Rohto-Mentholatum(Myanmar) Co., Ltd က တင်သွင်းဖြန့်ချိတဲ့ Acnes အလှကုန်ရဲ့ ၂၀၁၃ ခုနှစ်၊ ခဲခြစ် ကံစမ်းမဲကံထူးရှင် ဆုချီးမြှင့်တဲ့ အခမ်းအနားကို ၂၀၁၄ ခုနှစ်၊ မတ်လ ၈ ရက်က ရန်ကုန်မြို့၊ နတ်မောက်လမ်းရှိ Chatrium Hotel မှာ ကျင်းပခဲ့ပါတယ်။ မစ္စတာကေ၊ သရုပ်ဆောင် ဂျူးဂျူးကေနဲ့ နိုနိုကေတို့ရဲ့ တယောသံစဉ် တွေနဲ့ အခမ်းအနားကို စတင်ဖွင့်လှစ်ခဲ့ပြီး Rhoto-Mentholatum (Myanmar) Co., Ltd ရဲ့ Marketing Manager က ခဲခြစ်ကံစမ်းမဲ ပြုလုပ်ရခြင်းအကြောင်းနဲ့ ကျေးဇူးတင်စကားပြောကြားခဲ့ပြီး Rhoto-Mentholatum (Myanmar) Co., Ltd ရဲ့ Upper Myanmar Sale Manager က အလှကုန်သုံးစွဲသူ Customer များနှင့် ကုန်သည်ကြီးများအား ကျေးဇူးတင်စကားပြောကြားခဲ့ပါတယ်။ 
Acnes ရဲ့ ပထမဆုဖြစ်တဲ့ Costa Cruise အပျော်စီးသင်္ဘောကြီးနဲ့ အာရှနိုင်ငံများကို စရိတ်ငြိမ်းလည်ပတ်ခွင့်ကို ကံထူးသူ မခင်ခင်နိုင်(မန္တလေးတိုင်းဒေသကြီး) ကို ပေးအပ်ချီးမြှင့်ခဲ့ပါတယ်။ ဒုတိယဆုဖြစ်တဲ့ ရေခဲသတ္တာဆု သုံးဆု၊ တတိယဆု ၃၂ လက်မတီဗီ လေးဆုကို ကံထူးရှင်တွေကို ချီးမြှင့်ပေးခဲ့ပါတယ်။ ဒါအပြင် ကုမ္ပဏီကို ပေးပို့လာတဲ့ Acnes Thank You ကူပွန်တွေထဲက အပိုဆုတွေအဖြစ် Hair Dryer ဆယ်ခု၊ နာရီ ငါးလုံး၊ GSM Handset ငါးလုံးနဲ့ ၃၂ လက်မတီဗီ လေးလုံးကို ထပ်မံရွေးချယ်ခဲ့ပါတယ်။ အဆိုပါအခမ်းအနားမှာ ကုမ္ပဏီက တာဝန်ရှိသူတွေ၊ ရုပ်ရှင်နဲ့ဗီဒီယိုသရုပ်ဆောင် သွန်းဆက်၊ ဗီဒီယိုသရုပ်ဆောင်နဲ့မော်ဒယ် နန်းစန္ဒာလှထွန်း စတဲ့ အနုပညာရှင်တွေ၊ ဖိတ်ကြားထားတဲ့ ဧည့်သည်တွေ တက်ရောက်ခဲ့ပြီး ဦးကင်းကောင်နဲ့အဖွဲ့က တက်ရောက်လာတဲ့ ဧည့်သည်တွေကို ဟာသပညာနဲ့ ဖျော်ဖြေတင်ဆက်ခဲ့ပါတယ်။ 
