Honda Motor Co နဲ့ တောင်ကိုရီးယား ဘက်ထရီထုတ်လုပ်ရေးလုပ်ကြီး LG Energy Solution Ltd တို့အနေနဲ့ အမေရိကန်နိုင်ငံအတွင်းမှာ လျှပ်စစ်ကားတွေမှာအသုံးပြုဖို့ ဘက်ထရီစက်ရုံတည်ဆောက်ဖို့ အမေရိကန်ဒေါ်လာ ၄.၄ ဘီလီယံအသုံးပြုသွားဖို့ သဘောတူညီလုပ်ဆောင်လျက်ရှိပါတယ်။ အဓိကကတော့ ဂျပန်ကားထုတ်လုပ်ရေးလုပ်ငန်းကြီး Honda Motor Co အနေနဲ့ ၂၀၄၀ ပြည့်နှစ်ရောက်ရှိတဲ့အခါမှာ သဘာဝသယံဇာတစွမ်းအင်အသုံးပြုမှုကိုလုံးဝဖြတ်တောက်ဖြစ်နိုင်ဖို့ ရည်မှန်းထားတာကြောင့်ပါ။
အဲဒီဘက်ထရီစက်ရုံကနေပြီးတော့ ၂၀၂၅ ခုနှစ်ကစတင်ပြီး 40Gigawatt-hours တစ်နှစ်ကိုထုတ်လုပ်နှုန်းရဖို့ ရည်မှန်းချက်ထားထားကြောင်းလည်း Honda Motor က ထုတ်ပြန်ပါတယ်။ ၂၀၂၃ ခုနှစ်မှာစတင် စက်ရုံတည်ဖို့လျာထားတဲ့ ဒီဘက်ထရီစက်ရုံကို Joint Venture အနေနဲ့ Honda Motor Co နဲ့ LG Energy Solution Ltd တို့က တည်ထောင်မှာြဖစ်ပြီး Honda Motor က ရှယ်ယာ ၄၉ ရာခိုင်နှုန်းပိုင်ဆိုင်မှာဖြစ်ကာ ရင်းနှီးမြှုပ်နှံမှုပမာဏအားဖြင့်ကတော့ အမေရိကန်ဒေါ်လာ ၁.၇ ဘီလီယံထည့်ဝင်တာပါ။
ဘက်ထရီစက်ရုံကို အမေရိကန်နိုင်ငံအတွင်း မည်သည့်ပြည်နယ်တွင်တည်ဆောက်သွားမည်ကိုတော့ မဆုံးဖြတ်ရသေးကြောင်း အိုဟိုင်းယိုးပြည်နယ်မှာတော့ တည်ဆောက်ဖို့ခန့်မှန်းခြေရှိကြောင်း Bloomberg က ဇွန်လထဲမှာ ရေးသားခဲ့ပေးပါတယ်။
Ref : BKK Post
