လုပ်ငန်းခွင်တိုင်းအနေနဲ့ အချိန်မရွေးအခါမရွေး တွေ့ကြုံလာရနိုင်တဲ့
ဘေးအန္တရာယ်အမျိုးမျိုးအတွက် ကြိုတင်ပြင်ဆင်မှုတွေကို လုပ်ဆောင်ထားနိုင်ဖို့လိုပါတယ်။
ဒီအတွက် အရေးပေါ်အစီအစဉ်၊ အရေးပေါ်ပစ္စည်းအစုံအလင်အိတ် စတာတွေ
ကြိုတင်ရေးဆွဲထားပြင်ဆင်ထားဖို့လိုသလို ဝန်ထမ်းတွေကိုလည်း အရေးပေါ်အခြေအနေတွေမှာ
ဘယ်လိုလုပ်ဆောင်သင့်တယ်ဆိုတဲ့ အစီအစဉ်တွေနဲ့ အရေးပေါ်အသက်ကယ်နည်းလမ်းတွေကို
ကြိုတင်လေ့ကျင့်သရုပ်ပြတွေလုပ်ထားနိုင်ဖို့လိုပါမယ်။ ဒါတွေကို ဒီဆောင်းပါးထဲမှာ
အဆင့်အလိုက်ခွဲခြားဖော်ပြထားပါတယ်။
သဘာဝဘေးအန္တရယ်ကြိုတင်ကာကွယ်မှုလုပ်ငန်းစဉ်တစ်ခုအနေနဲ့ လုပ်ငန်းခွင်အတွင်း
စာရွက်စာတမ်းများနဲ့ လုပ်ဆောင်မှုအစီအစဉ်များကို ဒစ်ဂျစ်တယ်စနစ်သို့ပြောင်းလဲထားခြင်းရဲ့
အကျိုးကျေးဇူးတွေလည်းများပြားတဲ့အတွက် ဒီလို Digitization
လုပ်ဆောင်ထားဖို့လည်းလိုပါမယ် ဒီအတွက် လိုအပ်မယ့် Tools တွေနဲ့
အလွယ်ကူဆုံးနည်းလမ်းတွေကိုလည်းဖော်ပြထားပါတယ်။ ဒါအပြင်အခမဲ့ Open-Source DMS
နဲ့ Mobile Work Management Tool မားကိုလည်း ဖော်ပြပေးထားပါတယ်။
သဘာဝဘေးအန္တရာယ်အမျိုးမျိုးနဲ့ကြုံတွေ့တဲ့အခါမှာ
လုပ်ငန်းခွင်တိုင်းပြင်ဆင်ထားသင့်တဲ့အချက် ၃ ချက်ကို အတိအကျပြောရရင်တော့ …
၁။ အရေးပေါ်အခြေအနေအစီအစဉ်တစ်ခုဖော်ထုတ်ထားပါ
ဖြစ်လာနိုင်တဲ့ဘေးအန္တရာယ်အခြေအနေတွေကိုဖော်ထုတ်ပါ - ဥပမာ သင့်လုပ်ငန်းခွင်မှာ
ငလျှင်၊ ရေဘေး၊ မီးဘေးနဲ့ အခြားသော
လူလုပ်ဘေးအန္တရာယ်အခြေအနေတွေဖြစ်လာနိုင်သလား … ဒီနေရာမှာပြောချင်တာက သင်က
ငလျှင်မကြာခဏလှုပ်နိုင်ခြေရှိတဲ့ပတ်ဝန်းကျင်မှာလား၊ မီးတောင်တွေနားမှာလား၊
ရေကြီးရေလျှံလေ့ရှိတဲ့နေရာမှာလား၊ တောမီးလောင်တတ်တဲ့ပတ်ဝန်းကျင်မှာလား၊
ပဋိပက္ခဖြစ်ပွားရာ နယ်မြေတွေနဲ့အနီးအနားမှာလား စသဖြင့်
ကြိုတင်ဆင်ခြင်သုံးသပ်တာကိုပြောတာပါ ။ မှန်ပါတယ် သဘာဝဘေးအန္တရာယ်ဆိုတာ
ကြိုတင်ခန့်မှန်းထားလို့မရနိုင်တဲ့အနေအထားမှာလာတတ်တယ်ဆိုပေမယ့် ကိုယ့်ဘက်က
ပြင်ဆင်နိုင်တာကိုတော့ ပြင်ဆင်နိုင်သလောက်လုပ်ထားရမှာပါပဲ။
ဆက်သွယ်ရေးလမ်းကြောင်းအစီအစဉ်တွေသတ်မှတ်ထားပါ - ဝန်ထမ်းတွေနဲ့
တာဝန်ရှိစီမံခန့်ခွဲသူတွေကြား အရေးပေါ်အခြေအနေတွေမှာ
