ဗြိတိသျှနိုင်ငံထုတ် Jaguar Land Rover ကားကို မြန်မာနိုင်ငံမှာ စတင်မိတ်ဆက်ခြင်းနဲ့ မြန်မာနိုင်ငံရှိ Capital Automotive Ltd ကို အရောင်းကိုယ်စားလှယ်အဖြစ်ခန့်အပ်ခြင်းအခမ်းအနားကို ၂၀၁၄ ခုနှစ်၊ မတ်လ ၃ ရက်နေ့ က ရန်ကုန်မြို့၊ Sedona Hotel မှာ ပြုလုပ်ခဲ့ပါတယ်။ အခမ်းအနားမှာ အဖွင့်နှုတ်ခွန်းဆက်စကားကို Captial Automotive Ltd ရဲ့ Managing Director ဦးခင်ထွန်း က ပြောကြားခဲ့ပြီး Jaguar Land Rover ရဲ့ Regional Business Manager Mr Steve Martin က လည်း အဖွင့်နှုတ်ခွန်းဆက်စကားအနေနဲ့ “ ကျွန်တော့်အနေနဲ့ Jaguar Land Rover ကားကို မြန်မာနိုင်ငံမှာ စတင်မိတ်ဆက်ခွင့်ရတဲ့အတွက် အင်မတန်ကိုဂုဏ်ယူမိပါတယ်။ လာမယ့် ၂၀၁၄ခုနှစ်၊ အောက်တိုဘာလမှာ လည်း Jaguar Land Rover Service Centre ကိုဖွင့်လှစ်သွားမှာဖြစ်ပြီးတော့ ကျွန်တော်တို့အနေနဲ့ ဈေးကွက်အားကောင်းတဲ့ မြန်မာနိုင်ငံမှာ လုပ်ကိုင်ခွင့်ရတဲ့အတွက်လည်း ကျေနပ်အားရမိပါတယ်” ဟု ပြော ကြားခဲ့ပါတယ်။ မြန်မာနိုင်ငံဆိုင်ရာ ဗြိတိသျှသံအမတ်ကြီး အင်ဒရူးပက်ထရစ် က “ ဒီနိုင်ငံမှာ Jaguar Land Rover ရဲ့ လုပ်ငန်းတွေချဲ့ထွင်ဖို့ ဆုံးဖြတ်လိုက်တဲ့အပေါ်မှာ များစွာဝမ်းမြောက်မိပါတယ်။ ဒါဟာ နိုင်ငံအတွင်း အလုပ်အလုပ်အကိုရရှိစေခြင်း၊ ဌာနဝန်ထမ်းတွေကို နိုင်ငံတကာအဆင့်မီ လေ့ကျင့်ပေးခြင်းနဲ့ သုံးစွဲသူတွေ အတွက် အဆင့်မြင့်တဲ့ ဝန်ဆောင်မှုပေးခြင်း အပြင် ဗြိတိသျှနိုင်ငံရဲ့စက်မှုအတတ်ပညာနဲ့ ထုတ်လုပ်မှုကို ပြသနိုင်တဲ့ပြယုဂ်တစ်ခုဖြစ်တစ်ခုဖြစ်တယ်” ဟု ပြောကြားခဲ့ပါတယ်။ 
