“သင့်” ပန်းချီပြခန်းသစ်ဖွင့်ပွဲ

“သင့်” ပန်းချီပြခန်းသစ်ဖွင့်ပွဲကို ၂၀၁၄ခုနှစ် သြဂုတ်လ ၂၆ရက်နေ့က အမှတ် (၂၃) နဝဒေးလမ်း ဒဂုံမြို့နယ်မှာ ကျင်းပခဲ့ပါတယ်။ ပြခန်းကို ဓာတ်ပုံဆရာ ဦးအေးဆောင် မှ ပိုင်ဆိုင်တာဖြစ်ပြီး ဖွင့်ပွဲ အထိမ်းအမှတ် အနေနဲ့ ပန်းချီဆရာ ဦးဇော်လူမင်းမှ တစ်ကိုယ်တော်ပန်းချီပြပွဲကို ပြသခဲ့ပါတယ်။ ပြပွဲမှာ ဝါရင့် ပန်းချီဆရာကြီး ဦးဝင်းဖေမှ အဖွင့် အမှာ စကားပြောကြားပေးပြီး ပန်းချီပြခန်းနာမည်ပေးဖြစ်ပုံ၊ မော်ဒန်ပန်းချီဖြစ်ပေါ်လာပုံ တို့နဲ့ပတ်သက်ပြီး ရှင်းလင်းပြော ကြားပေးခဲ့ပါတယ်။ အဲ့ဒီနောက်မှာတော့ ပြခန်းပိုင်ရှင် ဦးအေးဆောင်နှင့် ပန်းချီဆရာ ဦးဇော်လူမင်းတို့မှ နှုတ်ခွန်းဆက်စကား ပြောကြား ခဲ့ပါတယ်။ ပြခန်းမှာ ပြသထားတဲ့ ပန်းချီ ကားတွေရဲ့ တန်ဖိုးက အမေရိကန် ဒေါ်လာ ၃၀၀ မှ ၃၀၀၀ အထိ အမျိုးမျိုးရှိပြီး နိုင်ငံခြားသားတွေကို အဓိက ရည်ရွယ်ပြီး ရောင်းပေးနေတာ ဖြစ်တယ်လို့ သိရပါတယ်။ ''သင့်'' ပန်းချီပြခန်းဟာ အကျယ်အဝန်းအနေနဲ့ ၁၀၀ x ၅၀ ပေ ကျယ်ဝန်းပြီး ပြခန်းငှားရမ်းခ အနေနဲ့ တစ်ရက်ကို ၅၀,၀၀၀ ကျပ် သက်မှတ် ထားတယ်လို့ သိရှိရပါတယ်။ လာရောက်ပြသတဲ့လူတွေ အဆင်ပြေစေဖို့ ပြခန်းမှ လျှပ်စစ်မီး နှင့် ဓာတ်ပုံမှတ် တမ်းတင်ခြင်းကို အခမဲ့ ဝန်ဆောင်မှုပေးသွားမှာဖြစ်တယ်လို့ သိရှိရပါတယ်။