ဘယ်လိုဆက်သွယ်ပြောဆိုကြမယ်ဆိုတဲ့ လမ်းကြောင်းကိုသတ်မှတ်ထားပါ။
မိမိတို့လုပ်ငန်းခွင်အနေအထားအရ အဆင်ပြေနိုင်ဆုံးနည်းလမ်းကိုသုံးပါ။
အရေးပေါ်အခြေအနေမှာ ဘယ်သူတွေက ဘယ်လိုတာဝန်တွေယူကြမလဲဆိုတာ
ကြိုတင်သတ်မှတ်ထားပါ - ဥပမာ ဘယ်သူကတော့ဖြင့်
ကယ်ဆယ်နေရာချထားရေးကိုတာဝန်ယူမယ်၊ ဘယ်သူကတော့
ဆက်သွယ်ရေးဆက်ဆံပြောဆိုထုတ်ပြန်ကြေညာချက်တွေကို တာဝန်ယူမယ်၊ ဘယ်သူကတော့
အရေးပေါ်အသက်ကယ်မယ့်အဖွဲ့ကိုဦးဆောင်မယ် စသဖြင့် ကြိုတင်သတ်မှတ်ပြီး
သက်ဆိုင်ရာအစုအဖွဲ့အလိုက် ကြိုတင်ညှိနှိုင်းလေ့ကျင့်မှုတွေ လုပ်ထားပါ။
အရေးပေါ်အသက်ကယ်ဆယ်ရေး အစီအစဉ်ကိုရေးဆွဲချမှတ်ထားပါ -
သေချာနည်းလမ်းကျနစွာ လေ့လာသင်ယူလေ့ကျင့်ထားတဲ့
သူတွေအဖွဲ့အစည်းထဲမှာရှိတာသေချာအောင်လုပ်ထားပါ။ ပြီးတော့
အရေးပေါ်အသက်ကယ်ပစ္စည်းကိရိယာအစုံအလင်ပါတဲ့ first-aid kit တွေ
လုပ်ငန်းခွင်မှာရှိနေတာ သေချာအောင်လုပ်ထားပါ။
နယ်မြေဒေသအလိုက် တာဝန်ရှိသူတွေနဲ့ ပူးပေါင်းဆောင်ရွက်ပါ - တကယ်လို့ဖြစ်နိုင်ရင်တော့
လုပ်ငန်းခွင်တည်ရှိရာ နေရာဒေသရဲ့ တာဝန်ရှိသူတွေနဲ့
သဘာဝဘေးအန္တရာယ်ဆိုင်ရာအဖွဲ့တွေရှိရင် သူတို့နဲ့ ကနဦးကတည်းက
ပူးပေါင်းမှု/ဆက်ဆံဆက်သွယ်မှုတွေ ပြုလုပ်ထားပါ၊ ဒါမှသာ မိမိပတ်ဝန်းကျင် မြို့/နယ် စတဲ့
နေရာက သဘာဝဘေးအန္တရာယ်ဆိုင်ရာ ကြိုတင်သတိပေးချက်နဲ့
အစီအစဉ်တွေကိုမျက်ခြေမပြတ်သိရှိနိုင်မှာဖြစ်ပါတယ်။
၂။ အရေးပေါ်ပစ္စည်းအစုံအလင်အိတ် Disaster kit
ရေ - လူတစ်ဦး ၃ ရက်လောက်အထိ သောက်စရာရေရှိနိုင်မယ့်ပမာဏအထိ ပါဝင်ဖို့လိုပါမယ်။
အစားအသောက် - မပုပ်သိုးမပျက်စီးမယ့် အလွယ်တကူပြင်ဆင်စားသောက်နိုင်မယ့်
ရိက္ခာခြောက် ၃ ရက်စာပါဝင်ဖို့လိုပါမယ်။
First-aid Kit - အရေးပေါ်အသက်ကယ်ပစ္စည်းကိရိယာအစုံအလင်အိတ် -
အနာကပ်ပလာစတာတွေ၊ ပိုးသတ်ဂွမ်းနဲ့သန့်စင်ရေးပစ္စည်းတွေ၊ အကိုက်အခဲပျောက်ဆေးနဲ့
အခြားသော လိုအပ်နိုင်သမျှဆေးဝါးတွေ ပါဝင်ဖို့လိုပါမယ်။
မီး - မီးခြစ်၊ မီးအိမ်၊ လက်နှိပ်ဓာတ်မီး အစရှိသဖြင့် ပါပါမယ်။
ဆက်သွယ်ရေးပစ္စည်းတွေ - ဘက်ထရီထည့်သုံးလို့ရတဲ့ ရေဒီယို၊ ဖုန်းအားသွင်းကြိုးနဲ့ powerbank အစရှိသဖြင့် …
သန့်စင်ရေးပစ္စည်းတွေ - လက်သန့်ဆေးရည်၊ အိမ်သာသုံးစက္ကူနဲ့ တခြားသန့်စင်ရေးပစ္စည်းအမျိုးမျိုး
