မိမိကိုယ်မိမိ ယုံကြည်မှုတော့ ရှိချင်ပါရဲ့။ ဒါပေမဲ့ အဲဒီလိုယုံကြည်မှုရှိလာအောင် ဘယ်လိုလုပ်ရမှန်းမသိဖြစ်နေပါသလား။ မိမိကိုယ်မိမိ အမှန်တကယ် ယုံကြည်မှုရလာအောင် နေ့ချင်းညချင်း လုပ်လို့မရပါဘူး။ လိုအပ်တာတွေကို တစ်ခုချင်း ဇောက်ချလုပ်ဖို့လိုတယ်။ ဒါမှလည်း မိမိဟာ အခြားသူတွေရဲ့လေးစားမှုနဲ့ ခင်မင်မှုမေတ္တာတရားနဲ့ဆိုတာ သဘောပေါက် ခံယူလာမှာဖြစ်ပါတယ်။
၁။ မိမိရဲ့ချို့တဲ့ချက်တွေ၊ လိုအပ်တာတွကို သိအောင်လုပ်ပါ။ စိတ်ထဲမှာကျိတ်ပြီး ခံစားနေတာမျိုးရှိသလား။ ဘာကြောင့် မိမိဘာသာမိမိ စိက်လက်မသက်မသာဖြစ်နေရတာလဲ။ ရှက် မိနေရတာလဲ။ မျက်နှာမှာ ဝက်ခြံပေါက်နေတာကအစ တနုံ့ နုံ့နောင်တရပြီး စိတ်မချမ်းမသာဖြစ်နေတာမျိုးအထိ အ ကြောင်းအမျိုးမျိုးဖြစ်နိုင်တယ်။ ကျောင်းနေဖက်တွေကြောင့်၊ ဒါမှမဟုတ် စိတ်ထဲမှာစွဲနစ်နေတဲ့ မကောင်းတဲ့ အတွေ့အကြုံ အရ ခံစားချက်တစ်ခုခုကြောင့်လည်း ဖြစ်နိုင်တယ်။ ငါဟာ အလကားပဲ၊ ရှက်စရာကောင်းတယ်။ သူများတွေနဲ့ယှဉ်ရင် ငါကညံ့နေတယ် စသဖြင့် ဘယ်လိုပဲခံစားနေရပါစေ အဲဒါ တွေကို ပီပီပြင်ပြင် သဲသဲကွဲကွဲ သိဖို့လိုတယ်။ အဲဒီလိုသိသွား ရင် အဲဒါကိုချရေးလိုက်ပါ။ ဒီစာရွက်လေးတွေကို ဆုတ်ဖြဲ ပစ်လိုက်နိုင်တယ်။ ဒီအချက်တွေနဲ့ပတ်သက်ပြီး အကောင်း မြင်လာဖို့ စလိုက်တာဖြစ်တယ်။
၂။ ခင်မင်ရင်းနှီးရသူတွေနဲ့ ချစ်ရတဲ့သူတွေကိုဖွင့်ပြောပါ။ ပြော ချင်တာလေးတွေကို ပြောပြလိုက်ဖို့ အဆင်သင့်လုပ်ထားပြီး နေ့စဉ်ကြုံတိုင်း နည်းနည်းချင်းပြောကြပါ။ ယူပစ်သလို ချက်ချင်းကြီးတော့ ပြေပျောက်သွားမှာ မဟုတ်ဘူး။ ပြဿနာ တစ်ခုချင်းနားလည်သွားဖို့ တစ်ခုပြီးမှတစ်ခုဆက်ရှင်းပါ။ အတိတ်က ခံစားခဲ့ရတဲ့ကိစ္စက ဒီကနေ့မှာ ဆီလျော်သက် ဆိုင်မှုရှိနေသေးလားဆိုတာ စိစစ်ကြည့်ပါ။ မကောင်းတဲ့ ခံစားချက်မှန်သမျကို ဖျောက်ဖျက်ပစ်ရမယ်လို့ မဆိုလိုဘူး။ (ဖျောက်လို့မရမှန်း အကြိမ်များစွာ ရှိခဲ့ဖူးမှာပါပဲ)။ မိမိရဲ့ လက်တွေ့အအဖြစ်မှန်ကို လက်ခံလိုက်ဖို့လိုတယ်။ အတိတ် ကအကြောင်းတွေ၊ အခြေအနေတွေကို အရှိကိုအရှိအတိုင်း လက်ခံလိုက်ပါ။ ဒီလိုလက်ခံရာမှာ ဒါတွေဟာ အလကား ဟာတွေ၊ မကောင်းတာတွေလို့လည်း မတွေးသင့်ဘူး။ 
