ပထမဆုံးအကြိမ်ကျင်းပမယ့် မြန်မာဂီတပွဲတော်ရဲ့ စာနယ်ဇင်းရှင်းလင်းပွဲကို ၂၀၁၄ ခုနှစ်၊ ဇွန်လ ၁၇ ရက်က ရန်ကုန်မြို့ရှိ Monument Books Store မှာ ပြုလုပ်ခဲ့ပါတယ်။ အဆိုပါဂီတပွဲတော်ကို ၂၀၁၄ ခုနှစ်၊ ဇွန်လ ၁၇ ရက်ကနေ ၂၂ ရက်အထိ အမေရိကန်သံရုံး၊ ဆွစ်ဇာလန်သံရုံး၊ Legacy Music School ၊ Monument Book Store ၊ Myanmar Insittute of Technology (MIT)၊ အမှတ် (၃၇) အခြေခံပညာမူလတန်းကျောင်း၊ လှိုင်သာ ယာ အမေ့ဂီတသင်တန်းကျောင်းနဲ့ The Khayay School တွေမှာ ပြုလုပ်သွားမှာဖြစ်ပြီး နောက်ဆုံးဖျော် ဖြေပွဲကိုတော့ ၂၀၁၄ ခုနှစ်၊ ဇွန်လ ၂၂ ရက်မှာတော့ ရန်ကုန်မြို့၊ ဗိုလ်ချုပ်လမ်းရှိ ဝဇီရာ ရုပ်ရှင်ရုံမှာ ည ၆ နာရီခွဲ တွင် ကျင်းပသွားမှာဖြစ်တယ်လို့ သိရပါတယ်။ ပါဝင်ဖျော်ဖြေမယ့်သူတွေကတော့ Artistic Director ဖြစ်တဲ့ အမေရိကန်စန္ဒရားပညာရှင် Kimball Gallapher၊ တရုတ်(တိုင်ပေ)က စန္ဒရားပညာရှင် Kaiyin Huang၊ The Afghan Youth Orchestra တီးဝိုင်းရဲ့ Conductor နဲ့ တယောပညာရှင် William Harvey ၊ UN Chior Conductor တစ်ဦးဖြစ်တဲ့ ဆွစ်ဇာလန်နိုင်ငံသူ Kristy Griffiths နဲ့ မြန်မာနိုင်ငံက AOC Orchestra တီးဝိုင်းရဲ့ Conductor နဲ့ Cello ပညာရှင် Saw James Hsar Doe Soe တို့က Solo Piano၊ Chamber Music၊ Festival Choir ၊ မြန်မာ့ရိုးရာဂီတကိုလည်း အနောက်တိုင်းဂီတနဲ့ ပေါင်းစပ်းဖျော်ဖြေသွားကြဖို့ ရှိပါတယ်။ စာနယ်ဇင်းရှင်းလင်းပွဲမှာ တရုတ်(တိုင်ပေ)ကျေးလက်ဒေသကလက်မှုပညာရှင်တွေပြုလုပ်တဲ့ တယော ဆယ်လက်ကို စာသင်ကျောင်းတွေရဲ့ ဂီပညာရပ်အတွက် အသုံးပြုနိုင်ဖို့ ပေးအပ်လှူဒါန်းခဲ့ပြီး တယောပညာရှင် William Harvey ကလည်း တီးခတ်ဖျော်ဖြေပေးခဲ့ပါတယ်။ Artisitic Director ဖြစ်တဲ့ အမေရိကန်စန္ဒရား ပညာရှင် Kimball Gallapher က`လာမယ့် ဇွန်လ ၂၂ ရက်မှာလုပ်မယ့် ဂီတပွဲမှာ မြန်မာနိုင်ငံဂီတ အစည်းအရုံးက ပညာရှင်တွေနဲ့ ပူးပေါင်းပြီး မြန်မာ့တူရိယာတွေဖြစ်တဲ့ စောင်း၊ ခြောက်လုံးပတ်ဗုံ၊ စည်းဝါးတို့နဲ့ ဖျော်ဖြေဖို့ရှိပါတယ်။ အားလုံးကို လာရောက်ကြဖို့ ဖိတ်ခေါ်ပါတယ်´ လို့ ပြောပြခဲ့ပါတယ်။ အဆိုပါဂီတပွဲကို အခမဲ့ ဝင်ရောက်နိုင်ပေမဲ့ လက်မှတ်တွေကိုတော့ ရန်ကုန်မြို့၊ လင့်လမ်းရှိ Monument Books Store မှာ လာရောက်ထုတ်ယူနိုင်တယ်လို့ သိရပါတယ်။ 
