ဝန်ထမ်းတော်တော်များများဟာ လုပ်ငန်းခွင်တိုင်းမှာ ကြုံတွေရမယ့် အစည်းအဝေး (Meeting) တွေကို ကြောက်လန့်နေတတ်ကြပါတယ်။ ဒါပေမဲ့ ဒီလိုအစည်းအဝေးအချိန်တွေကို ကျော်လွှားတတ်ဖို့အတွက် ကိုယ့်ကိုအခွင့်အလမ်းကောင်းတွေ ပေးလာနိုင်အချိန်လို့ အပြုသဘောဆောင်တဲ့အတွေးမျိုးကို တွေးထားသင့်ပါတယ်။ နောက်ပြီး Meeting မှာ အများဆုံးတွေ့ရမယ့် ကိုယ့်ရဲ့ Boss ၊ လုပ်ဖော်ကိုင်ဖက်၊ အလားအလာရှိတဲ့ Client တွေကို လေးလေးစားစားနဲ့ Professional ဆန်တဲ့အပြုအမူနဲ့ ကိုယ့်ရဲ့ပုံရိပ်ကို ပြဖို့က ပိုလို့ အရေးကြီးပါတယ်။ ဒါကြောင့် အောက်မှာဖော်ပြထားတဲ့အချက်တွေကို ဆင်ခြင်နိုင်မယ့် Professional ဆန်တဲ့ အစည်းအဝေးဆိုင်ရာကျင့်ဝတ်အချို့ကို ဖော်ပြပေးလိုက်ပါတယ်။
၁။ အချိန်မှန်ပါစေ
ဒါကတော့ Professional သမားတိုင်း သိထားသင့်တဲ့ ကိစ္စတစ်ရပ်ပါ။ သူတစ်ပါးရဲ့အချိန်ကို ဖြုန်းတာမျိုး မဖြစ်စေဘဲ အချိန်မှန်ရောက်ဖို့ လိုပါတယ်။
၂။ Meeting မစခင် တက်ရောက်လာသူတွေနဲ့ စကားပြောပါ။
Meeting ထဲမှာ ကိုယ်မသိတဲ့သူပါလာရင်တော့ ကိုယ့်ကိုယ်ကိုယ် မိတ်ဆက်တာမျိုး၊ Meeting မစခင်လေးမှာ လုပ်ဖော်ကိုင်ဖက်အချင်းချင်း စကားပြောနေတာမျိုးလေး လုပ်သင့်ပါတယ်။ လူအများနဲ့ Interact လုပ်တာဟာ ပိုမိုကောင်းမွန်တဲ့အခွင့်အလမ်းတွေ ဖြစ်လာစေနိုင်ပါတယ်။
၃။ ကြိုပြီး ပြင်ဆင်ထားပါ။
သင့်မှာ လုံလောက်တဲ့ကြိုတင်ပြင်ဆင်မှုတွေ ရှိထားမယ်ဆိုရင် ကိုယ်ဝင်ပြောသင့်တဲ့အကြောင်းအရာ၊ ကိုယ့်ကို မေးလာနိုင်တာတွေကို လွယ်လင့်တကူ ပြန်လည်ရှင်းပြနိုင်မှာဖြစ်ပါတယ်။
၄။ ကိုယ့်ဆီမှာ ခိုင်မာတဲ့အကြောင်းရာရှိပါစေ။
ကိုယ်ဟာ Meeting မှာ ဦးဆောင်ပြီး ပြောရမယ့်သူဖြစ်မယ်ဆိုရင် ကိုယ်ပြောရမယ့်အကြောင်းအရာတွေကို သေချာသိပြီး အဓိကအချက်တွေပြောဖို့ မကျန်ခဲ့အောင် List လုပ်ထားသင့်ပါတယ်။
၅။ အသံကိုမြှင့်ပြီး ပြောဆိုခြင်းမျိုးကို ရှောင်ပါ။
