အမေရိကထွက်ကုန်တွေနဲ့ မြန်မာ့အစားအသောက်ချက်ပြုတ်ပြပွဲကို ၂၀၁၄ ခုနှစ် သြဂုတ်လ ၂၀ ရက်က Park Royal Hotel မှာကျင်းပခဲ့ပါတယ်။ ပွဲကို အမေရိကန် အစားအသောက်ပညာရှင်များအဖွဲ့ USDA နဲ့ မြန်မာနိုင်ငံစားဖိုမှုးအဖွဲအစည်းမှ ပူးပေါင်းကျင်းပခဲ့တာဖြစ်ပြီး Mr Willment Leong Mr liver E Soe Thet တို့မှ နာမည်ကျော် အမေရိကန် အစားအစာများနဲ့ မြန်မာအစားအစာ အချို့ကိုချက်ပြုတ် ပြသခဲ့ပါတယ်။ ပွဲမှာ အစားအသောက် အကြံပေးအရာရှိ Mr Bobby Richey ကနှုတ်ခွန်းဆက်စကားပြောကြားခဲ့ပြီး စားဖိုမှုး Willment က ဟင်းလျာ ၆ မျိုး ချက်ပြုတ်ပြသခဲ့ကာ Mr Oliver Soe Thet အချိုပွဲ ၇ မျိုးကို ပြုလုပ်ပြခဲ့ပါတယ်။ ဒီပွဲကို စားဖိုမှုးများ၊ စားသောက်ဆိုင်ပိုင်ရှင်များနှင့် အစားအသောက် ပညာရှင်များ တက်ရောက်ခဲ့ပြီး Forzen Potato, Califoria Cheese နဲ့ Coliforia raisinand နဲ့ ချက်ပြုတ်နည်းများကို လေ့လာနိုင်ခဲ့တယ်လို့ သိရပါတယ်။ ပွဲကျင်းပတာနဲ့ပတ်သက်ပြီး USDA မှ Agricultural Attache’ Reg Santella က “အမေရိကန် အစားအသောက်တွေ ဘယ်လိုအရသာရှိလဲဆိုတာကို သိစေဖို့အပြင် အမေရိကန်စားသောက်ကုန်တွေနဲ့ ကျော်ကြားတဲ့ မြန်မာအစားအစာတွေ ချက်ပြုတ်ပြတဲ့ပွဲဖြစ်ပါတယ်။ Foreign Agricultural Service (FAS) က ကျန်းမာရေးထောက်ခံချက်ကို ရရှိထားလို့ ကျန်းမာရေးနဲ့လည်းသင့်လျော်ပါတယ်။ အမေရိကန်အစားအစာတွေကို ဒီမှာလာရောက်ရောင်းချဖို့ ရည်ရွယ်ထားတဲ့အပြင် မြန်မာ အစားတွေကိုလည်း နိုင်ငံတကာအဆင့်မီအောင်နဲ့ နိုင်ငံခြားကိုထိတင်ပို့နိုင်အောင် ကူညီသွားမှာပါလို့ ပြောခဲ့ပါတယ်။
