Facebook ရဲ့ Whats- App ကို ဝယ်ယူမှုကတော့ ကုမ္ပဏီရဲ့ လက်ရှိ ရပ်တည်မှုကို အားဖြည့်တာ၊ ပြီးတော့ လျင်မြန်စွာပဲ တိုးတက်လာနေတဲ့ WhatsApp ရဲ့ အစွမ်းနဲ့ အချိတ်အဆက် ကိုယူကာ Facebook ရဲ့ အရှိန်နှုန်းကို မြှင့် တင်တာလို့ ပြောလို့ရပါတယ်။ WhatsApp အသုံးပြုသူ တစ်ဘီလီယံရဖို့ မျော်မှန်းထား တာဖြစ်ပါတယ်။ တကယ်တော့ WhatsApp အသုံးပြုသူ တွေက Facebook က App ကို ဝယ်ပြီးနောက် လူကြိုက် မှာ မဟုတ်လောက်တဲ့ပြုပြင်ပြောင်းလဲမှုတွေကို လုပ်မှာလား ဆိုပြီး စိုးရိမ်စိတ်ရှိခဲ့ကြပါတယ်။ ဒါပေမဲ့ Facebook က တော့ ဟိုအရင် Instagram ကို ဝယ်ခဲ့တုန်းက လမ်းစဉ်အ တိုင်း WhatsApp ကိုလည်း Facebook နဲ့ တသီးတခြားပဲ ဆက်လက်ထားရှိမယ်လို့ ကတိပေးခဲ့ပါတယ်။ WhatsApp မှာ လစဉ်အသုံးပြုသူပေါင်း သန်း ၄၅၀ ရှိပြီး အဲဒီထဲက ၇၀ ရာခိုင်နှုန်းလောက်က နေ့စဉ် အသုံးပြုတာဖြစ်ပါတယ်။ ဒီ App က တစ်နေ့ကို အသုံးပြု သူအသစ် တစ်သန်းလောက်တိုးလာနေတာလည်း ဖြစ်ပါ တယ်။ WhatsApp ကိုသုံးပြီး တစ်နေ့ကို Message ၁၉ ဘီလီယံလောက်ပို့ကြပြီး ၃၄ ဘီလီယံလောက် လက်ခံနေ ကြတာဖြစ်ပါတယ်။ ပြီးတော့ နေ့စဉ် ပုံပေါင်း သန်း ၇၀၀ လောက်နဲ့Video Message သန်း ၁၀၀ လောက်လည်း WhatsApp ကတစ်ဆင့် ပေးပို့ကြပါတယ်။ WhatsApp အသုံးပြုသူတွေအနေနဲ့ သူတို့ရဲ့ဖုန်းနံပါတ်နဲ့ Contact ထဲ က လူတွေကို သူတို့ Account နဲ့ ချိတ်ဆက်ထားလို့ ရပါတယ်။ Facebook က ဝယ်ယူပြီးနောက်မှာ တွေ့ရမယ့် WhatsApp ရဲ့ ပထမဆုံး အပြောင်းအလဲကတော့ ဖုန်းခေါ် ဆိုမှုလုပ်ဆောင်ချက်ပဲဖြစ်ပါတယ်။ အမေရိကန်ကုမ္ပဏီတွေက ၁၉၉၀ ခုနှစ်အလယ် ပိုင်းလောက်ကတည်းက စတင်ကာ Commercial Internet လောကကို အပိုင်စိုးထားတာဖြစ်ပါတယ်။ Google က search လုပ်ဆောင်မှုအတွက်၊ Facebook က Social Network အတွက်၊ Twitter က နိုင်ငံတကာနဲ့ ချိတ်ဆက် အသုံးပြုတဲ့ Real-time Communication အတွက်နဲ့ Online Retail အတွက်ကတော့ Amazon စသဖြင့် ကြီးစိုး ခဲ့တာဖြစ်ပါတယ်။ လက်ရှိအချိန်မှာ ကမ္ဘာတစ်ဝန်းအသုံးအများဆုံး Instant Messaging App ၁၀ ခုရှိပါတယ်။ အဲဒါတွေကတော့ WhatsApp ၊ Viber ၊ Line ၊ Kakao Talk ၊ Kik၊ Tango ၊ Nimbuzz ၊ Hike ၊ နဲ့ MessagingMe တို့ဖြစ်ပါတယ်။ အာရှရဲ့ နည်းပညာဂုရုကုမ္ပဏီကြီးတွေကလည်း သူတို့ရဲ့ယှဉ်ပြိုင်သူအနောက်နိုင်ငံက App တွေကို တိုက် ရိုက်စိန်ခေါ်ကာ ကမ္ဘာ့ Smartphone အသုံးပြုသူ ၅.၆ ဘီလီယံအတွက် ထိပ်တန်း Messaing နဲ့ Social Network ဖြစ်ဖို့ ကြိုးစားနေတာပါ။ WeChat ၊ Line ၊Kakao Talk နဲ့ Hike တို့လို အာရှအခြေစိုက်ကုမ္ပဏီတွေနဲ့ ကျန်တဲ့အနောက်နိုင်ငံတွေက App တွေရဲ့ ပြိုင်ပွဲကလည်း ပိုပြီးပြင်းထန်လာနေတာဖြစ်ပါ တယ်။ အခုဆိုရင် ဒီယှဉ်ပြိုင်ပွဲထဲကို Facebook ကို နောက်ခံယူပြီး ပိုကြီးထွားလာဖို့ အားယူနေတဲ့ WhatsApp က ဦးဆောင်ဖို့ ကြိုးစားနေတာလည်း ဖြစ်နိုင်ပါတယ်။ အခုဆိုရင် WhatsApp က အမေရိကန်အပြင် တခြားနိုင်ငံတွေမှာလည်း App ကို အသုံးပြုသူတွေများ လာနေပါပြီ။ ဥပမာ- အိန္ဒိယ၊ ဘရာဇီး၊ ရုရှားနဲ့ မက္ကဆီကို တို့လို နိုင်ငံတွေမှာဖြစ်ပါတယ်။ WhatsApp ကို လက်ရှိ မှာ နိုင်ငံတော်တော်များများမှာ အခမဲ့အသုံးပြုလို့ရနေပြီး တချို့နိုင်ငံတွေမှာတော့ တစ်နှစ်ကို ၉၉ ဆင့်နှုန်းနဲ့ Subscribe လုပ်သုံးရတဲ့ပုံစံရှိပါတယ်။ မြန်မာနိုင်ငံနဲ့ကပ်လျက် ထိုင်းနိုင်ငံမှာတောင် ဂျပန်အခြေစိုက် Line App ကို အသုံးပြုသူ ၂၂ သန်းကျော် ရှိနေတာဖြစ်ပါတယ်။ ထိုင်းနိုင်ငံမှာ Line က တစ်ဆင့် online ဈေးကွက်ချဲ့ထွင်နေတဲ့ Shopping Site တွေရှိပါ တယ်။ ကမ္ဘာလုံးဆိုင်ရာ သုတေသနကုမ္ပဏီတစ်ခုဖြစ်တဲ့ Frost & Sullivan (Thailand) က senior ICT analyst ဖြစ်သူMr. Teera Kanokkanjanarat က '' WhatsApp ကနေပေးပို့ခဲ့တဲ့ message အရေအတွက်က ပြီးခဲ့တဲ့နှစ်တစ်နှစ် လုံးကပေးပို့ အသုံးပြုခဲ့တဲ့ SMS အရေအတွက်နဲ့တောင် တူညီလုနီးပါးရှိတယ်'' လို့ BangkokPost သတင်းစာမှာ ဖြေဆိုထားတာကိုတွေ့ရပါတယ်။ သူက Facebook နဲ့ WhatsApp တို့ရဲ့ Deal က ထိုင်းနိုင်ငံအပေါ်မှာတော့ တိုက်ရိုက်ထူးခြားတဲ့ အကျိုးသက်ရောက်မှုမျိုးဖြစ်စေမှာ မဟုတ်ဘူးလို့လည်းမှာ ပြောထားခဲ့ပါတယ်။ Facebook ရဲ့ ထောက်ပံ့မှုနဲ့ဆိုရင် WhatsApp က Carrier အများစုကို Messaging နဲ့ပတ်သက်ပြီး စိန်ခေါ်နိုင်နေပါပြီ။ လူတစ်ယောက်အနေနဲ့ သူ့ရဲ့ပတ်ဝန်း ကျင်က၊ သူ့အပေါင်းအသင်းတွေအားလုံးက Messaging Service အတွက် WhatsApp ကိုပဲ အသုံးပြုခဲ့မယ်ဆိုရင် သူလည်း လိုက်သုံးမှာပါပဲ။ Facebook ၊ WhatsApp Deal နဲ့ပတ်သက်ပြီး မြန်မာနိုင်ငံရဲ့ထိပ်တန်း Software ကုမ္ပဏီတွေထဲက တစ်ခု ဖြစ်တဲ့Myanmar Information Technology Pte. Ltd ရဲ့ CEO ဖြစ်သူ ဦးထွန်းသူရသက်က ''ပိုငယ်ရွယ်တဲ့မျိုးဆက် က Social Media Platform နဲ့ App အသစ်တွေဖြစ်တဲ့ Twitter တို့ SnapChat တို့ကို Facebook ကနေပြောင်းသုံးနေ ကြတာဖြစ်ပါတယ်။ ဒီနယ်ပယ်ထဲမှာဆိုရင် WeChat က လည်း လူပြောများတဲ့ App တစ်ခုဖြစ်ပါတယ်။ ဒါတွေကို Facebook က သိလို့ WhatsApp လို ကုမ္ပဏီကို ဝယ်ယူခဲ့ တာဖြစ်ပါတယ်'' လို့ ပြောပါတယ်။ Facebook က WhatsApp ကို သူ့ရဲ့လက် နက်တွေထဲက တစ်ခုအဖြစ်အသုံးပြုပြီး သမားရိုးကျဖုန်း Carrier တွေရဲ့နေရာကို ဝင်ယူလာနိုင်ပါတယ်။ ဘာကြောင့် ဆို WhatsApp က တခြားTelecom Industry တစ်ခု လုံးနီးပါးစာလောက်ရှိတဲ့ Message အသွားအပြန်နှုန်းနဲ့ လည်ပတ်နေတာလည်းဖြစ်ပါတယ်။ ဦးထွန်းသူရသက်က ''မြန်မာနိုင်ငံမှာလည်း ပို ကောင်းတဲ့ 3G Service ရလာတာနဲ့အမျ လူတွေက အဲဒီလို App တွေကို ပိုပိုပြီး သုံးလာကြမှာဖြစ်ပါတယ်။ အပြန်အလှန် ဆက်သွယ်တဲ့ လူနှစ်ယောက်စလုံးက Smartphone သုံးပြီး Online ပေါ်မှာလည်း ရှိနေကြမှာဖြစ်တာကြောင့် အများစုက SMS အစား WhatsApp နဲ့ WeChat လို App တွေကို သုံးလာကြမှာပါ။ ဒါက အသုံးပြုသူတွေအတွက် ပိုပြီး ဈေးသက်သာ၊ ပိုပြီးကောင်းပါတယ်။MNO (Mobile Network Operator) တွေအနေနဲ့လည်း Voice နဲ့Text/SMS တို့ဆီကထက် Data Usage ကနေပြီး ငွေကြေးပိုရလာ နိုင်ပါတယ်'' လို့ ပြောပါတယ်။ WhatsApp