၂၀၁၄ ခုနှစ် အာဆီယံရုပ်ရှင်ပွဲတော်
၂၀၁၄ ခုနှစ် အာဆီယံရုပ်ရှင်ပွဲတော်ဖွင့်ပွဲအခမ်းအနားကို မတ်လ ၁၇ ရက်နေ့က ရန်ကုန်မြို့ Traders Hotel မှာ ပြုလုပ်ခဲ့ပါတယ်။ အခမ်းအနားကို အာဆီယံနိုင်ငံအသီးသီးမှ သံအမတ်ကြီးများ၊ ကုလသမဂ္ဂဆိုင်ရာ ဌာနကိုယ်စားလှယ်များ၊ မြန်မာနိုင်ငံရုပ်ရှင်အစည်းအရုံးဥက္ကဌ၊ နာယကများနဲ့ ရုပ်ရှင်အနုပညာ၊ အတတ်ပညာရှင်များ တက်ရောက်ခဲ့ကြပါတယ်။
အခမ်းအနားမှာ အဖွင့်နှုတ်ခွန်းဆက်စကားကို မြန်မာနိုင်ငံ ပြန်ကြားရေးဝန်ကြီးဌာန၊ ပြည်ထောင်စု ဒုတိယ၀န်ကြီး ဦးပိုက်ထွေး က “ အနုပညာဆိုတာ နိုင်ငံတစ်နိုင်ငံ၊ လူ့အဖွဲ့အစည်းတစ်ခုရဲ့ စွမ်းဆောင်ရည်ရှိမှု တွေကို စုစည်းဖော်ပြတဲ့ ယဉ်ကျေးမှုဘာသာဖြစ်ပြီး တစ်နိုင်ငံနဲ့တစ်နိုင်ငံ ယဉ်ကျေးမှုဖလှယ်ဖို့အတွက် ပေါင်းကူးတံတားလည်းဖြစ်ပါတယ်။ အခု အာဆီယံရုပ်ရှင်ပွဲတော်ကျင်းပပြီးစီးတဲ့ နောက်ပိုင်းမှာလည်း ရုပ်ရှင်မျိုးဆက်သစ်တွေကို မြှင့်တင်ပျိုးထောင်ပေးခြင်းနဲ့ အာဆီယံရုပ်ရှင်အစည်းအရုံးနဲ့ စုစည်းညှိနှိုင်းပွဲတွေကို အခါအခွင့်သင့်သလို ဆက်လက်လုပ်ဆောင်သွားမှာဖြစ်ပါတယ်” လို့ ပြောကြားခဲ့ပါတယ်။
အာဆီယံရုပ်ရှင်ပွဲတော် စတင်ပြသဖို့ ဖဲကြိုးဖြတ်ဖွင့်လှစ်တဲ့အခမ်းအနားကို မြန်မာ့ရုပ်ရှင်လုပ်ငန်းဦးဆောင်ညွှန်ကြားရေးမှူး၊ အာဆီယံအတွင်းရေးမှူးချုပ်ရုံးကိုယ်စားလှယ်နဲ့ အာဆီယံရုပ်ရှင်ကိုယ်စားလှယ်တို့က ရန်ကုန်၊ နေပြည်တော်ရုပ်ရှင်ရုံရှေ့မှာ ဖဲကြိုးဖြတ်ဖွင့်လှစ်ပေးခဲ့ပြီး ပထမဦးဇာတ်ကားအနေနဲ့ မြန်မာရုပ်ရှင်ဇာတ်ကားဖြစ်တဲ့ “ကယန်းအလှ” ဇာတ်ကားကို ပြသခဲ့ပါတယ်။ ၀င်ရောက်ကြည့်ရှုလိုသူတွေအတွက် လက်မှတ်တွေကို အခမဲ့ရပေးခဲ့ပြီး အာဆီယံနိုင်ငံအသီးသီးရဲ့ ရုပ်ရှင်တွေကို ကြည့်ရှုနိုင်မှာဖြစ်ပါတယ်။ ပြပွဲရက်တွေအနေနဲ့ ၂၀၁၄ခုနှစ်၊ မတ်လ ၁၇ ရက်နေ့ကနေ ၂၁ ရက်နေ့အထိ ပြသသွားမှာဖြစ်ပြီး ပွဲချိန်တွေအနေနဲ့ ၁၀း၀၀ နာရီ၊ ၁၂း၃၀ နာရီခွဲ၊ ၃း၃၀ နာရီခွဲ နဲ့ ၆း၃၀ နာရီခွဲ အချိန်တွေဖြစ်ပါတယ်။
