Jawbone UP24 တစ်နေ့တာအတွင်း လျောက်လှမ်းခဲ့တဲ့ ခြေလှမ်းအရေအတွက်၊ ကယ်လိုရီလောင် ကျွမ်းမှုပမာဏ၊ အစားအသောက်နဲ့ ပတ်သက်တဲ့အချက်အလက်တွေ၊ အိပ်စက်အနား ယူခြင်းနဲ့ ပတ်သက်တဲ့အချက်အလက် (အချိန်ဘယ်လောက်ကြာအောင်အိပ်ခဲ့ တယ်၊ နှစ်နှစ်ခြိုက်ခြိုက်အိပ်ပျော်ရဲ့လားစသဖြင့်) တွေကို မှတ်သားထားနိုင်တဲ့ Tracker လေးဖြစ်ပါတယ်။ ပြီးတော့ အိပ်ရာကထဖို့အတွက် Vibration Alarm လည်း Set လုပ်ထားနိုင်မှာပါ။ တကယ်လို့ ကိုယ်ကမလှုပ်မယှက် အလုပ်စားပွဲမှာ ထိုင်နေမိနေတယ်ဆိုရင်ကိုယ့် ကိုသတိပေးစေဖို့လည်း Alarm လုပ်ထားလို့ရပါတယ်။ တစ်နေ့တာနဲ့ ပတ်သက်အချက်အလက်တွေကို မှတ်တမ်းတင် သိမ်းဆည်းဖို့ဆိုရင် လည်း Bluetooth Smart လုပ်ဆောင်ချက်၊ ဒါမှမဟုတ် Simple Sync တို့ကို သုံးနိုင်ပါတယ်။ Smart Accessory တို့ရဲ့ ထုံးစံအတိုင်း သူ့ကို App နဲ့ တွဲသုံးရ မှာဖြစ်ပြီး အခုလောလောဆယ်အထိတော့ UP 24 မှာ iPhone နဲ့တွဲဖက်အသုံးပြုဖို့ iOS version app ပဲရှိပါသေးတယ်။ တန်ဖိုး - 149.99 USD 
Fitbit Force နေ့စဉ်ကျန်းမာရေးအခြေအနေကို Track လုပ်ပေးမှာပါပဲ။ သူက Real-Time အချက်အလက်တွေကို ပေးမှာပါ။ ခြေလှမ်းအရေအတွက်၊ ဘယ် လောက် အကွာအဝေးအထိ သွားခဲ့လဲ၊ တစ်နေ့တာအတွင်းလောင်ကျွမ်းသွားတဲ့ ကယ်လိုရီပမာဏ၊ တက်ခဲ့တဲ့ လှေကားထစ်အရေအတွက်နဲ့ တစ်နေ့တာလုံး အတွက် အချိန်ဘယ်လောက်ကြာကြာ နိုးနိုးကြားကြားရှိနေခဲ့သလဲ၊ ညအိပ် ချိန်မှာဆိုရင်လည်း အိပ်စက်အနားယူမှုကို Track လုပ်မှတ်သားပြီး မနက်မိုး လင်းရင် Vibrating Alarm နဲ့ နှိုးပေးနိုင်ပါတယ်။ Force ကတော့ Computer ၊ Android phone နဲ့ iPhone တွေနဲ့ ချိတ်ဆက်အသုံးပြုနိုင်မှာဖြစ်ပါ တယ်။ ဒီလိုချိတ်ဆက်ဖို့ကိုတော့ သူက Bluetooth 4.0 ကိုသုံးပါတယ်။ တန်ဖိုး - 129.99 USD 
Alexadre Christie 6268MC ဒီဇိုင်းပုံစံကျပြီး ဈေးနှုန်းအရလည်း မန်နေဂျာတွေအတွက်သင့် တင့်တဲ့အနေအထားမှာရှိတဲ့ Alexadre Christie တံဆိပ်နဲ့ လက်ပတ်နာရီဖြစ်ပါတယ်။ 6268MC ရဲ့ ဒိုင်ခွက်က Stainless Steel နဲ့လုပ်ထားတာဖြစ်ပြီး ကြိုးကတော့ ရာဘာ ဖြစ်ပါတယ်။ ကြိုးအရောင် သုံးမျိုးရှိပြီး ကြိုး အရှည်က ၄၇.၀၀ မီလီမီတာရှိကာ ရေစိုခံအမျိုး အစားလည်းဖြစ်ပါတယ်။ တန်ဖိုး - ၁၇၂,၀၀၀ ကျပ်ဝန်းကျင် Cherry Oo 
Ogival 305-078DLK/ DLW Swiss Made နာရီအမျိုးအစားဖြစ်ပြီး Style ကျလှပတဲ့ အသွင်ရှိတာကြောင့် Business Lady တွေနဲ့ သင့်တော်ပါတယ်။ ဘဲဥပုံဒိုင်ခွက်မှာ ကျောက်တွေနဲ့ အလှဆင်ထားတာဖြစ်ပြီး လက်ပတ်ကြိုးအရောင်ကတော့ ရွှေရောင်နဲ့ ငွေရောင် နှစ်မျိုး ရွေးချယ်နိုင်မှာပါ။ သူကလည်း ရေစိုခံအမျိုးအစားပါပဲ။ တန်ဖိုး - ၄၁၅,၀၀၀ ကျပ်ဝန်းကျင် Cherry Oo
