Myanmar Centre for Responsible Business (MCRB) ရဲ့ ပွင့်သစ်စစီမံချက် အစီရင်ခံစာ သတင်းစာရှင်းလင်းပွဲကို ၂၀၁၆ ခုနှစ်၊ စက်တင်ဘာလ ၁၆ ရက်က ရန်ကုန်မြို့ Orchid Hotel မှာ ကျင်းပပြုလုပ်ခဲ့ပါတယ်။ ပွဲမှာ မြန်မာ့စီးပွားရေးကဏ္ဍ တာဝန်ယူမှုရှိရေး အထောက်အကူပြုဌာန (MCRB) ရဲ့ ဒါရိုက်တာ Ms Vicky Bowman က ပွင့်သစ်စစီမံချက်နဲ့ပတ်သက်ပြီး ပြောဆိုရှင်းလင်းသွားပါတယ်။
ပွင့်သစ်စအစီရင်ခံစာက အဂတိလိုက်စားမှုတိုက်ဖျက်ရေး၊ အဖွဲ့အစည်းဆိုင်ရာပွင့်လင်းမြင်သာမှု၊ လူ့အခွင့်အရေး၊ ကျန်းမာရေး၊ လုံခြုံစိတ်ချရမှုနှင့် သဘာဝပတ်ဝန်းကျင် (HSE) တွေအတွက် လုပ်ငန်းပမာဏကြီးမားတဲ့ မြန်မာကုမ္ပဏီ ၁၀၀ ရဲ့ Corporate Website တွေကို လေ့လာဆန်းစစ်ခြင်းဖြစ်ပြီး ယခုအစီရင်ခံစာက တတိယအကြိမ်မြောက်ထုတ်ပြန်တဲ့ အစီရင်ခံစာဖြစ်တယ်လို့ပြောသွားပါတယ်။
