Champion Construction Materials Co Ltd ကနေအသစ်တင်သွင်းဖြန့်ချိတဲ့ ၏ Hansgrohe အဆင့်မြင့်ရေချိုးခန်းသုံးပစ္စည်း အရောင်းပြခန်း ဖွင့်ပွဲအခမ်းအနားကို ၂၀၁၄ ခုနှစ် ဇွန်လ ၆ ရက်နေ့က ပြခန်းတည်ရှိရာ ရန်ကင်းမြို့နယ် စကားဝါအိမ်ရာမှာ ကျင်းပခဲ့ပါတယ်။ အဲဒီပွဲမှာတော့ Hansgrohe Product ရဲ့ စင်္ကာပူကုမ္ပဏီခွဲရဲ့ Managing Director KC Lee က နောက်ဆုံးထွက်ရှိလာတဲ့ Product အကြောင်းကိုရှင်းပြပြီးနောက် စင်္ကာပူကုမ္ပဏီခွဲ၏ အာဆီယံ အရောင်းမန်နေဂျာ Ms Lydia Mah က Product တွေရဲ့ အရည်အသွေးတွေကို စာနယ်ဇင်းမီဒီယာများအား ရှင်းလင်းပြောပြခဲ့ပါတယ်။ အဲဒီနောက်မှာတော့ Champion Construction Materials Co Ltd ရဲ့ ဒါရိုက်တာ ဒေါ်ခိုင်သီရိနိုင်၊ Hansgrohe Product ရဲ့ စင်္ကာပူကုမ္ပဏီခွဲ၏ Managing Director KC Lee၊ ရုပ်ရှင်နဲ့ ဗွီဒီယိုသရုပ်ဆောင် လူမင်းတို့က ဖဲကြိုးဖြတ်ပြီး ရန်ကုန်တိုင်းဒေသကြီး လျှပ်စစ်နဲ့ စက်မှုလက်မှုဝန်ကြီး ဦးဉာဏ်ထွန်းဦးက စက်ခလုတ်နှိပ်ကာ အရောင်းပြခန်းကို ဖွင့်လှစ်ပေးခဲ့ပါတယ်။ Hansgrohe အဆင့်မြင့်ရေချိုးခန်းသုံးပစ္စည်းတွေဟာ Germany နည်းပညာများဖြင့်ထုတ်လုပ်ထားတဲ့ ရေချိုးခန်းသုံး ထိပ်တန်းပစ္စည်းတွေဖြစ်ပြီး နောက်ဆုံးပေါ်နည်းပညာတွေကိုအသုံးပြုထားကြောင်းနဲ့ Hansgrohe အဆင့်မြင့်ရေချိုးခန်းသုံးပစ္စည်းကို Champion Construction Materials Co Ltd ကနေ တစ်ဦးတည်း ကိုယ်စားလှယ်ယူကာ ဖြန့်ချိသွားမှာဖြစ်တယ်လို့ သိရပါတယ်။ 