အခြားပစ္စည်းများ - အရေးကြီးစာရွက်စာတမ်းတွေနဲ့ ငွေသား၊ တခြား လိုအပ်သမျှ - ဆေးနဲ့အသုံးအဆောင်တွေ ဥပမာ Asthma သမားအတွက် inhaler အစရှိသဖြင့် ပါဝင်ပါမယ်။
၃။ ဝန်ထမ်းတွေကို လေ့ကျင့်သင်ကြားပေးပါ
အရေးပေါ်အစီအစဉ်တွေကို သင်တန်းပေးခြင်း - အရေးပေါ်အခြေအနေနဲ့ကြုံတွေ့ရင်
လုပ်ဆောင်ရမယ့် အစီအစဉ်တွေ၊ ကယ်ဆယ်နေရာချထားရေးအစီအစဉ်တွေနဲ့ အရေးပေါ်အသက်ကယ်ခြင်းလုပ်ငန်းစဉ်တွေကို ဝန်ထမ်းတွေနဲ့ အမြဲတမ်းလိုလို
သင်တန်းပေးဖို့လိုပါတယ်။ (၆ လတစ်ကြိမ်၊ တစ်နှစ်တစ်ကြိမ် … စသဖြင့်)
သရုပ်ပြလေ့ကျင့်ခြင်း - ဝန်ထမ်းတွေအနေနဲ့ ကြိုတင်ပြင်ဆင်မှုနဲ့ အမြဲတမ်း
သတိနဲ့ဖြစ်နေစေဖို့အတွက် သရုပ်ပြအစီအစဉ်တွေ၊ Simulations တွေကို အမြဲလိုလို လုပ်ပေးပါ။
အရေးပေါ်အသက်ကယ်နည်းသင်တန်း - ဝန်ထမ်းတွေကို
အရေးပေါ်အသက်ကယ်နည်းသင်တန်းတွေနဲ့ CPR Course တွေကို ပါဝင်သင်ကြားဖို့
အခွင့်အရေးဖန်တီးပေးပါ၊ တိုက်တွန်းပါ။
သဘာဝဘေးအန္တရယ်ကြိုတင်ကာကွယ်မှုလုပ်ငန်းစဉ်တစ်ခုအနေနဲ့ လုပ်ငန်းခွင်အတွင်း
စာရွက်စာတမ်းများနဲ့ လုပ်ဆောင်မှုအစီအစဉ်များကို ဒစ်ဂျစ်တယ်စနစ်သို့ပြောင်းလဲထားခြင်းအကျိုးကျေးဇူးများ
ရယူသုံးစွဲနိုင်စွမ်းတိုးလာမယ် - အရေးပေါ်အခြေအနေတွေမှာတောင်မှ လုပ်ငန်းဆောင်တာတွေ
ပြတ်လပ်သွားတာမျိုးမဖြစ်အောင် Digital Document တွေကို နေရာမရွေးအချိန်မရွေး ရယူသုံးစွဲနိုင်ပါလိမ့်မယ်။
ပြန်လည်ထူထောင်ရေးလည်းပိုမိုလွယ်ကူ - အရေးကြီး စာရွက်စာတမ်းနဲ့မှတ်တမ်းမှတ်ရာတွေကိုသာ Cloud-based စနစ်တွေထဲသိမ်းဆည်းထားတဲ့အခါမှာ မီးဘေး၊ ရေဘေးလို အခြေအနေတွေမှာတောင် ကာကွယ်ထားနိုင်တဲ့အနေအထားရှိပါတယ်။ ပြန်လည်ရယူသုံးစွဲဖို့လည်း လွယ်ကူပါတယ်။
ကုန်ကျစရိတ်သက်သာခြင်း - မြေပြင်မှာ သိမ်းဆည်းထားဖို့နေရာမယူတဲ့အတွက် ရုံးခန်းကျဉ်းလေးလည်း အလုပ်ဖြစ်နိုင်တယ် ဒီအတွက် ငှားရမ်းခနဲ့ အခြား ထိန်းသိမ်းခ ကုန်ကျစရိတ်တွေလည်း သက်သာပါလိမ့်မယ်။
ဒစ်ဂျစ်တယ်စနစ်ပေါ်သို့ ပြောင်းရွေ့ရာတွင် သုံးနိုင်မယ့်နည်းလမ်း/tool များ
Document Management Systems – အရေးပေါ်အခြေအနေလုပ်ငန်းစဉ်တွေကို
တစ်နေရာတည်း တစ်စုတစ်စည်းတည်းသိမ်းဆည်းထားနိုင်တယ်၊
