ရုရှားခရီးသွားလုပ်ငန်းအဖွဲ့အစည်း (RATA) ကထုတ်ပြန်တဲ့ စာရင်းဇယားတွေအရ နှစ်စဉ် ပထမကိုးလအတွင်း (ဇန်နဝါရီမှတ်တမ်း)မှာ ခရီးသွားလေ့ရှိတဲ့ ရုရှားခရီးသွားဦးရေအရေအတွက်ဟာ အရင်ကထက် သုံးဆလောက် လျော့နည်းသွားပြီး ၁၅ နှစ်အတွင်း အကျဆင်းဆုံးဖြစ်တယ်လို့ သိရပါတယ်။ ရုရှားလူမျိုးခရီးသွားဧည့်သည်တွေ အနှစ်သက်ဆုံးဖြစ်တဲ့ တူရကီနဲ့ အီဂျစ်နိုင်ငံတွေမှာ နိုင်ငံရေးနဲ့စစ်ရေးအခြေအနေတွေကြောင့် သွားရောက်လည်ပတ်ခွင့် ပိတ်ပင်ထားတာရှိသလို ဘေးကင်းလုံခြုံတယ်ဆိုတဲ့နိုင်ငံတွေဆီ သွားရောက်လည်ပတ်မယ်ဆိုရင်လည်း ကုန်ကျစရိတ်တွေမြင့်တက်လာတာကြောင့် ခုလိုဖြစ်ရတယ်လို့ RATA က ရှင်းပြထားပါတယ်။ တခြား ဥရောပနိုင်ငံတွေဆီ လည်ပတ်မှုက ၃၄ ရာခိုင်နှုန်းလျော့ကျသွားကြောင်းလည်း သိရှိရပါတယ်။
