ပြည်တွင်းမှာ ပထမဆုံး တရားဝင်ဖွင့်လှစ်လိုက်တဲ့ Mercedes-Benz car showroom ဖွင့်ပွဲကို ၂၀၁၄ ခုနှစ်၊ မေလ ၈ ရက်တွင် အဆိုပါ Showroom တည်ရှိရာ အမှတ် ၅၁၊ ပြည်လမ်း၊ ရန်ကုန်မြို့မှာ ကျင်းပခဲ့ပါတယ်။ အဆိုပါ Showroom မှာ Mercedes-Benz အစီးရေ ၁၅ စီးအထိ ခင်းကျင်းပြသထားမှာဖြစ်ပြီး ဝန်ဆောင်မှုတွေကတော့ ၂ နှစ် မိုင် limit အကန့်အသတ်မရှိ warranty ပေးထားတာ၊ သုံးနှစ်အခမဲ့ ကားဝန်ဆောင်မှုပေးတာ၊ Mercedes-Benz ရဲ့ ကားပစ္စည်းအစစ်အမှန်တွေကို ရရှိနိုင်တာ၊ German Trained ပညာရှင်တွေရဲ့ ဝန်ဆောင်မှု၊ Mercedes-Benz ကားအမျိုးအစားသစ်တွေကို စမ်းသပ်မောင်းနှင်ခွင့် ပရိုဂရမ်တွေ ထားရှိထားတယ်လို့ သိရပါတယ်။ လာမယ့်နှစ် နှစ်လယ်ပိုင်းတွင် Mercedes-Benz ရဲ့ Main Workshop အသစ်ကို ထပ်မံဖွင့်လှစ်သွားဖို့ရှိပြီး တိုက်ရိုက်ဝယ်ယူလိုပါက ဖုန်းနံပါတ်- ၀၉ ၅၀၅၇၀၄၅ နဲ့ www.mercedes-benz.com.mm ကို ဆက်သွယ်နိုင်ပါတယ်။ "ကျွန်တော်တို့ ပူးပေါင်းဆောင်ရွက်တဲ့သဘောတူစာချုပ်ချုပ်ဆိုပြီး တစ်နှစ်မပြည့်ခင်မှာ ဒီ Showroom ကို ဖွင့်လှစ်နိုင်ခဲ့တဲ့အတွက် ဂုဏ်ယူမိပါတယ်။ မြန်မာနိုင်ငံရှိ Showroom မှာလည်း ကမ္ဘာတစ်ဝန်းရှိ Mercedes-Benz ရဲ့ဝန်ဆောင်မှုတွေနဲ့အတူ ကားအသစ်တွေကိုလည်း တစ်ပြေးညီရရှိနိုင်အောင် ဆောင်ရွက်ထားပါတယ်" လို့ Daimler South East Asia Pte Ltd ရဲ့ CEO ဖြစ်သူ Mr. Wolfgang Huppenbaeur က ပြောပြခဲ့ပါတယ်။ 