ဝန်ထမ်းမှတ်တမ်းမှတ်ရာတွေနဲ့ တခြားသောအရေးကြီးမှတ်တမ်းစာရွက်စာတမ်းတွေကို
လုံခြုံအောင်သိုမှီးထားပေးနိုင်တယ်။
Mobile Work Management Tools - အချိန်နဲ့တပြေးညီ ဆက်သွယ်နိုင်ဖို့နဲ့ ဝန်ထမ်းတွေရဲ့
လုံခြုံရေးကို အလွယ်တကူ ခြေရာခံနိုင်မယ်၊ အရေးပေါ်အခြေအနေတွေမှာ ဘယ်လို
တုန့်ပြန်လုပ်ဆောင်မလဲဆိုတာကို ကြီးကြပ်ညွှန်ကြားမှု အချိန်နဲ့တပြေးညီလုပ်နိုင်ပါမယ်။
Digitization စတင်လုပ်ဆောင်ခြင်း အတွက်အလွယ်ကူဆုံးနည်းလမ်း
ပထမဆုံးကတော့ လုပ်ငန်းခွင်အတွင်းမူလက Manual လုပ်ဆောင်နေရာ
စာရွက်စာတမ်းနဲ့အရေးကြီးမှတ်တမ်းမှတ်ရာမှန်သမျှအကုန်ကို Scan and Save လုပ်တာပဲ။
စနစ်တကျနဲ့ သေသပ်စွာသိမ်းဆည်းကာ file တွေကို အလွယ်တကူ access လုပ်နိုင်အောင်
သက်ဆိုင်ရာစီမံခန့်ခွဲသူအလိုက်အဆင့်သတ်မှတ် access လုပ်ခွင့်ပေးထားပါ။
သိမ်းတဲ့အခါမှာ Could-based စနစ်တွေထဲသိမ်းပါ။
အလွယ်ကူဆုံးကတော့ အခမဲ့ရတဲ့ Gmail Account တစ်ခုဖွင့်ပြီး Google Drive ထဲ
သိမ်းထားတာပါ။ 15 GB Free ရတော့ တော်ရုံလုပ်ငန်းငယ်လေးတွေဆိုရင် လောက်ပါတယ်။
ပြီးတော့ Document တွေ Scan ဖို့ Free ရတဲ့ AdobeScan လို App ကိုဖုန်းထဲDownပြီး Scan
လို့ရပါတယ်။
ဒါကတော့အလွယ်ကူဆုံးအဆင့်ပဲဖြစ်ပါတယ်။
Mobile Communication အတွက်ကတော့ လူတိုင်းသုံးနေတဲ့ Viber, Telegram, Signal
စသဖြင့်ကနေ Workplace အတွက် Channel တစ်ခုထောင်ပြီး လိုအပ်သမျှ -
ထုတ်ပြန်ကြေညာသမျှ ဝန်ထမ်းအားလုံး သိအောင်လုပ်လို့ရပါတယ်။ ပြီးတော့ Telegram
မှာဆိုရင်လည်း Group ဖွဲ့ပြီး သက်ဆိုင်ရာ Task အလိုက် Sub တွေ ပြန်ခွဲလို့ရလို့ ဒါမျိုးဆိုလည်း
သတ်သတ်မှတ်မှတ်နဲ့အဆင်ပြေပြေလုပ်နိုင်ပါမယ်။
နာမည်ကျော် Document Management System များနဲ့ အခမဲ့ ရွေးချယ်စရာများ
ထိပ်တန်းအခပေး Document Management System ၄ ခု
- DocuWare
ကိုယ်ပိုင် Data Server မှာရော Cloud-based Storage option တွေမှာရော
တင်ထားပြီးသုံးလို့ရမယ့် automated workflows နဲ့ OCR – Optical Character
Recognition လုပ်ဆောင်ချက်တွေပါဝင်ပါတယ်။
ဈေးနှုန်းကတော့ လုပ်ငန်းလိုအပ်ချက်အပေါ်မူတည်ပြီး ပြောင်းလဲသွားပါမယ်။
