၁။ အဆီဓာတ်ကိုအခြေခံထားတဲ့ Salad Dressings များ
ဗီတာမင်အီး ပါဝင်မှုနှုန်းများတဲ့ အဆီဓာတ်ကို အခြေခံထားတဲ့ Salad Dressings တွေ၊ အစေ့တွေ၊ အခွံမာသီးတွေ၊ မြေပဲနဲ့ ဂျုံတို့ စားပါ။
၂။ ငါး
ဆော်လ်မွန်ငါး၊ တူနာငါး၊ ပလာတူးငါး စတဲ့ ငါးတွေဟာ နှလုံးကျန်းမာရေးကို ကောင်းမွန်စေတဲ့ Omega 3 ၊ Fatty Acids တွေနဲ့ Docosahexaenoic Acid(DHA) တွေ အပြည့်အ၀ ပါဝင်ပါတယ်။ ဦးနှောက်မှာဆိုရင် DHA ဟာ အာရုံကြောရဲ့ ပုံမှန်လုပ်ငန်းစဉ်တွေကို အထောက်အကူပြုပါတယ်။
၃။ အစိမ်းရင့်ရောင် အရွက်များများပါတဲ့ ဟင်းသီးဟင်းရွက်များ
ကိုက်လန်၊ ဂေါ်ဖီထုပ်၊ ဟင်းနုနယ်၊ ပန်းမုန်လာတွေဟာ ဗီတာမင်အီးနဲ့ ဖောလစ်ဓာတ်ပါဝင်မှုနှုန်း မြင့်မားပါတယ်။
၄။ ထောပတ်သီး
ထောပတ်သီးဟာ ဓာတ်တိုးဆန့်ကျင်ပစ္စည်းဖြစ်တဲ့ ဗီတာမင်အီးအပြင် ဗီတာမင်စီပါဝင်မှုနှုန်းလည်း မြင့်မားတာကြောင့် အယ်လ်ဇိုင်းမားရောဂါ ဖြစ်ပွားမှုနှုန်းကို လျှော့ချပေးပါတယ်။
၅။ နေကြာစေ့
နေကြာစေ့အပါအဝင် အစေ့အဆံတွေဟာ ဗီတာမင်အီး ပါဝင်မှုနှုန်း မြင့်မားတဲ့အစားအစာတွေဖြစ်ပါတယ်။ နေကြာစေ့ တစ်အောင်စစားမယ်ဆိုရင် ဗီတာမင်အီး နေ့စဉ်လိုအပ်ချက်ရဲ့ ၃၀ ရာခိုင်နှုန်းကို ဖြည့်တင်းပေးနိုင်ပါတယ်။
၆။ မြေပဲနဲ့ မြေပဲထောပတ်
ဒီနှစ်မျိုးစလုံးဟာ အဆီပါဝင်မှု မြင့်မားပေမယ့် ကျန်းမာရေးနဲ့ ညီညွတ်တဲ့ အဆီပမာဏကိုသာ ဖြစ်ပေါ်စေပါတယ်။ နှစ်မျိုးလုံးမှာ ဗီတာမင်အီးပါဝင်တယ်။
၇။ ဝိုင်နီ
လေ့လာမှုတွေအရ ဝိုင်နီနဲ့ အရက်သောက်တာက အယ်လ်ဇိုင်းမားဖြစ်ပွားမှုကို လျော့ကျစေတယ်လို့ တွေ့ရပါတယ်။ ဒါပေမဲ့ လိုတာထက် ပိုသောက်မယ်ဆိုရင်တော့ အယ်လ်ဇိုင်းမားရောဂါဖြစ်ပွားစေပါတယ်။
၈။ ဂျုံ
ဂျုံဟာ အမျှင်ဓာတ်ပါဝင်မှုမြင့်မားပြီး အသီးအရွက်တွေ၊ အခွံမာသီး၊ အစေ့၊ သံလွင်ဆီ၊ ဝိုင်တို့နဲ့ တွဲဖက်စားသုံးသင့်ပါတယ်။ ဒီလိုစားသုံးမယ်ဆိုရင် အယ်လ်ဇိုင်းမားရောဂါဖြစ်ပွားမှုကို လျော့ကျစေပါတယ်။
၉။ ဘယ်ရီသီးများ
ဘလူးဘယ်ရီ၊ စတော်ဘယ်ရီနဲ့ တခြားဘယ်ရီမျိုးနွယ် အသီးတွေဟာ အသက်အရွယ်ကြောင့် ဦးနှောက်ရဲ့ စွမ်းဆောင်ရည်ကျဆင်းလာတာကို ထိန်းချုပ်ပေးပါတယ်။
အယ်ဒီတာအဖွဲ့