တချို့သူတွေဟာ အစည်းအဝေးပွဲတွေမှာ လူတိုင်းကြားနိုင်ဖို့ဆိုတဲ့အကြောင်းပြချက်နဲ့ စကားကိုအသံမြှင့်ပြီး အကျယ်ကြီးပြောကြပါတယ်။ ဒါဟာ လွဲမှားနေတဲ့အကြောင်းအရာတစ်ခုပါ။ ဘယ်သူမှမလိုအပ်ဘဲ အသံမြှင့်ပြီး ပြောတာကို မနှစ်သက်ကြပါဘူး။ စကားကို ငြင်ငြင်သာသာနဲ့ ပညာသားပါတဲ့စကားပြောဟန်မျိုးနဲ့ ပြောဆိုတာဟာ ကိုယ့်ရဲ့ Professional ဆန်တာကို ပိုပြီးပြနိုင်ပါတယ်။ လိုအပ်တဲ့စကားမျိုးကိုသာပြောသင့်ပြီး စကားတစ်မျိုး၊ ဒါမှမဟုတ် အကြောင်းအရာတစ်ခုတည်းကို ထပ်ခါထပ်ခါပြောတာမျိုးကို ရှောင်ကြဉ်သင့် ပါတယ်။
၆။ ကိုယ်ပိုင်ပါဝင်ပြောဆိုဆွေးနွေးပါ။
သင်ဟာ အစည်းအဝေးမှာ ပြောတဲ့အကြောင်းအရာကို အစကတည်းက ပါဝင်ဆွေးနွေးခြင်းမရှိဘူးဆိုရင် အစည်းအဝေးတစ်လျှောက် ကိုယ့်ရဲ့အတွေးအမြင်တွေကိုပြောဖို့အတွက် အခက်အခဲရှိနိုင်ပါတယ်။ ဒါပေမဲ့ စကားပြောရုံပြောနေတာမျိုးမဟုတ်ဘဲ ကောင်းမွန်မှန်ကန်တဲ့ ထင်မြင်ယူဆချက်တွေကို ပြောနေတာဟာ သင့်ကို တခြားလူတွေသတိထားမိစေပါတယ်။ သင်ဟာ Meeting မှာ ထိုင်ချည်းပဲမနေချင်ဘူးဆိုရင် ကိုယ်တိုင်က ပါဝင်ဆွေးနွေးဖို့လိုပါတယ်။ Productive ဖြစ်တဲ့ Meeting တစ်ခုဖြစ်အောင် ကြားဖြတ်ပြီး မေးမြန်းတာမျိုးကိုတော့ ရှောင်ကျဉ်ဖို့ လိုပါတယ်။
၇။ သင့်ရဲ့ဖုန်းကို အပြင်ကို ထုတ်မထားပါနဲ့။
ကိုယ့်ရဲ့ဖုန်းကို Meeting လုပ်နေတဲ့စားပွဲပေါ်တင်ထားတာက Meeting အခန်းထဲမှာရှိတဲ့လူတွေကို စိတ်အနှောင့်အယှက်ဖြစ်စေနိုင်ပါတယ်။ ဒါကြောင့် ကိုယ့်ရဲ့ အိတ်ကပ်ထဲမှာထည့်ပြီး အသံပိတ်ထားတာက ပိုကောင်းပါတယ်။ တကယ်လို့ အရေးကြီးဖုန်းဆိုရင်တော့ အခန်းပြင်ထွက်ပြီး ပြောတာဟာ Professional ပိုဆန်ပါတယ်။
၈။ အစားစားခြင်းကို တတ်နိုင်သမျှ မပြုလုပ်ပါနဲ့။
သင်ဟာ Meeting မှာ ကော်ဖီ၊ ရေ စတာတွေကို သောက်နိုင်ပေမယ့် အစားအသောက်ရဲ့အနံ့တွေကြောင့် အစားစားခြင်းတော့ ရှောင်သင့်ပါတယ်။ ဒါပေမဲ့လည်း သင်စားဖို့အတွက် လိုတယ်ဆိုရင်တော့ အခန်းထဲမှာ ရှိတဲ့ Meeting Member တွေကို အရင်ခွင့်တောင်းသင့်ပါတယ်။
၉။ နောက်ဆုံးမှမေးမယ်ဆိုပြီး မေးခွန်းတွေ စုမထားပါနဲ့။
သင့်တော်တဲ့အချိန်မှာ သင် သိချင်တာတွေကို မေးနိုင်ပါတယ်။ Meeting အပြီး နောက်ဆုံးမှစုပြီး မေးမယ်ဆိုရင်တော့ သင့်ရဲ့လုပ်ဖော်ကိုင်ဖက်တွေ ပြန်ဖို့အဆင်သင့်ဖြစ်နေမှ ပြန်ထိုင်ပြီး နားထောင်နေတဲ့ Feeling မျိုးကို ဖြစ်စေပါတယ်။ ဒီလိုမျိုးဖြစ်မယ်ဆိုရင် သင်ဆိုရင်လည်း ကြိုက်မှာမဟုတ်ပါဘူး။
