၁။ သင်ပုံမှန်မရောက်ဖြစ်ဘူး။
လေ့ကျင့်ခန်းစလုပ်တဲ့ လူတွေထဲမှာ တစ်ဝက်လောက်ဟာ ခြောက်လအတွင်းမှာ ရပ်နားလိုက်ကြပါတယ်။ ဒါကြောင့် ပုံမှန်ကစားနိုင်ဖို့ဆိုရင်တော့ မိနစ်သုံးဆယ်လောက် ပြေးခြင်း၊ လမ်းလျှောက်ခြင်းတွေနဲ့ အစပြုသင့်ပါတယ်။ ဒါမှမဟုတ်လည်း အေရိုးဗစ်လေ့ကျင့်ခန်းတွေ စတင်ပြုလုပ်သင့်ပါတယ်။ အစပိုင်းမှာ လေ့ကျင့်ခန်း အပြင်းစားတွေ စတင်ပြုလုပ်တဲ့သူတွေဟာ နောက်ပိုင်းမှာ စိတ်ဓာတ်ကျသွားတာမျိုးတွေ ကြုံရတတ်ပါတယ်။
၂။ သင်သွားမှ တစ်ရက်စာပေးတဲ့နည်းလမ်းက ကုန်ကျမှုပိုနည်းပါတယ်။
University of Calfornia (Berkeley) က စီးပွားရေးပညာရှင်တစ်ယောက်ရဲ့ ဖော်ပြချက်အရတော့ လအလိုက်၊ ဒါမှမဟုတ် နှစ်အလိုက် ပိုက်ဆံကြိုတင်သွင်းထားတဲ့သူတွေဟာ သူတို့သွင်းတဲ့ ပမာဏရဲ့ ၇၀ ရာခိုင်နှုန်းလောက်ကို မသုံးနိုင်ခဲ့ပါဘူး။ သွားကစားတော့မှ ရှင်းတဲ့သူတွေက ပိုမိုပြီး ကုန်ကျမှုနည်းပါတယ်လို့ ဆိုပါတယ်။
၃။ တချို့သူတွေက လေ့ကျင့်ခန်းကို မှားယွင်းစွာ ပြုလုပ်တတ်ပါတယ်။
အလေးမတဲ့အခါမှာ မနိုင်လို့ ထိန်းပြီးမတာမျိုးက ပြဿနာတော့မဟုတ်ပါဘူး။ တချို့လက်မောင်းအားနဲ့ မ ရမှာကို ခန္ဓာအားနဲ့ မတာမျိုးတွေရှိပါတယ်။ ဒါဟာ လုံခြုံမရှိသလို ကယ်လိုရီတွေကိုလည်း များစွာမလောင်ကျွမ်းစေပါဘူး။ သင်မနိုင်တဲ့ ပမာဏထက်ပိုပြီး မဖို့မလွယ်ကူသေးဘူးဆိုရင် ဖြည်းဖြည်းချင်းပဲ ကြိုးစားလုပ်ဆောင်ပါ။
၄။ မှန်ကန်တဲ့လေ့ကျင့်ခန်းကို ရွေးချယ်ပါ။
ကာယလေ့ကျင့်နည်းပြဆရာတစ်ယောက်က ပြောတာကတော့ ပုံမှန်လေ့ကျင့်နိုင်ပြီးတော့ သင့်ရဲ့နေ့စဉ်လှုပ်ရှားမှုတွေကို ထောက်ပံ့နိုင်တဲ့ လေ့ကျင့်ခန်းမျိုးကို ပြုလုပ်သင့်တယ်လို့ ပြောပါတယ်။ အသက်ကြီးတဲ့သူတွေအတွက်ကတော့ ဒဏ်ရာမရအောင် ကာကွယ်ပေးနိုင်သလို ကြံ့ခိုင်မှုကို ရစေတာမျိုးကိုပဲ ကစားစေချင်ပါတယ်။
၅။ စိတ်ဖိစီးမှုမခံရအောင်နေပါ။
သင့်ရဲ့ ကာယလေ့ကျင့်ဆရာက သင့်ကို ဖိအားတအားပေးတာမျိုးမဟုတ်ဘဲနဲ့ လွတ်လပ်စွာ လေ့ကျင့်ကစားခိုင်းသင့်ပါတယ်။ တကယ်လို့ သင့်ကို ဆောလျင်စွာဖိအားပေး လေ့ကျင့်စေမယ်ဆိုရင် သင်ဟာ ထင်သလောက် ကောင်းမွန်စွာလေ့ကျင့်လာနိုင်မှာ မဟုတ်တော့ပါဘူး။
၆။ တစ်ခုခုကို ကြိုးစားလုပ်ဆောင်ပါ။