ကိုအသုံးအများဆုံးဖြစ်တဲ့ အာရှ ဒေသတစ်စိတ်တစ်ပိုင်းနဲ့ လက်တင်အမေရိက တစ်လွှားက Carrier တွေက MMS Message တွေအတွက် မတန်တဆ ကောက်ခံနေတာဖြစ်ပါတယ်။ ဒါကြောင့် အခမဲ့ အသုံးပြုနိုင်မယ့် Messaging App တွေက ပိုက်ဆံချွေတာဖို့ နည်းလမ်း ကောင်းတွေပါပဲ။ ပြီး တော့ အဲဒီ App တွေက ဖုန်းလိုင်းမိမှမဟုတ်ဘဲ Wi-Fi ရ နိုင်တဲ့ ဘယ်နေရာကနေမဆို ကိုယ့် အပေါင်းအသင်းတွေနဲ့ အဆက်အ သွယ်မပျက် နေနိုင်အောင်လည်း လုပ်ပေးနိုင်ပါတယ်။ ဒါကြောင့် နောက်ဆိုရင်Real-time Comm- unication ဝန်ဆောင်မှု ပေးနေတဲ့ Telecommunication Carrier တွေရဲ့ပုံစံက တစ်မျိုး ပြောင်းသွား နိုင်ပါတယ်။ 
အကျော်ကြားဆုံး Social Media Site တွေထဲက တစ်ခုဖြစ်တဲ့ Twitter ကတောင် အသုံးပြုသူ ၂၄၁ သန်းပဲရှိနေသေးတာဖြစ်ပြီး အဲဒီထဲက ၄၄ ရာခိုင်နှုန်း လောက်က Tweet wမလုပ်ကြပါဘူး။ ဒါကြောင့် လူတွေ တကယ်ပဲ instant messaging app တွေကို အတော်လေး သုံးလာနေကြပြီဆိုတာ အမှန်ပါပဲ။ လာမယ့် နှစ်နှစ်အတွင်း မြန်မာနိုင်ငံရဲ့ICT Industry နဲ့ပတ်သက်ပြီးတော့ ဦးထွန်းသူရသက်ကို မေး မြန်းကြည့်တဲ့အခါ သူက Mobile ၊ Cloud နဲ့ Social Media တို့က ဦးဆောင်ပါလိမ့်မယ်၊ ပြီးရင်တော့ Big Data က လိုက်လာပါလိမ့်မယ်။ Mobile App တွေက အလားအလာရှိပြီး လူတွေကလည်း PC တွေထက် Smartphone နဲ့ Tablet ကို ပိုသုံးလာကြမှာပါ။ Data တွေကိုလည်း Cloud မှာ သိမ်းလာကြပါလိမ့်မယ်။ ပြီးတော့ Software တွေအနေနဲ့ Online ရော၊ Offline မှာပါ အလုပ် လုပ်တဲ့အနေအထားမျိုးဖြစ်လာသင့်ပါတယ်'' လို့ ပြောပြခဲ့ ပါတယ်။ Facebook နဲ့ WhatsApp တို့ရဲ့ အရောင်းအဝယ် ကနေ ပုံဖော်ဖို့ကြိုးစားနေတဲ့ နိုင်ငံတကာကInstant Messaing Trend အရွေ့နဲ့အတူ မြန်မာနိုင်ငံက Smartphone အသုံးပြုသူတွေလိုက်ပါနိုင်မလားဆိုတာ ကိုတော့ မြန်မာနိုင်ငံ ရဲ့ Telecommunication အရွေ့ကို လာမယ့်လတွေမှာ အရင်စောင့်ကြည့်ရဦးမှာဖြစ်ပြီး နိုင်ငံတကာနည်းတူ Carrier တွေအပြိုင်အဆိုင်နဲ့ Data Plan အသုံးပြု Mobile အတွေ့ အကြုံကို ရရှိနိုင်မှာလားဆိုတာကိုလည်း စောင့်မျော်ကြည့်ရဦး မှာပဲ ဖြစ်ပါတယ်။ ကမ္ဘာ့အသုံးအများဆုံး Mobile messaging app ၁၀ ခုရဲ့ အသုံးပြုသူအရေအတွက်
