TODAY စာအုပ်တိုက်မှ ထုတ်ဝေလျက်ရှိသော TODAY Tourism & Business Magazine နှင့် CEO Business & Management Magazine များ၏ official website များဖြစ်သော today-myanmar.com နှင့် ceo-myanmar.com website များနှင့်မိတ်ဆက်သည့် အခမ်းအနားတစ်ရပ်ကို ၂၀၁၄ ခုနှစ်၊ မတ်လ ၆ ရက်နေ့က အင်းလျားလမ်းရှိ စိမ်းလန်းစိုပြည် စားသောက်ဆိုင်တွင် ပြုလုပ်ခဲ့ပါသည်။ အခမ်းအနားတွင် TODAY Publishing House LTD ၏ Board of Director တစ်ဦးဖြစ်သူ ဦးမိုးသဲမှ Website များ မိတ်ဆက်သည့်အကြောင်းနှင့်ပတ်သက်ပြီး အဖွင့်စကား ပြောကြားခဲ့ပါသည်။ အခမ်းအနားမှာ today-myanmar.com နှင့် ceo-myanmar.com တို့ကို print version များနှင့် ကွဲပြားခြားနားစေရန် website များတွင် interview အသံ file များ၊ video file များ၊ photo gallery များ ထည့်သွင်းပေးထားကြောင်း၊ စာဖတ်ပရိသတ်များကိုယ်တိုင် ပါဝင် ရေးသားနိုင်သော content များအဖြစ် Forum များတွင် ဝင်ရောက်ဆွေးနွေးနိုင်ရန်၊ Blog တွင် မိမိကိုယ်တိုင် ဝင်ရောက် ရေးသားနိုင်ရန်လည်း စီစဉ်ပေးထားကြောင်း၊ CEO နှင့် TODAY website တွင် ဖော်ပြထားသော content များကို အဆိုပါမဂ္ဂဇင်းများ၏ facebook page များဖြစ်သည့် www.facebook.com/CeoMyanmar နှင့် www.facebook.com/todaytourismmagazine တို့တွင် နေ့စဉ် share လုပ်ဖော်ပြသွားမည်ဖြစ်ကြောင်း ရှင်းလင်းတင်ပြခဲ့ပါသည်။ အခမ်းအနားကို TODAY စာအုပ်တိုက်၏ လုပ်ငန်း partner များ တက်ရောက်ပေးခဲ့ကြပြီး စာနယ်ဇင်းမှ ညီအစ်ကိုမောင်နှမများလည်း တက်ရောက်သတင်းရယူခဲ့ကြပါသည်။ Website များ ပြုလုပ်ရသည့် ရည်ရွယ်ချက်မှာ နိုင်ငံတကာတွင် မိမိသိချင်သမျှအကြောင်းအရာမျိုးစုံနှင့်ပတ်သက်၍ ဝင်ရောက်မေးမြန်း၊ ဆွေးနွေး အကြံဉာဏ်ယူနိုင်မည့် website များစွာရှိသကဲ့သို့ မြန်မာနိုင်ငံတွင်လည်း Tourism, Business, Management စသည့် အကြောင်းအရာများနှင့်ပတ်သက်၍ စာဖတ်ပရိသတ်ကိုယ်တိုင် သတင်းအချက်အလက်များ ဖလှယ်၊ ဝင်ရောက်မေးမြန်း၊ ဆွေးနွေးနိုင်စေရန် ဖြစ်ပါသည်။ CEO နှင့် TODAY website များအား ဝေဖန်အကြံပြုလိုပါက [email protected] နှင့် [email protected] သို့ mail ပို့နိုင်သည့်အပြင် Facebook မှတစ်ဆင့်လည်း Message ပေးဖို့ ဝေဖန်အကြံပြုနိုင်ပါသည်။ website များနှင်ပတ်သက်၍ အသေးစိတ် သိရှိလိုပါက email မှတစ်ဆင့် ဆက်သွယ်နိုင်သည့်အပြင် ကြော်ငြာကိစ္စများနှင့် ပတ်သက်၍ အသေးစိတ်သိရှိလိုပါက [email protected] သို့လည်း email နှင့် ဆက်သွယ်စုံစမ်းနိုင်ပါသည်။ ဖုန်း- ၀၁ ၅၀၇၃၈၅, ၅၀၇၃၉၁, ၅၀၇၃၉၂, ၅၀၇၃၉၃ ၊ ဖက်စ် ၀၁ ၅၀၇၃၉၀။