၃။အမှားရှိရင် အမှန်ပြင်။ ဘယ်သူမှ ခြောက်ပြစ်ကင်းသဲလဲစင် မဟုတ် ပါဘူး။ မိမိကိုယ်မိမိ ယုံကြည်မှု အပြည့်ရှိပါတယ်ဆိုတဲ့သူတွေတောင် 'တို့မှာ ချို့တဲ့ချက်တွေ၊ ဟာကွက်တွေ ရှိလာပါလား'ဆိုတဲ့ အသိကရှိ နေတယ်။ ဒါကတော့ လူ့ဘဝမှာ အမှန်တရားပဲ။ ဘဝဆိုတာ အဖုအ ထစ်ဆူးငြောင့်ခလုတ်တွေ အများကြီးပဲ။ ဒါတွေဟာလည်း အမြဲမ ပြောင်းလဲဘဲ တည်ရှိနေကြတာမဟုတ်ဘူး။ 
၄။မိမိကျွမ်းကျင်တဲ့၊ အောင်မြင်တဲ့နေရာကိုသိထားပါ။ လူတိုင်းဟာ တစ်ခုခုမှာ တော်ကြတာချည်းပါပဲ။ ဒီတော့ သင်လည်း ဘယ်နေရာမှာ တော်သလဲဆိုတာ သိအောင်လုပ်ပြီး အဲဒီတော်တဲ့အချက်တွေကို အာ ရုံစိုက်ပါ။ ဂုဏ်လည်းယူပါ။ ဒီအတွက် မိမိကိုယ်မိမိ ချီးကျူးစမ်းပါ။ သိမ်ငယ်စိတ်ဆိုတာ မိမိဘာသာလုပ်ထားတာဖြစ်တယ်။ မိမိကိုယ်မိမိ သားကောင်အဖြစ် အလုပ်မခံပါနဲ့။ စိတ်ထဲကခံစားရချက်တွေကို အနုပညာ၊ တေးဂီတ၊ စာရေးခြင်းစတဲ့ နည်းတွေနဲ့ ဖော်ထုတ်ပေးပါ။ ဝါသနာပါတာ တစ်ခုခုကိုရှာပါ။ လူတိုင်းမှာ ဝါသနာတို့၊ အစွမ်းအစ တို့ဆိုတာရှိတယ်။ ကိုယ့်ဝါသနာ၊ ကိုယ့်အစွမ်းအစကို ဖွံ့ဖြိုးအောင်လုပ်ပါ။ ဝါသနာပါတာတူတဲ့သူတွေနဲ့ ပေါင်း လုပ်ပါ။ ဝါသနာပါတာလုပ်နေရရင် မိမိကိုယ်မိမိ ယုံကြည်မှုမရှိ ဖြစ်နေတာလျော့ပါ။ ပျောက်ကင်းသွားနိုင်တယ်။ အောင်မြင်အောင်လုပ်တတ်တယ်ဆိုတဲ့အသိကြောင့် မိမိကိုယ်မိမိ ယုံကြည်မှုရှိလာနိုင်တယ်။ ဒါ့အပြင် အတူတူလက်တွဲ လို့ရတဲ့ မိတ်ဆွေအပေါင်းအသင်းတွေနဲ့လည်း တွေ့ကြုံလာနိုင်တယ်။ 
၅။ဒါလောက်ရှိတာပဲ တော်လှပြီလို့ သဘောထားပါ။ မိမိကိုယ်မိမိ မယုံကြည်ခြင်းရဲ့အကြောင်းရင်းတွေထဲမှာ များသောအားဖြင့် ရှိသင့် တယ်လို့ထင်ထားတဲ့အရာတွေ မိမိမှာချို့တဲ့နေတယ်ဆိုတဲ့ ခံစား ချက်ဖြစ်လေ့ရှိတယ်။ ခံစားချက်နဲ့ပတ်သက်လို့ပဲဖြစ်ဖြစ် ကံအကျိုး ပေးတို့၊ ငွေရေးကြေးရေးတို့နဲ့ပတ်သက်လို့ပဲဖြစ်ဖြစ် ကိုယ့်မှာချို့တဲ့ နေတယ်ဆိုတဲ့စိတ်မျိုး ပေါ်ပေါက်နေတတ်တယ်။ ဒါကြောင့် ကိုယ့် မှာရှိတာလေးနဲ့ပဲ ရောင့်ရဲနေရင် စိတ်ချမ်းသာမှုရပြီး မိမိကိုယ်မိမိ ယုံကြည်ချက်ရှိရေးကိုလည်း အထောက်အကူပြုမှာ ဖြစ်ပါတယ်။ 