အသုံးပြုသူ တစ်လကို သန်း၄၅၀ ရှိနေတာပါ။ Facebook ကဝယ်ယူပြီးနောက်မှာ အသုံးပြုသူ တစ်ဘီလီယံဖြစ်ဖို့ မျှော်မှန်းထားပါတယ်။ 
ဆိုက်ပရပ်စ်အခြေစိုက်ကုမ္ပဏီရဲ့ registered Member ပေါင်းက သန်းသုံးရာကျော်ဖြစ်ပါတယ်။ အခုတော့ သူ့ကို Rakuten က ဒေါ်လာ သန်းကိုးရာနဲ့ ဝယ်ခဲ့ပြီးပါပြီး။ 
တရုတ်နိုင်ငံရဲ့ အကြီးဆုံး ISP တွေထဲက တစ်ခုဖြစ်တဲ့ Tencent ပိုင်တဲ့ App ဖြစ်ပါတယ်။ သူကလည်း တစ်လကို အသုံးပြုသူပေါင်း သန်း၄၅၀ နီးပါးရှိပါတယ်။ 
ဂျပန်နိုင်ငံက Naver ကုမ္ပဏီပိုင်တဲ့ Line App ဟာ Register လုပ်အသုံးပြုသူပေါင်း သန်း၃၅၀ ကျော်ရှိတာပါ။ 
တောင်ကိုရီးယားအခြေစိုက် App က Registered လုပ်အသုံးပြုသူ သန်း ၁၀၀ ကျော်ရှိပြီး သူက ၂၀၁၃ ခုနှစ်ထဲမှာ Evernote နဲ့ ပူးပေါင်းကာ အမေရိကန်မှာပါ ဝန်ဆောင်မှုပေးနိုင်အောင်လုပ်ခဲ့ပါတယ်။ 
ဝါတာလူးတက္ကသိုလ်ကျောင်းသားတွေ ၂၀၀၉ ခုနှစ်က ပြုလုပ်ခဲ့တဲ့ ဒီApp မှာ Register လုပ်ထားတဲ့ အသုံးပြုသူပေါင်း သန်း ၁၃၀ ရှိနေပြီဖြစ်ကာ ကနေဒါ နိုင်ငံက အွန်တာရီယိုပြည်နယ်မှာ တစ်နေ့ကို Member အသစ်ပေါင်း နှစ်သိန်းလောက် တက်လျက်ရှိပါတယ်။ 
စီလီကွန်တောင်ကြား အခြေစိုက် Tango ကတော့ နိုင်ငံပေါင်း ၂၂၄ ခုအတွက် Utilize လုပ်ထားပြီးဖြစ်ကာ အသုံးပြုသူ သန်း ၁၉၀ ကျော်နဲ့ တိုးပွားလျက်ရှိနေပါတယ်။ 
Messaging၊ VoIP နဲ့ Social Network app တစ်ခုဖြစ်တဲ့ Nimbuzz မှာ register လုပ်ထားပြီးသား အသုံးပြုသူပေါင်း သန်း ၁၅၀ ကျော်ရှိပါတယ်။ 
သူ့ရဲ့ စုစုပေါင်း အသုံးပြုသူ ၁၅ သန်းထဲက ၆၀ ရာခိုင်နှုန်းက Homeland ဖြစ်တဲ့ အိန္ဒိယကဖြစ်ပြီး ကျန်တဲ့ ၄၀ ရာခိုင်နှုန်းကတော့ ဥရောပနဲ့ အရှေ့အလယ်ပိုင်းဒေသတွေက အသုံးပြုသူတွေ ဖြစ်ပါတယ်။ 
သူ့မှာတော့ အသုံးပြုသူငါးသန်းရှိပြီး တဖြည်းဖြည်း တိုးပွားလာနေပါတယ်။
