လူငယ်များနဲ့ အလုပ်အကိုင်အခွင့်အလမ်း ရှာဖွေနေသူတွေအတွက် အလုပ်အကိုင်ရှာဖွေရေး Website တစ်ခုဖြစ်တဲ့ Dream Job Myanmar Online Recruitment Advertising Website မိတ်ဆက်ပွဲ အခမ်းအနားကို SuLe Shangri-La Hotel မှာ၂၀၁၄ ခုနှစ် ဇွန်လ ၁၄ ရက်က ကျင်းပခဲ့ပါတယ်။ ဖွင့်ပွဲအမှာစကားအဖြစ် Dream Job Myanmar ရဲ့ Managing Director ဒေါ်ဇာခြည်လင်းက Website အကြောင်းကိုရှင်းပြခဲ့ပါတယ်။ အဲဒီနောက်မှာတော့ Mulodo Inc.(Japan) ရဲ့ Managing Director Mr Hiroyuki Iida က Mulodo Inc.ရဲ့ နည်းပညာအကြောင်းများကိုရှင်းပြခဲ့ပြီး အစားအသောက်များနဲ့ တည့်ခင်းဧည့်ခံခဲ့တယ်လို့ သိရပါတယ်။ Dream Job Myanmar Online Recruitment Advertising Website ဟာကွန်ပျူတာနှင့်သာမကပဲ စမတ်ဖုန်းတွေမှာပါ အသုံးပြုလို့ရနိုင်ပြီး ဖုန်းထဲကနေတိုက်ရိုက် အလုပ်လျှောက်ထားလို့ရတဲ့ Online Website ဖြစ်ကြောင်း သိရပါတယ်။ 