၆။အကောင်းဘက်ကို မြင်အောင်ကြည့်ပါ။ သူများတွေနဲ့ အမြင်မတူပေမဲ့ အကောင်းဘက်ကို မြင်အောင်ကြည့်ပါ။ ကိုယ့်ကိုယ်ကိုယ် သနားစရာ လို့ မမြင်သင့်သလို သူများတွေရဲ့သနားတာကိုလည်း မခံချင်ပါနဲ့။ အဲဒီလိုမဟုတ်ရင် တခြားသူတွေက အထင်သေးမှာပါပဲ။ ဒါကြောင့် ကိုယ့်အကြောင်းကို အကောင်းမြင်ရှုထောင့်ကနေပြောပါ။ ကိုယ့်အစွမ်း အစနဲ့ အရည်အသွေးတွေကို ပြဖို့မကြောက်ကြနဲ့။ ဒါဆိုရင် သင်ဟာ အပြုသဘောဆောင်တဲ့ဘက်ကို ဦးလှည့်သွားနိုင်ပါတယ်။ 
၇။သူများက မိမိကို ခင်မင်မှုအရ ချီးမွှမ်းပြောဆိုတာတွေကို ယဉ်ယဉ် ကျေးကျေး တုံ့ပြန်ပါ။ ''အင်း၊ ဟုတ်တယ်'' ဆိုပြီး မျက်နှာလွှဲခဲပစ် သဘောမထားပါနဲ့။ နှလုံးသားထဲကပါ လှိုက်လှိုက်လှဲလှဲခံယူပြီး အပြုသဘောဆောင်တဲ့ သဘောထားနဲ့ တုံ့ပြန်ပါ။ (ကျေးဇူးတင်ပါ တယ်လို့ ပြုံးပြီးပြလိုက်ရင်လည်း ကောင်းတာပါပဲ)။ 
၈။မှန်ထဲမှာကြည့်ပြီး၊ ပြုံးပါ။ ဦးနှောက်ဟာ မျက်နှာရဲ့အမူအရာကိုလိုက် ပြီး ခံစားချက်ကို မှတ်သားထားလေ့ရှိတတ်တယ်။ ဒါကြောင့် နေ့ စဉ် မှန်ထဲကြည့်ပြီး ပြုံးတာနဲ့ ပိုပြီးစိတ်ချမ်းသာလာနိုင်ပြီး ရေရှည်မှာ ယုံကြည်မှုလည်း တက်လာနိုင်တယ်။ 
၉။သရုပ်ဆောင်ပါ။ အထက်ပါအတိုင်း မှန်ထဲကြည့်ပြီး ပျော်အောင်လုပ် သလိုပဲ မိမိကိုယ်မိမိ ယုံကြည်မှုရှိတယ်လို့မှတ်ယူပြီး သရုပ်ဆောင် နေရင် တကယ်ပဲ ယုံကြည်မှုရှိသူတစ်ယောက်ဖြစ်လာနိုင်တယ်။ အဲဒီလို တကယ်လုပ်ပြီး ခံစားကြည့်ပါ။ 
၁၀။မိမိရဲ့မူ၊ မိမိရဲ့ခံယူထားချက်ကို အမြဲစွဲကိုင်ထားပါ။ ဒါကတော့ ခက်ခဲနိုင်တယ်။ ဒါပေမဲ့ ယုံကြည်ချက်၊ ခံယူချက်ဆိုတာမရှိရင် တခြားဘာမှလည်း ရှိမှာမဟုတ်ဘူး။ ခိုင်ခိုင်မာမာ စွဲကိုင်ရပ်တည် စရာမရှိရင် ဘာဒဏ်မှမခံနိုင်ဘဲ ပြိုလဲသွားမှာပဲ။ ဘဝမှာ ဘာတွေပဲ ဖြစ်ခဲ့ဖြစ်ခဲ့၊ ခံယူချက်၊ ယုံကြည်ချက်တွေကို အတတ်နိုင်ဆုံးစွဲကိုင်ထား နိုင်တယ်။ 
၁၁။သူများကို ကူညီပါ။ ကိုယ့်အနီးအနားတစ်ဝိုက်က လူတွေကို ဘယ် သူ့ကိုပဲဖြစ်ဖြစ် ကြင်နာမှုကရုဏာထားတဲ့စိတ်ရှိပြီး ကူညီသင့် တယ်။ 
၁၂။ခြောက်ပြစ်ကင်းသဲလဲစင်ဖြစ်အောင် မကြိုးစားပါနဲ့။ အဲဒီလို ဖြစ်အောင် ကြိုးစားနေရင် ဘာမှလုပ်ဖြစ်မှာမဟုတ်တော့ဘူး။ မိမိရဲ့ရည် ရွယ်ချက်ပန်းတိုင်တွေနဲ့လည်း ဝေးနေမှာဖြစ်တယ်။ 