- M-Files
o Metadata-driven organization နဲ့ AI-powered document retrieval ရတဲ့
Document Management Software ပါပဲ သူက ကုမ္ပဏီတစ်ခုက ဘယ်လို
စနစ်အမျိုးမျိုးပဲသုံးထားပါစေ အဲဒီကုမ္ပဏီရဲ့ Data တွေကို
ပြန်လည်စီမံခန့်ခွဲအသုံးချနိုင်ဖို့ လုပ်ပေးပါတယ်။
ဒါကတော့ အခမဲ့ trail version ရှိပေမယ့် အခပေး version ကတော့ enterprise
level တွေအတွက်ပဲရှိပါမယ်။ - OnlyOffice
o Real-time collaboration and integration with multiple file formats.
File format အမျိုးမျိုးနဲ့ ချိတ်ဆက်အသုံးပြုနိုင်တဲ့ Office Suite နဲ့ Office
Ecosystem တစ်ခုဖြစ်ပါတယ်။
ဈေးနှုန်းကတော့ တစ်လကို အသုံးပြုသူတစ်ဦးအတွက် ၈ ဒေါ်လာကနေစတင်ပြီး
Cloud Hosting အပါဖြစ်ပါတယ်။ - Laserfiche
o Advanced workflow automation and compliance tools. AI-powered
Document Management နဲ့ Process Automation အတွက် ထိပ်တန်း SaaS –
Software as a Service provide ဖြစ်ပါတယ်။
o ဈေးနှုန်းကတော့ user တစ်ဦးအတွက် တစ်လစာ Cloud Hosting အပါ ၆၉
ဒေါ်လာကနေ စတင်ပါတယ်။
အခမဲ့ Open-Source Document Management System ၄ ခု
- OpenDocMan
o Web-based ဖြစ်ပြီး ISO-compliant ဖြစ်တဲ့ DMS ဖြစ်ပြီး PHP နဲ့ ရေးထားတဲ့
စနစ်ဖြစ်ပါတယ်။ သုံးရလွယ်ပေမယ့် ကိုယ့်ဘာသာ Host လုပ်ပြီးသုံးရပါမယ်။ - LogicalDOC
o document collection အကြီးကြီးတွေအတွက် metadata handling
လုပ်ပေးနိုင်ပြီး workflow automation လည်းလုပ်နိုင်ပါတယ်။ - OpenKM
o Enterprise-level အသုံးပြုနိုင်မယ့် DMS ဖြစ်ပြီး workflow automation ကို
အဓိကထားပါတယ်။ - SeedDMS
o Designed for small to medium businesses with access control and
workflow capabilities. အသေးစားနဲ့အလတ်စားလုပ်ငန်းတွေအတွက်
ဒီဇိုင်းလုပ်ထားတဲ့ Workfolw စီမံမှုအသားပေး စနစ်တစ်ခုပါ။
ဘယ်ကနေ Download လုပ်ရမလဲ
OpenDocMan: https://www.opendocman.com/free-download/
LogicalDOC, OpenKM, SeedDMS: https://formkiq.com/blog/the-state-of-
edms/the-ten-best-open-source-edms-in-2025/ နဲ့ Docker Hub or GitHub