ကိုယ်ပိုင်လေ့ကျင့်ပေးတဲ့ ဆရာနဲ့ အချိန်ပိုင်းဖြစ်ဖြစ် လေ့ကျင့်ခန်းပြုလုပ်ခြင်းက ပိုက်ဆံပိုပေးရပေမယ့် တန်ပါတယ်။ လေ့ကျင့်ပေးတဲ့ဆရာက သင်လိုအပ်တဲ့ လေ့ကျင့်ခန်းတွေကို ပြောပြပေးနိုင်သလို လိုက်နာရမယ့် နည်းလမ်းတွေရဲ့ လိုအပ်မယ့်အရာတွေရော၊ လိုအပ်မှု သိပ်မရှိတာတွေကိုပါ ပြောပြပေးနိုင်မှာပါ။
၇။ ကောင်းကောင်းမွန်မွန် လေ့ကျင့်မှုပေးနိုင်တဲ့ ကာယလေ့ကျင့်ဆရာကို ရွေးချယ်နိုင်ဖို့လည်း အရေးကြီးပါတယ်။
သင့်ရဲ့အကြောင်းကို စိတ်ဝင်စားတဲ့သူမျိုးက ပိုပြီးအဆင်ပြေပါတယ်။ သင့်ရဲ့ ဒဏ်ရာရခဲ့တဲ့ အကြောင်းတွေ၊ ကျန်းမာရေးအခြေအနေနဲ့ ဘယ်လိုလေ့ကျင့်နည်းမျိုးတွေ လိုအပ်နေတယ်ဆိုတာကို စိတ်ဝင်စားတဲ့သူဖြစ်ဖို့ လိုပါတယ်။ ဒီလိုမှ မဟုတ်ဘူးဆိုရင်တော့ လူပြောင်းဖို့ လိုအပ်နေပါပြီ။
၈။ စိတ်ရှည်ပါ။
တီဗီအစီအစဉ်တွေမှာ ကြော်ငြာတာတွေကတော့ ရက်သတ္တပတ်အနည်းငယ်အတွင်းမှာ ၂၅ ပေါင်လောက် ကျနိုင်တယ်လို့ ပြောကြပါတယ်။ တစ်ရက်ကို ရှစ်နာရီလောက် လေ့ကျင့်ခန်းပြုလုပ်မှုမရှိရင်တော့ ဒါဟာ လက်တွေ့မကျပါဘူး။ သင်ဟာ လေ့ကျင့်ခန်းမမှာ တစ်ပတ်မှာ သုံးကြိမ်၊ ဒါမှမဟုတ် လေးကြိမ်လောက်နဲ့ သုံးလခန့် လေ့ကျင့်မယ်ဆိုရင်တော့ သင့်ခန္ဓာကိုယ်မှာ သိသာတဲ့ထူးခြားမှုကို ခံစားလာရမှာပါ။
၉။ သင်သောက်နေတဲ့ အချိုရည်တွေကို ဂရုစိုက်ပါ။
တချို့အချိုရည်တွေဟာ ငါးရာကယ်လိုရီလောက်ထိ ပါဝင်ပါတယ်။ ဒါဟာ သင်လေ့ကျင့်ခန်းပြုလုပ်တဲ့ ရလဒ်ကို များစွာဟန့်တားနိုင်ပါတယ်။ တချို့က ဒီအချိုရည်တွေဟာ ဈေးကြီးကြီးတင်ရောင်းတာမျိုးတွေလည်းရှိတာမို့ ရှောင်နိုင်မယ်ဆိုရင် သင်ပိုက်ဆံစုရာလည်း ရောက်မှာပါ။ တစ်ဖက်မှာလည်း မိမိအိမ်မှာပဲ လိုအပ်တဲ့အာဟာရ ရအောင် ပြင်ဆင်စားသောက်လို့ရပါတယ်။
၁၀။ ပိုးသတ်ထားတဲ့ အဝတ်တွေကို အသုံးပြုပါ။
အဲဒီအဝတ်တွေ အားကစားခန်းမမှာ ထားရှိတာဟာ အလှသက်သက်တော့ မဟုတ်ပါဘူး။ သင်အသုံးပြုမယ့် ချွေးစိုနေတဲ့ စက်ပစ္စည်းတွေနဲ့ အခင်းတွေကို သေချာသုတ်ပါ။ လေ့လာမှုတစ်ခုအရတော့ အဲဒီလေ့ကျင့်ခန်းပြုလုပ်တဲ့ စက်ပစ္စည်းတွေမှာရှိတဲ့ ဘက်တီးရီးယားတွေဟာ အိမ်သာထိုင်ခုံမှာရှိတဲ့ ဘက်တီးရီးယားတွေထက် ၃၆၂ ဆလောက် ပိုများတယ်လို့ ဆိုထားပါတယ်။
Ref:www.healthdigest.com
အဒိုနီရမ်
