ကမ္ဘာ့ဖလားပွဲစဉ်ရလဒ်တွေကို ဖြေဆိုမှန်ကန်ခဲ့သူတွေကို Huawei P7 ဖုန်းများ ဆုချီးမြှင့်ခဲ့ခြင်း အခမ်းအနားနဲ့ Huawei ဖုန်းသုံးစွဲသူတွေရဲ့ တွေ့ဆုံပွဲကို သြဂုတ်လ ၁၀ ရက်နေ့က ကန်တော်ကြီးရှိ လက်မှုကုန်းမြေနေရာမှာ ကျင်းပခဲ့ကြောင်း သိရပါတယ်။ ပွဲမှာ Huawei မှ ကမ္ဘာဖလားပြိုင်ပွဲကာလအတွင်း Facebook မှတစ်ဆင့်ပြုလုပ်သောပွဲရလဒ်များကို ခန့်မှန်းရာတွင် အနိုင်ရရှိသူ ၆၅ ဦးနှင့် ပွဲတက်ရောက်သူများထဲမှ ၇ ဦး စုစုပေါင်း ၇၂ ဦးကို Huwei P7 ဖုန်းများ ချီးမြှင့်ပေးခဲ့ကြောင်း သိရပါတယ်။ ပွဲနေ့တွင် ရန်ကုန်နှင့် မန္တလေးမှ Huawei Fan ပေါင်း ၁၀၀၀ ကျော်နှင့် ဂိမ်းကစားခြင်း များလည်း ပြုလုပ်ခဲ့ပြီး မိဆန္ဒီနှင့် အိပ်မက်ဆုံရာမှ တေးသံရှင်များရဲ့ ဖျော်ဖြေရေးအစီအစဉ်တွေ လည်း ပြုလုပ်ခဲ့ကြောင်း သိရပါတယ်။ “ဒီနေ့တွေ့ဆုံပွဲကိုလုပ်ဖြစ်တာက အရင်ကဆိုရင် Huawei ရဲ့ဖုန်းသုံးစွဲသူတွေကို Facebook Page ကနေတဆင့် Campaign တွေ Contest တွေလုပ်ရင်းနဲ့ပဲ ရင်းနှီးဆက်သွယ်ခဲ့တာ အဲဒီလို Online နဲ့ Facebook ကနေတဆင့်ပဲ ရင်းနှီးခဲ့ရတဲ့ Huawei ဖုန်းသုံးစွဲသူများကို အပြင်မှာတွေ့ဆုံရင်းနှီးစေလိုတဲ့ ရည်ရွယ်ချက်နဲ့ ဒီပွဲလေးကို ကျင်းပ ရခြင်းပဲဖြစ်ပါတယ်။ ကျွန်မတို့ Huawei အနေနဲ့ ဖုန်းသုံးစွဲသူတွေရဲဲ့ လိုအပ်ချက်တွေနဲ့လိုလားချက်တွေကို အမြဲတမ်း ဖြည့်ဆည်းပေးဖို့ ကြိုးစားနေပါတယ်။ ဒီပွဲလေးကိုလဲ Huawei Phone သုံးစွဲသူတွေကို ကျေးဇူးတုံ့ပြန် တဲ့အနေနဲ့ကျင်းပခဲ့တာဖြစ်ပါတယ်" ဟု Huawei မှ ဈေးကွက်ရှာဖွေရေးမန်နေဂျာ မခင်ရတနာဝင်း ပြောကြားခဲ့ကြောင်း သိရပါတယ်။
