SCG က ကြီးမှူးစီစဉ်တဲ့ ASEAN Sustainable Development Symposium 2014 ကို ၂၀၁၄ ခုနှစ်၊ နိုဝင်ဘာလ ၁၄ ရက်နေ့မှာ ထိုင်းနိုင်ငံ၊ ဘန်ကောက်မြို့ရှိ Pizza Athene မှာကျင်းပခဲ့ပါတယ်။ အာဆီယံဒေသတစ်ခုလုံးမှာ ရေရှည်စဉ်ဆက်မပြတ်ဖွံ့ဖြိုးတိုးတက်မှုကွန်ယက်ကို တည်ဆောက်ဖို့နဲ့ ကုန်ထုတ်လုပ်မှုဖြစ်စဉ်ကွင်းဆက် (Supply Chain) တစ်ခုလုံး ရေရှည်တည်တံ့ဖွံ့ဖြိုးဖို့ ရည်ရွယ်ပြီး ကျင်းပတာဖြစ်တယ်လို့ သိရပါတယ်။ အာဆီယံဒေသတစ်ခုလုံး ပူးပေါင်းဆောင်ရွက်ပြီး ရေရှည်စဉ်ဆက်မပြတ်ဖွံ့ဖြိုးတိုးတက်မှုကို ခိုင်မာပြည့်စုံတဲ့အစီအစဉ်တွေနဲ့ လက်တွေ့ကျတဲ့ စီမံချက်တွေကို အသုံးပြုပြီး မဖြစ်မနေအကောင်အထည်ဖော်မှသာ လုပ်ငန်းတိုးတက်ကြီးထွားမှုကို ထိန်းသိမ်းထားနိုင်မှာဖြစ်ကြောင်း၊ အကန့်အသတ်ရှိတဲ့ သဘာဝသယံဇာတအရင်းအမြစ်တွေ ရေရှည်တည်တံ့စေဖို့လည်း ထိန်းသိမ်းဖို့လိုကြောင်း SCG ရဲ့ ဥက္ကဋ္ဌနဲ့ အမှုဆောင်အရာရှိချုပ်ဖြစ်သူ Mr. Kan Trakulhoon က ပြောကြားခဲ့ပါတယ်။ အဆိုပါဆွေးနွေးပွဲကို SCG ကလေးနှစ်မြောက်အဖြစ် လက်ခံကျင်းပခဲ့တာဖြစ်ပြီး အစိုးရနဲ့ ပုဂ္ဂလိကကဏ္ဍက အမှုဆောင်အရာရှိတွေ၊ ပညာရှင်တွေ၊ NGO တွေ၊ ထိုင်းနိုင်ငံနဲ့ နိုင်ငံတကာသတင်းဌာနတွေက တက်ရောက်ခဲ့တယ်လို့ သိရပါတယ်။ SCG ရဲ့ စီစဉ်မှုနဲ့ အာဆီယံနိုင်ငံတွေက မီဒီယာအဖွဲ့တွေဟာ ထိုင်းနိုင်ငံ၊ Lampang ခရိုင်မှာရှိတဲ့ SCG ရဲ့ ဘိလပ်မြေစက်ရုံနဲ့ ချင်းမိုင်ခရိုင်၊ Doisket မှာရှိတဲ့ Huai Hong Khrai ဖွံ့ဖြိုးတိုးတက်ရေးဆိုင်ရာ လေ့လာရေးစင်တာကို နိုဝင်ဘာလ ၁၄ ရက်နေ့က တစ်နေ့တာ သွားရောက်လေ့လာခဲ့ပါတယ်။ငြိမ်းသော်ထူး