တွေကနေ သွားပြီး Download လုပ်နိုင်ပါတယ်။
ထိပ်တန်း Mobile Work Management Tools ၈ ခု
- Connecteam
လုပ်ဆောင်ချက်များ Task automation < real-time performance tracking ၊ e-
signatures ၊ GPS timestamps နဲ့ built-in chat
အခမဲ့ Plan: ဝန်ထမ်း ၁၀ ဦးလောက်အထိ ရှိတဲ့လုပ်ငန်းငယ်လေးတွေအတွက်
အခမဲ့ရနိင်ပါတယ်။
Download: App Store နဲ့ Google Play - ClickUp
လုပ်ဆောင်ချက်: Customizable workspaces ၊ real-time chat ၊ Kanban boards နဲ့
native time tracking
အခမဲ့ Plan: အခြေခံလုပ်ဆောင်ချက်တစ်ချို့အတွက် အသုံးပြုသူအရေအတွက်
အကန့်အသတ်မဲ့ အခမဲ့သုံးနိုင်မှာဖြစ်ပါတယ်။
Download: App Store နဲ့ Google Play - Nifty
လုပ်ဆောင်ချက်: Project discussions ၊ time tracking ၊ team workloads နဲ့
customizable board views
အခမဲ့ Plan: Project နှစ်ခုစာနဲ့ အသုံးပြုသူ ၁၀ ဦးအတွက်သာ
Download: App Store နဲ့ Google Play - Asana
လုပ်ဆောင်ချက်: Timeline view ၊ task dependencies နဲ့ project tracking
အခမဲ့ Plan: အသုံးပြုသူ 15 user အထိ၊ အခြေခံလုပ်ဆောင်ချက်တစ်ချို့အတွက်သာ
Download: App Store နဲ့ Google Play - Trello
လုပ်ဆောင်ချက်: Kanban boards ၊ task assignments နဲ့ file attachments
အခမဲ့ Plan: အခြေခံလုပ်ဆောင်ချက်တစ်ချို့အတွက်သာ Board အရေအတွက် နဲ့
User အရေအတွက် အကန့်အသတ်မဲ့ အသုံးပြုနိုင်မှာဖြစ်ပါတယ်။
Download: App Store နဲ့ Google Play - Plaky
လုပ်ဆောင်ချက်: Unlimited projects ၊ tasksအတွက် user
အရေအတွက်အကန့်အသတ်မှတ် visual task management လုပ်နိုင်
အခမဲ့ Plan: အပြည့်အဝအခမဲ့ရရှိ
Download: https://plaky.com/apps - MeisterTask
လုပ်ဆောင်ချက်: Task automation ၊ project timelines နဲ့ team collaboration
အခမဲ့ Plan: အခြေခံလုပ်ဆောင်ချက်တချို့အတွက် user
အရေအတွက်အကန့်အသတ်မဲ့
Download: App Store နဲ့ Google Play - Any.do
လုပ်ဆောင်ချက်: Calendar integrations, task lists, reminders, and subtasks.
အခမဲ့ Plan: အခြေခံ task management လုပ်ဆောင်ချက်တချို့သာ
Download: App Store နဲ့ Google Play
