2014 Photo City ဓာတ်ပုံပြပွဲ

Photo City Image Bank အဖွဲ့ရဲ့ ဓာတ်ပုံပြပွဲကို စက်တက်ဘာလ ၈ ရက်နေ့ကစတင်ကာ စက်တင်ဘာလ ၁၄ ရက်နေ့အထိ ရန်ကုန်မြို့၊ ပြည်သူ့ဥယျဉ်အတွင်းရှိ နက္ခတ်တာရာပြခန်းအနီးရှိ Yangon Gallery မှာ ပြုလုပ်လျက်ရှိပါတယ်။ စက်တင်ဘာလ ၈ ရက်နေ့ ညနေ ၅ နာရီက ပြပွဲကို စတင်ဖွင့်လှစ်ခဲ့တာပါ။ ပွဲမှာ ဦးမိုးမင်း (Rays) ၊ ဦးထင်လင်း (Golden Arrow) ၊ ဦးသန်းအောင် (Black & White) ၊ ဦးမြဝင်း (City Rays) ၊ ဦးအောင်ပြည့်စုံ (Black & White) တို့ရဲ့ ဓာတ်ပုံတွေကို ပြသထားတာဖြစ်ပါတယ်။ မြန်မာနိုင်ငံအနှံ့အပြားမှ တောတောင်ရေမြေသဘာဝအလှတရားတွေနဲ့ တိုင်းရင်းသားတွေရဲ့ ချစ်စဖွယ်ဓလေ့ထုံးစံတွေကို ဓာတ်ပုံများကတစ်ဆင့်တွေ့မြင်နိုင်မှာဖြစ်ပါတယ်။ ဒီ ဓာတ်ပုံပြပွဲက Yangon Gallery မှ ပြုလုပ်နေတဲ့ မုတ်သုံရာသီအနုပညာပွဲတော်ရဲ့ တစ်စိတ်တစ်ပိုင်းဖြစ်ပါတယ်။