ဆိုင်တည်နေရာနဲ့ ဆက်သွယ်လို့ရမယ့်ဖုန်း . . .
ဆိုင်အမှတ် ၁၀၀၇ ၊ မြေညီထပ်၊ တော်ဝင်စင်တာ၊ ဒဂုံမြို့နယ်၊ ရန်ကုန်မြို့၊ ဖုန်း- ၀၉ ၉၇၄၀၀၇၆၆၆ / ၀၉ ၇၉၉ ၅၅၅ ၉၉၊ Email - [email protected]
ဖွင့်လှစ်တဲ့ရည်ရွယ်ချက် . . .
mds Myanmar ဖွင့်လှစ်ရတဲ့ရည်ရွယ်ချက်ကတော့ မြန်မာအမျိုးသမီးတွေအနေနဲ့ မြန်မာနိုင်ငံမှာတင်ပဲ လိုအပ်တဲ့ ခေတ်မီအမျိုးသမီးဖက်ရှင်တွေကို စိတ်တိုင်းကျ ဝတ်ဆင်ဝယ်ယူနိုင်စေဖို့ဖြစ်ပါတယ်။ နေ့စဉ် (Casual) နဲ့ ပွဲတက် (Formal) ဒီဇိုင်းအသစ်တွေကို သင့်တော်တဲ့ဈေးနှုန်းနဲ့ ဝယ်ယူရရှိနိုင်မှာဖြစ်ပါတယ်။
mds ရဲ့ထူးခြားချက် . . .
mds အမှတ်တံဆိပ်ဟာ စင်ကာပူနိုင်ငံမှာ ထုတ်လုပ်ပြီး စင်ကာပူနိုင်ငံရှိ အမျိုးသမီးဝတ် Fashion Brand တွေ ကြားမှာ ရေပန်းစားပါတယ်။ ဂျပန် ၊ စင်ကာပူ၊ အင်ဒိုနီးရှား၊ မလေးရှားနဲ့ ယခုမြန်မာနိုင်ငံအပါအဝင် နိုင်ငံပေါင်းခြောက်နိုင်ငံမှာ ဆိုင်ခွဲပေါင်း ၂၅ ဆိုင် ဖွင့်လှစ်ထားပြီး အောင်မြင်စွာ ရပ်တည်နေပါတယ်။ ထူးခြားချက်အနေနဲ့ အပတ်စဉ်တိုင်း ဖက်ရှင်ဒီဇိုင်းသစ်တွေ ထွက်ရှိနေပြီး စင်ကာပူနဲ့ တစ်ပြေးညီအချိန်အတွင်းမှာ ဝယ်ယူရရှိနိုင်ပါတယ်။ ဖက်ရှင်ဒီဇိုင်းပေါင်း ရာကျော်ရှိပြီး နောက်ဆုံးပေါ် ခေတ်မီဒီဇိုင်းသစ်တွေကို နိုင်ငံတကာက mds ဆိုင်တွေမှာ ထွက်ရှိတဲ့တစ်ချိန်တည်းမှာ ရရှိနိုင်မယ့်အပြင် ဈေးနှုန်းလည်း မှန်ကန်ပါတယ်။
Promotion ပိုင်း . . .
Promotion အနေနဲ့ ငွေကျပ် ၁၅၀,၀၀၀ ဖိုး ဝယ်ယူရင် တစ်သက်တာ Member Card ရရှိမှာ ဖြစ်ပါတယ်။ Member Card နဲ့ ဝယ်ယူရင် ပုံမှန် Item တွေပေါ်မှာ ၁၀ ရာခိုင်နှုန်း Discount ရရှိမှာဖြစ်ပြီး မိမိရဲ့မွေးလအတွင်း ဝယ်ယူမယ်ဆိုရင် ၂၀ ရာခိုင်နှုန်း Discount ရရှိမှာ ဖြစ်ပါတယ်။
အခြားဝန်ဆောင်မှုများ . . .
ထူးခြားတဲ့ Promotions တွေ၊ Giveaway ပေးတဲ့ Special အစီအစဉ်တွေနဲ့ MDS Myanmar ရဲ့ Facebook နဲ့ Instagram မှာ ဖက်ရှင်ဒီဇိုင်းအသစ်ထွက်တိုင်း အမြဲမပြတ် တင်ပေးနေပါတယ်။
ဈေးနှုန်းပိုင်း . . .
ဈေးနှုန်းပိုင်းအနေနဲ့ သုံးသောင်းကျပ်ကစပြီး ရှစ်သောင်းကျပ်အထိ ရှိပါတယ်။
