မြန်မာနိုင်ငံတွင်လုပ်ကိုင်ခွင့်ပြုထားသော နိုင်ငံခြားဆက်သွယ်ရေးအော်ပရေတာနှစ်ခုနှင့်ယှဉ်ပြိုင်နိုင်ရန်၊ ဆက်သွယ်ရေးလုပ်ငန်းတွေကို နည်းပညာမြင့်မားလာအောင်လုပ်ဆောင်နိုင်ရန်၊ Mobile ဖုန်း သုံးစွဲသူတွေအဆင်ပြေ ချောမွေ့လွယ်ကူလာစေရန် စတဲ့ရည်ရွယ်ချက်တွေနဲ့ မြန်မာ့ဆက်သွယ်ရေးလုပ်ငန်း MPT ဟာ ကမ္ဘာ့ဆက်သွယ်ရေးဝန်ဆောင်မှု လုပ်ငန်းတွေထဲမှာ နံပါတ် ၁၁ နေရာတွင်ရှိနေတဲ့ ဂျပန်နိုင်ငံရဲ့ တစ်ခုတည်းသော ဘက်စုံဆက်သွယ်ရေးလုပ်ငန်းဖြစ်တဲ့ KDDI Corporation နဲ့ Sumitomo Corporation စတဲ့ ဆက်သွယ်ရေးဝန်ဆောင်မှုကုမ္ပဏီနှစ်ခုတို့နဲ့ လုပ်ငန်းသဘောတူလက်မှတ်ရေးထိုးပွဲ အခမ်းအနားကို ၂၀၁၄ ခုနှစ် ဇူလိုင်လ ၁၆ ရက်နေ့က နေပြည်တော်ရှိ သင်္ဂဟဟိုတယ်မှာ ကျင်းပခဲ့ပါတယ်။ အဲဒီပွဲမှာတော့ ဆက်သွယ်ရေးနှင့် သတင်းအချက်အလက်နည်းပညာဝန်ကြီးဌာန ပြည်ထောင်စုဝန်ကြီးဦးမြတ်ဟိန်းက အမှာစကားပြောကြားပြီး မြန်မာနိုင်ငံဆိုင်ရာ ဂျပန်နိုင်ငံသံအမတ်ကြီး H.E.Mr Tateshi Higuchi, KDDI Corporation ရဲ့Board of Director Mr Hidehiko Tajima, Sumitomo Corporation က General Manager Mr Tatsujiro Naito တို့က အသီးသီးနှုတ်ခွန်းဆက်အမှာစကားများ ပြောကြားခဲ့ပါတယ်။ အဲဒီနောက်မှာတော့ မြန်မာ့ဆက်သွယ်ရေးလုပ်ငန်းရဲ့ အထွေထွေမန်နေဂျာ ဦးခင်မောင်ထွန်းနှင့် KDDI Summit Global Myanmar Co Ltd က Chief Executive Officer Mr Takashi Nagashima တို့က သဘောတူစာချုပ်ကို လက်မှတ်ရေးထိုးခဲ့ပြီး စာနယ်ဇင်းမီဒီယာအသီးသီးရဲ့ မေးမြန်းမှုတွေကို ပြန်လည်ဖြေကြားပေးခဲ့ပါတယ်။ 
