နိုင်ငံတကာအဆင့်မီနည်းပညာများဖြင့် ထုတ်လုပ်ထားတဲ့ ပြည်တွင်းထုတ် ကြံ့နှစ်ကောင်ဘိလပ်မြေ (Double Rhinos Ideal Night)အခမ်းအနားကို၂၀၁၅ ခုနှစ်၊ စက်တင်ဘာလ၊ ၆ ရက်ကရန်ကုန်မြို့ရှိ Novotel Yangon Max Hotel မှာကျင်းပခဲ့ပါသည်။ အခမ်းအနားကိုကြံ့နှစ်ကောင်ဘိလပ်မြေက တာဝန်ရှိပုဂ္ဂိုလ်တွေ၊ အရောင်းကိုယ်စားလှယ်တွေ၊ အနုပညာရှင်တွေ၊ ဖိတ်ကြားထားသောဧည့်သည်တွေနဲ့အတူသတင်းနှင့် မီဒီယာသမားတွေ တက်ရောက်ခဲ့ကြပါတယ်။
အခမ်းအနားမှာအားသစ်မာန်ကုမ္ပဏီလီမိတက်ရဲ့ အထွေထွေမန်နေဂျာ Mr Wachirawich Sriprakayrat က အဖွင့်အမှာစကားပြောကြားခဲ့ပြီး အခမ်းအနားကျင်းပရခြင်းနဲ့ ပတ်သက်ပြီးရှင်းလင်းပြောကြားခဲ့ပါသည်။ ကြံ့နှစ်ကောင်ဘိလပ်မြေကို သံတော်မြတ်ကုမ္ပဏီလီမိတက်က ထုတ်လုပ်နေတာဖြစ်ပြီး အထက်မြန်မာပြည်ကို အားသစ်မာန်ကုမ္ပဏီက ဖြန့်ချိပေးနေပါတယ်။ အောက်မြန်မာပြည်ကိုတော့ရွှေမေတ္တာ Cement & General Trading နဲ့ ဇင်ထက် Trading Co Ltd တို့က တာဝန်ယူဖြန့်ချိပေးနေပါတယ်။ ဘိလပ်မြေစက်ရုံကို ကျောက်ဆည်မြို့မှာ ၂၀၁၂ ခုနှစ်က စတင်တည်ဆောက်ထားပြီး၊ ကုမ္ပဏီရုံးချုပ်ကိုတော့ မန္တလေးမြို့နှင့် ရန်ကုန်မြို့မှာရုံးခွဲကို ဖွင့်လှစ်ထားပါတယ်။ စက်ရုံဟာလက်ရှိမှာဂျာမနီနှင့် ဒိန်းမတ်နိုင်ငံထုတ် စက်ပစ္စည်းတွေကို အသုံးပြုပြီးအလိုအလျောက်ကွန်ပျူတာစနစ်ဖြင့် တစ်ရက်ကိုဘိလပ်မြေတန် ၅၀၀၀ ထုတ်လုပ်ပေးနေပြီး ၂၀၁၆ ခုနှစ်မှာတန်ချိန် ၁၀၀၀၀ ထုတ်လုပ်ပေးသွားနိုင်အောင် ဆောင်ရွက်သွားမှာဖြစ်တယ်လို့ သိရပါတယ်။ ကြံ့နှစ်ကောင်ဘိလပ်မြေဟာ နိုင်ငံတကာအဆင့်မီနည်းပညာတွေနဲ့ ထုတ်လုပ်ထားတဲ့အတွက် ခိုင်ခံ့ပြီးချောမွေ့ပြေပြစ်ပြီး အသုံးပြုရလွယ်၊ EN 197-1:2000 Standard နဲ့ ထုတ်လုပ်နေပြီး မြန်မာနဲ့ထိုင်းနိုင်ငံအစိုးရတို့ရဲ့ အသိအမှတ်ပြုလက်မှတ်တွေကိုလည်း ရရှိထားတဲ့အပြင် ဘိလပ်မြေကို ၅၀ ကီလိုဂရမ်အိတ်၊ Jumbo Bag ၊ Bulk Cement Truck တို့နဲ့ မြန်မာပြည်အနှံ့ကို ၂၀၁၄ ခုနှစ်၊ ဒီဇင်ဘာလလောက်က စတင်ဖြန့်ဖြူးပေးနေတယ်လို့သိရပါတယ်။ အသေးစိတ်သိရှိလိုပါက 09421095345 ကို ဆက်သွယ်မေးမြန်းနိုင်ပါတယ်။
