ပွဲအစရွှေ့ကွက်လေး၊ ငါး-ဆယ်ကွက်နဲ့ ရှုံးတဲ့ စစ်တုရင်ပွဲတွေကို သုတေသနပြုကြည့်ရာမှာ ရလာတဲ့ ရ လဒ်က နိုင်သွားတဲ့သူတွေ တော်လွန်းလှလို့ ပြောင်ပြောင် မြောက်မြောက် တိုတိုလေးနဲ့ ပွဲသိမ်းနိုင်ခဲ့တာမဟုတ်ဘဲ ရှုံးနိမ့်သူရဲ့ အမှားတွေကြောင့်သာဖြစ်တယ်ဆိုတဲ့ အဖြေ ထွက်ခဲ့တယ်။ အမှားဆိုရာမှာလည်း အရင်လူတွေဖန်တရာ တေနေအောင် မှားခဲ့တဲ့ပုံစံတွေအတိုင်း ထပ်ဆက်မှားနေကြ တာကိုတွေ့ရတယ်။ အပြိုင်အဆိုင်တွေများလှတဲ့ ဒီနေ့ခေတ်ကြီးမှာ စကတည်းက ယဉ်သကိုဆိုသလို ဗေထိဆိုတာနဲ့ ကွဲပါလေ ရောဆိုရင်ဖြင့် နာလန်ထူဖို့ တော်တော်ခက်ပါတယ်။ မတ် တတ်ကောင်းကောင်းမရပ်နိုင်သေးခင် ဗုန်းဗုန်းလဲကျသွားရင်တော့တော်တော့်ကိုဒုက္ခရောက်တော့မှာ။ လုပ်ငန်းတစ်ခုကို အစပြုရာမှာ ဘယ်လိုဘယ် လောက်မြတ်စွန်းနိုင်တယ်။ ဘယ်လောက်အချိန်နဲ့ အရင်း ကျေမယ် စတဲ့ အကောင်းမျော်တွက်ချက်မှုတွေ ပြုကြတယ်။ ရင်းနှီးမြှုပ်နှံကြတယ်။ ရှုံးမယ် ဆိုရင် ဘယ်သူလုပ်မှာလဲ ပြောကြတယ်။ ရှုံးတတ်တယ်ဆိုတဲ့ သဘာဝကို မေ့ထားကြတယ်။ ရှုံးဖူးသူတွေရဲ့သာဓကကို ဆန်းစစ်ဝေဖန်သုံးသပ်မှုမပြုကြဘူး။ တာအထွက်မှာ ခြေခေါက်လဲကျတာမျိုး မဖြစ်ရလေအောင် သတိထားကြရပါမယ်။မောင်မောင်လွင် (စစ်တုရင်)
