မြန်မာတစ်နိုင်ငံလုံး အတိုင်းအတာနဲ့ ဒုတိယအကြိမ် ပြုလုပ်မဲ့ Myanmar Bartenders' Championship 2015 ပြိုင်ပွဲနဲ့ ပက်သက်ပြီး သတင်းစာရှင်းလင်းပွဲကို ၂၀၁၅ ခုနှစ် ဇူလိုင်လ ၁၁ ရက်က ရန်ကုန်မြို့ အင်းယားလမ်း ရှိ စိမ်းလန်းစိုပြေပန်းခြံမှာ ကျင်းပခဲ့ပါတယ်။ အဆိုပါပြိုင်ပွဲကို ၂၀၁၅ ခုနှစ် ဇူလိုင် ၂၈ရက်ကနေ ၃၀ ရက်ထိ ရန်ကုန်မြို့ အင်းယားလိပ် ဟိုတယ်ဝင်းအတွင်းမှာရှိတဲ့ DJ Bar မှာ ပြုလုပ်မယ်လို့ သိရှိရပါတယ်။ ပွဲပြုလုပ်ရတဲ့ ရည်ရွယ်ချက်နဲ့ ပက်သက်ပြီး မြန်မာနိုင်ငံ အဖျော်ယမကာ ကျွမ်းကျင်ဖျော်စပ်သူများအသင်း(MBA) ကို တည်ထောင်သူတစ်ဦးဖြစ်တဲ့ ဦးထွန်းထွန်းအေးက'' ၂၀၁၄ ဇွန်လက 1st Myanmar Bartenders' Championship လုပ်တယ်။ လုပ်ပြီးတော့ နောက်နှစ်မှာ Asian နဲ့ Asia Pecific ကိုပြိုင်ပွဲတွေအတွက် လူလွှတ်မယ်ဆိုရင် Bartender Association မရှိရင် လူလွှတ်လို့မရဘူး၊ ဒါကြောင့် MBA အဖြစ် Bartender တွေနဲ့ ၂၀၁၅ ဖေဖော်ဝါရီလမှာ စဖွဲ့ခဲ့ပါတယ်။ ဒီပြိုင်ပွဲပြီးသွားရင် Asia Pecific ကိုနှစ်ယောက်၊ Asian ကို နှစ်ယောက် ပြိုင်ပွဲဝင်ဖို့ စေလွှတ်သွားမှာပါ'' လို့ ပြောခဲ့ပါတယ်။ မြန်မာဘားတန်တာတွေရဲ့ အရည်အချင်းတွေ၊ နိုင်ငံတကာအဆင့်မီ ဘားတန်တာ ထွက်ပေါ်လာစေဖို့နဲ့ ဟိုတယ်နဲ့ခရီးသွားလုပ်ငန်း ပိုမိုတိုးတက်လာစေဖို့ ဒီပြိုင်ပွဲကို ကျင်းပပြုလုပ်ရခြင်းဖြစ်တယ်လို့ သိရပါတယ်။ဒီပြိုင်ပွဲကို မြန်မာနိုင်ငံစားသောက်ဆိုင် လုပ်ငန်းရှင်များအသင်းနဲ့ မြန်မာနိုင်ငံ အဖျော်ယမကာ ကျွမ်းကျင်ဖျော်စပ်သူများအသင်းတို့ ပူးပေါင်းကျင်းပခြင်းဖြစ်ပြီး Main Sponsor အဖြစ် Johnnie Walker က ကူညီပံ့ပိုးတယ်လို့ သိရပါတယ်။ 
