင်နဲ့အတူထားပြီး ဖောက် သည်ရဲ့နာမည်၊ အကြောင်းအရာနဲ့ အထူးမှာကြားချက်တွေကို ဂရုတစိုက်နားထောင်ပြီး သေချာချရေးပါ။ လိုအပ်ပါက စာလုံးပေါင်းခိုင်းပါ။
အမြင်ကောင်းအောင်ဂရုစိုက်ပါ။
ဧည့်ကြိုဝန်ထမ်းတစ်ယောက်ဟာ ဖောက်သည်တွေနဲ့ တိုက် ရိုက်စကားမပြောသည့်တိုင် သူရဲ့အပြုအမူတွေဟာ အင် မတန်ကို အရေးကြီးပါတယ်။ ဧည့်ခန်းအတွင်းမှာ ကိုယ် ရေးကိုယ်တာဖုန်းပြောတာ၊ စကားစမြည်ပြောဆိုတာ၊ ကျယ် လောင်စွာစကားပြောဆိုတာနဲ့ ရိုင်းစိုင်းတဲ့အပြုအမူတွေကို ရှောင်ကြဉ်ရမှာဖြစ်ပါတယ်။ တစ်ကိုယ်ရေသန့်ရှင်းရေးနဲ့ ခံတွင်းအနံ့မထွက်အောင်လည်း ဂရုစိုက်ရမှာဖြစ်ပါတယ်။
ဧည့်သည်တွေကိုမေးမြန်းပါ။
ကုမ္ပဏီတော်တော်များများက စောင့်ဆိုင်းနေတဲ့ဧည့်သည် တွေကို အစားအသောက်၊ ဖတ်စရာစာအုပ်၊ စာစောင်တွေကို ပေးတတ်ကြပါတယ်။ ဒါကြောင့် ဧည့်ကြိုဝန်ထမ်းတစ်ဦးဟာ ဧည့်သည်တွေရဲ့လိုအပ်ချက်ကို ရင်းနှီးဖော်ရွေစွာနဲ့ အမြဲ မေးမြန်းနေသင့်ပါတယ်။
စိတ်လှုပ်ရှားမှုကိုထိန်းပါ။
ဧည့်ကြိုဝန်ထမ်းတစ်ဦးဟာ မတူညီတဲ့ကိစ္စအမျိုးမျိုးကို တစ် ခါတည်းနဲ့ဖြေရှင်းရလေ့ရှိတဲ့အတွက် စိတ်လှုပ်ရှားမှုကို ထိန်းတာဟာ အရေကြီးဆုံးအချက်ပါပဲ။ ပျာယာခတ်နေ တဲ့ဧည့်ကြိုဝန်ထမ်းဟာ ကုမ္ပဏီအတွက်ဆိုရင်တောင် အခြား လူရဲ့အမြင်မှာ အဆင်ပြေနိုင်မှာ မဟုတ်ပါဘူး။ ပြင်းထန် လွန်းတဲ့ခံစားချက်တွေကို ထိန်းပြီး လူတစ်ယောက်ကိုပဲ တစ်ချိန်တည်းမှာ အာရုံထားသင့်ပါတယ်။ သင် တအား အလုပ်ရှုပ်နေချိန်မှာ ဧည့်သည်ဝင်လာရင်တောင် ချက်ချင်းပြုံး ပြပြီး မျက်လုံးချင်း ဆက်သွယ်တာတွေကို၊ ဧည့်သည် ထိုင် ရမယ့်နေရာကို လက်ဟန်ခြေဟန်နဲ့ညွှန်ပြတာမျိုးတွေ ပြု လုပ်ပါ။ ဧည့်သည်ကို စောင့်ဆိုင်းရတဲ့အချိန်အတွက် တောင်း ပန်စကားပြောပြီး နောက်ဆုံးရရှိတဲ့သတင်းကို အချိန်နဲ့တစ်ပြေးညီ ပြောပြပေးပါ။
အပြန်အလှန်ဖုန်းပြောဆိုခြင်း
ဧည့်ကြိုဝန်ထမ်းတစ်ဦးဟာ တကယ့်ကိုကျွမ်းကျင်ပိုင်နိုင် တဲ့ အပြုအမူနဲ့ စိတ်ပါဝင်စားစွာ ဖုန်းပြောဆိုတာနဲ့ ဖုန်း ခေါ်တာတွေကို လျင်လျင်မြန်မြန် လုပ်ကိုင်သင့်ပါတယ်။ ဖုန်းခေါ်နေချိန်မှာ ပီကေဝါးနေတာ၊ အစားစားနေတာနဲ့ ဖုန်းခေါ်နေတာကို အချိန်အကြာကြီး ဆွဲထားတာမျိုးစတဲ့ အပြုအမူတွေကို မလုပ်သင့်ပါဘူး။
ဖောက်သည်နဲ့ဆက်ဆံရေး
ဧည့်ကြိုဝန်ထမ်းတစ်ဦးဟာ မတူညီတဲ့အမျိုးမျိုးရှိတဲ့ ဖောက် သည်တွေကို ဆက်ဆံနိုင်ဖို့အတွက် သေချာလေ့ကျင့်ထားသင့် ပါတယ်။ သဘောကောင်းတဲ့ဧည့်သည်တွေနဲ့ ဆက်ဆံဖို့က လွယ်ကူပေမဲ့ စိတ်တိုလွယ်တဲ့ဧည့်သည်တွေကို ပြေလည် အောင်ပြောဆိုနိုင်တာကလည်း ဧည့်ကြိုဝန်ထမ်းတစ်ဦးရဲ့ အရည်အချင်းပဲ ဖြစ်ပါတယ်။
အီးမေးလ်ဆက်သွယ်မှု
ကုမ္ပဏီတော်တော်များများက လူထုဆက်သွယ်ရေးနဲ့ ရုံး တွင်းမှာ အီးမေးလ်ကို အလေးထားအသုံးပြုကြပါတယ်။ ဧည့်ကြိုဝန်ထမ်းတစ်ဦးက အီးမေးလ်ကောင်းကောင်းသုံး တတ်ဖို့ကလည်း အရေးကြီးတဲ့အချက်ပါပဲ။ သင့်တော်တဲ့ အီးမေးလ်တွေကို သတ်မှတ်ထားတဲ့အချိန်အတွင်းမှာ အကြောင်းပြန်သင့်ပါတယ်။ ဒါ့ကြောင့် ဧည့်ကြိုဝန်ထမ်း တစ်ဦးဟာ ရုံးတွင်းမှာ သင်တော်တဲ့ အီးမေးလ်အပြန်အလှန် ပို့တာကိုလည်း သိသင့်ပါတယ်။ အထူးသဖြင့်လူထုနဲ့ ဆက် ဆံရတဲ့အခါမှာ လုပ်ငန်းပိုင်းဆိုင်ရာ ကျွမ်းကျင်ပိုင်နိုင်တဲ့ ပုံစံမျိုးကို အချိန်တိုင်း လုပ်ဆောင်သင့်ပါတယ်။
